72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Atzera begirako klasikoa. RICHARD BROOKS
Filmak
Filmak
Atzera begirako klasikoa. RICHARD BROOKS
Atzera begirako klasikoa. RICHARD BROOKS
Robert Siodmak
AEB
70 min.
Ramu-ren emaztegaia, Tollea, bahitu egin dute ezkontzaren aurreko egunean, eta Ramu eta bere laguna Kado, Pazifikoko irla batera joango dira haren bila. Irlan atzerritarrak hil egiten dituzte lurra zapaldu bezain laster eta bertako biztanleek kobra gurtzen dute. Hango agintaria Naja da, Tollearen ahizpa biki maltzurra. Emakume zitalak Ramu beretzat nahi du eta, gainera, ahizpa bihozbera akabatu nahi du.
Jules Dassin
AEB
96 min.
Barnes, Westgateko presondegiko zuzendaria, gizon ahula da, eta Munsey kapitain sadikoa eta anbiziotsua da egiaz erakundea zuzentzen duena, indarkeriaren eta beldurraren bitartez. Presoetako batzuk, Joe Collins liderra barne, ihesaldia antolatzen ari dira. Ihes egiteko plana taxutzen doan bitartean, R17 gelako konbiktuetako bakoitzak kartzelara nola joan zen kontatuko digu. Joe eta gainerako presoak alde egiten saiatzen ari direla, tiroketa bat gertatuko da eta Joek Munsey hilko du.
Edward Dmytryk
AEB
86 min.
Zenbait soldadu mozkorrek Joseph Samuels soldadu judutarra eta bere neskalaguna ezagutuko dituzte taberna batean. Samuelsen apartamentura joango dira eta mutila hilda agertuko da biharamunean. Finlay, detektibe militarra, kasua ikertzen hasiko da Keeley-ren laguntzarekin -inplikatuak ezagutzen dituen beste militar bat-.
Delmer Daves
AEB
100 min.
Paul Taggart amerikarra merkatu beltzean aritzen da Parisen. Oraingoan, Christine Lund babestea erabaki du, haren senarra, Lestrac, naziei laguntzeagatik epaituko baitute. Lestracek bere lekaioak bidali ditu emaztea isilarazteko, baina, dena dela, emakumeak ez du haren aurka hitz egin nahi. Paul eta Christine maitemindu egingo dira. Merkatu beltzean aritzea traidorea izatea bezain larria dela konturatuko da Paul, eta ondorioz, tranpa bat jarriko die bere lankideei eta Christinen jazarleei.
John Huston
AEB
100 min.
Frank McCloud Cayo Largoko hotel txiki batera joango da; hotela, James Temple gurpil-aulkian doan elbarriak eta haren erraina Norak zuzentzen dute. Azken hori, Bigarren Mundu Gerran hil zen lagun baten emaztea da. Nora eta Jamesek ongietorri beroa egingo diote, baina Johnny Rocco gangster iheslariak eta haren bandak hartuko dute hotela. Frankek ez du ezer egin nahiko, baina Roccok gaizkile taldeak Kubara ihes egiteko erabili nahi duen itsasontzia gidatzera behartuko du.
Richard Brooks
AEB
96 min.
Ferguson doktorea neurozirujau ospetsua da eta Hego Ameriketako herrialde batean dago oporretan bere emaztearekin. Raoul Farrago da bertan agintzen duen diktadorea eta bikotea herrialdean geratzera behartuko du medikuak garunean duen tumorea ken diezaion. Iraultzaileek medikuaren emaztea bahituko dute senarra ebakuntzan akats bat egitera behartzeko, baina ebakuntza primeran aterako da. Farrago errekuperatzen ari denean iraultza piztuko da eta hura galarazten saiatzen ari dela hil egingo da.
Richard Brooks
AEB
91 min.
Sam-en ogibidea artelanak lapurtzea da, eta oraingoan, Italiako eliza bateko koadroa ostu du; haren kopia bat egin nahi du bere lankideei ziria sartzeko, hala jatorrizkoa saldu eta bi aldiz kobratzeko. Kopia egiteko Anna aukeratuko du, artista eder eta inuzentea. Sam harekin ezkonduko da eta Siziliara joango dira eztei bidaian. Emazteak desengainu handia hartuko du Samek egiten duenaz ohartzean. Hark, bitartean, polizia eta lapur taldea atzetik ditu, baina koadroa itzuli eta damutzen denean, poliziak alde egiten utziko dio.
Richard Brooks
AEB
87 min.
New Yorkeko Day kalitatezko egunkariaren jabea hil egin da eta haren oinordekoek lehia egiten dion beste bati saldu nahi diote. Ed Hutcheson egunkariaren editore gogor eta prentsa askearen defendatzaile amorratuak salmenta hori galarazi nahi du; aldi berean, Rienzi mafiosoa agerian jarriko du neskatila baten hilketarekin lotuta dagoela erakutsita, eta gainera, bere emazte ohia berreskuratzen saiatuko da.
Richard Brooks
AEB
90 min.
Koreako gerran Ruth McGara tenientea fronteko armadaren ospitale ibiltari batera bidaliko dute lan egitera. Bertan, Jed Webbe komandantea ezagutuko du; gizona zirujauetako bat da, gehiegi edaten du eta harreman hutsalak baino ez ditu gustuko. Ruth harekin maiteminduko da zirujau gisa duen abileziarekin txundituta, eta pixkanaka, harreman bat hasiko dute. Ebakuazio zail batean gerrillaren erasoa jasango dute eta gizonek besoetan eraman beharko dituzte zaurituak.
Richard Brooks
AEB
101 min.
1953. urteko maiatza da; Thorne Ryan sarjentua, Koreako beteranoa, El Pasoko (Texas) Bliss forteko errekruten irakaslea da orain. Beste irakaslea, Laverne Holt sarjentua, gizon askoz ere ulerkorragoa da. Ryanek oso denbora gutxian prestatu behar ditu bere gizonak borroka baldintza gogorretarako, eta ondorioz, tentsioa piztuko da Ryanen eta Holten artean, lehenengoak soldaduei ematen dien tratu zakarra dela-eta.
Richard Brooks
AEB
104 min.
Madeline emakume amerikarra bota egin dute bere Napoleseko apartamentutik eta Ciccio bihotz oneko konpositoreak etxean hartuko du. Madelinek afera bat hasiko du haren laguna Ninorekin. Nino abeslari ederra da eta Madelinekin alde egingo du Lisa goxoarekin ezkondu baino pixka bat lehenago. Madeline eta Nino elkarrekin bizitzen jarriko dira, baina laster hasiko dira haserrealdiak, eta mutilak bere lana galduko du. Madeline Ninorentzat egokia ez dela konturatuko da azkenean.
Richard Brooks
AEB
116 min.
Charles Wills soldaduak idazle izan nahi du, eta gerraren Europako garaipenaren egunean Helen Ellswirth ezagutuko du Parisen. Ezkondu eta alaba bat izango dute. Parisen geratuko dira bizitzen eta bertan Charlesek editoreek aintzat hartzen ez dituzten eleberriak idatziko ditu. Arrakasta faltarekin etsita eta Helenen portaera kaskarinarekin nekatuta, edaten hasiko da, eta ondorioz, bikotea elkarrengandik urrunduko da. Gau batean Helenek ezin izango du etxean sartu eta oinez joango da, elurpean, ahizparen etxeraino. Ondorioz, pneumonia hartuko du.
Richard Brooks
AEB
101 min.
Richard Dadier irakasle gisa hasiko da lanean diziplina arazo larriak dituen institutu batean. Ikasle gehienak klase baxuko delitugileak dira. Dadier bere autoritatea baliatzen saiatzen denean gazteetako batek, Artie Westek, jipoitu egingo du. Ikasketetan bikaina den Gregory Miller gazte beltzak hiruhilekoa amaitzean institutua utziko duela jakinaraziko dio Dadierri, beltzek dituzten aukera eskasak direla-eta; baina irakaslea ikasten jarrai dezan konbentzitzen saiatuko da.
Richard Brooks
AEB
103 min.
Charley Gilsonek bufaloak ehizatzen ditu hiltzeko plazeragatik bakarrik. Sandy McKenzie, ordea, nekatuta dago ehizaz, baina Charleyren lankidea izatea onartuko du bere ganadua ihesaldi batean hiltzen denean. Charleyk indiar batzuk akabatuko ditu haiei mandoak lapurtzeko bakarrik, eta, horrez gain, indiar emakume bat eta haren semea gatibu hartuko ditu. Emakumearen presentziak tentsioak eragingo ditu eta Gilson gero eta aztoratuago egongo da. Gau batean Sandyk emakumearekin alde egingo du. Zenbait denbora geroago, Charleyk aurkitu egingo ditu indiarren erreserbara hornigaiak eramaten saiatzen ari direnean.
Richard Brooks
AEB
93 min.
Jane Hurley-k datorren astean ezkonduko dela jakinarazi dio bere familiari. Senargaia Ralph Halloran da, goragoko gizarte maila bateko gizona. Bikoteak etxeko hurbileko kideekin eginiko ezkontza intimoa nahi du, baina egoeraren kontrola galduko dute eta azkenean ehunka gonbidatu izango dituen ezkontza prestatzen hasiko dira. Arazoa da Tomek, Janeren aitak, hamabi urte daramatzala dirua aurrezten taxia eta lizentzia erosteko, eta diru guztia, berak, Janek eta Ralphek egiaz nahi ez duten ezkontza ordaintzeko izango dela.
Richard Brooks
AEB
113 min.
Britainiar Inperioaren mende dagoen Kenian, kikuiu tribuko kideek bakean lan egiten dute Henry McKenzie kolono britainiarrarentzat, lege britainiarrak eta haien erlijio sinismenak errespetatuta. Peter, Henryren semea, eta Kimani, langile beltza, lagun minak dira, batera hazi baitira, anaiak bezala. Kimaniren aita ohitura tribalak jarraitzeagatik kartzelan sartzen dutenean, Kimanik bilera bat egingo du ezkutuan Mau Mauekin, matxinada prestatzen ari den bertako talde batekin.
Richard Brooks
AEB
146 min.
Fiodor Karamazov zeken aberats eta libertinoa da. Lau seme ditu: Dimitri, zaharrena, armadako ofiziala da eta Katya neskatila aberats eta ederrarekin ezkontzera doa; Ivan, ilusioa galdu duen intelektuala da; Alexey, gazteena, fede izugarria duen monjea da; laugarren semea, Smerdyakov, ez da legitimoa. Dimitri bere aitaren maitaleetako batekin maiteminduko da, Grushenka irtirinarekin, hain zuzen. Fiodor hiltzen dutenean Dimitri salatuko dute, baina egiazko hiltzailea Smerdyakov da.
Richard Brooks
AEB
108 min.
Gooper eta Brick Pollitt anaiak etxera itzuliko dira, New Orleansera, Big Daddyren urtebetetzea ospatzeko, hark minbizi terminala baitauka. Gooperrek eta haren emaztea Mayk Big Daddyren herentzia jasotzeko esperantza dute, bost biloba eman baitizkiote agureari, eta bidean da seigarrena. Brickek eta haren emaztea Maggiek ez dute seme-alabarik eta beti eztabaidan dabiltza, Bricken alkoholismoagatik eta hark Maggierengatik inolako interes sexualik ez duelako. Brickek uste du emazteak bere lagun mina Skipper seduzitu zuela hark bere buruaz beste egin baino pixka bat lehenago, eta orain ez du emaztearekin sexu-harremanik izan nahi.
Richard Brooks
AEB
146 min.
Elmer Gantry saltzaile ibiltari, oportunista eta gonazalea, Sharon Falconer predikariaren taldeari batuko zaio. Emakumeak, benetako fedea dauka. Elkarrekin, hiriz hiri joanda, ezagun egingo dira. Sharon Gantryrekin maiteminduko da, baina tartean predikari baten alaba sartuko da. Garai batean Elmerrek hura limurtu zuen eta utzi zuenean prostituzioan hasi behar izan zuen; orain, tranpa jarriko dio bere gelan, eta ondoren, argazkiak Sharoni bidaliko dizkio.
Richard Brooks
AEB
120 min.
Chance Wayne gazte oso erakargarria da, eta Hollywoodeko izar bilakatzen saiatu ondoren, bere jaioterrira itzuliko da. Bidean aktore heldu batekin egingo du topo, Alexandra Del Lago. Emakumea, zinema mundura itzuliko zuen filma porrot biribila izan dela konturatzean, alkoholaren eta drogen munduan sartuko da. Chance bere aurreko neskalaguna Heavenlyrekin elkartuko da; politikari boteretsu eta ustel baten alaba bakarra da hura. Chancek ez daki, ordea, hirian egon zen azken aldian Heavenly haurdun geratu zela eta abortatu egin zuela nahita.
Richard Brooks
AEB
154 min.
James Burke oso azkar iritsi da Britainia Handiko merkataritzako ontzidiko lehenengo ofizial izatera. Mekara doan erromes musulman talde bat eraman behar duen Patna kalamastran sartuko da, baina ekaitz gogor batean ontzia eta bidaiariak bertan behera utziko ditu. Jim marinatik botako dute eta noraezean ibiliko da Asia hegoaldeko portuetan barrena. Eginiko akatsa konpontzeko Patusan herrira arma kargamentu bat garraiatzea onartuko du; bertako biztanleak esklabo bizi dira "Jenerala" deitzen duten buruzagi baten mende.
Richard Brooks
AEB
117 min.
J. W. Grant izeneko texastar aberats batek lau gizon kontratatuko ditu bere emaztea erreskatatzeko. Dirudunaren emaztea, María, Raza bandidu mexikarrak bahitu du. Nolanahi ere, biak aurkitzen dituztenean Granten emazteak bandiduarekin ihes egin duela, hura maite duela eta harekin geratu nahi duela konturatuko dira. Abenturazaleek eskaini zieten dirua galduko dute Maríari eta Razari elkarrekin alde egiten uzten dietenean.
Richard Brooks
AEB
134 min.
Egiazko gertaera batean dago oinarritua. Perry Smith eta Dick Hickock gela berean egon dira kartzelan, eta bertan, beste preso batek jakinarazi die Clutter sendiak 10.000 dolar dituela etxean. Bi presoak hara joango dira eta familiako kideak izutu ondoren, modu oso krudelean hilko dituzte; gero, etxean dirurik ez dagoela ohartuko dira. Mexikora alde egingo dute, eta geroago, AEBetara itzuliko dira. Atzetik dituzten agente federalek, azkenean, Las Vegasen atxilotuko dituzte.
Richard Brooks
AEB
112 min.
Mary adin ertaineko etxeko andrea da eta ilusioa galdu du, bai Fredekin daraman ezkon-bizitzarekiko, bai alaba nerabearekin daukan harremanarekiko. Ondorioz, edaten eta pilulak hartzen hasiko da. Azkenean, Maryk etxetik alde egingo du eta Nassaura joango da. Zorigaiztoko harreman baten ondoren Denverrera itzuliko da, baina etxera bueltatu ordez, lana bilatu, etxe bat alokatu eta gaueko eskolara joango da. Gau batean hantxe bilduko da Fredekin eta harremanari berriz eusteko aukera egongo dela dirudi, baina oso bestelakoa izango da.
Richard Brooks
AEB
120 min.
Joe Collins segurtasunean aditua da eta Hanburgon lan egiten du. Egun batean zenbait gaizkilek alokatuta dituzten hiru kutxa gotorretako edukia lapurtzea erabakiko du. Bankukoek segurtasun sistema berri bat instalatzeko kontratatzen dutenean iritsiko zaio hori egiteko aukera. Dawn Divine prostitutaren laguntza izango du eta elkarrekin helburua lortuko dute. Baina atzetik dituzte lapurtu dituzten droga trafikatzailea, mafiosoa eta sarjentu ustela.
Richard Brooks
AEB
131 min.
1906. urtea da eta egunkari batek zaldi lasterketa bat antolatu du; parte-hartzaileek 700 milia egin behar dituzte egun gutxi batzutan eta lurralde gogor batean barrena. Lehiakideen artean emakume bat, mexikar bat, ingeles bat, behizain gazte bat eta zahar bat, eta Zalditeriako boluntarioen kide izandako bi gizon daude. Guztiek dituzte arrazoi ezberdinak parte hartzeko. Lasterketan elkar errespetatzen ikasiko dute, baldintza gogorrek zaldien eta zaldunen erresistentzia probatzen duten bitartean.
Richard Brooks
AEB
136 min.
Theresa, haur gormutuen irakaslea, gauetan ezkongabeen tabernetara joaten hasiko da "gizon perfektuaren" bila. Sexu grinak, lehengo, eta drogazaletasunak, ondoren, egoera arriskutsuak bizitzera eramango dute, haren laneko eta etxeko bizitza seguru eta aspergarriarekin kontraste handia egingo dutenak. Abenturak ditu maite duen gizon on batekin, berotu egiten duten joera sadikoko matxo batekin eta ero bisexual batekin.
Richard Brooks
AEB
117 min.
Patrick Hale kazetaria Afrika iparraldean dago Awad erregeari buruzko erreportaje bat egiten; agintari aberatsak inperio bat sortu du basamortuan. Awad erregeak erosi behar zituen maleta baten tamainako bi arma nuklearrak lapurtu eta talde terrorista bati saltzen dizkiotenean, Halek haien nazioarteko bilaketari ekingo dio. Hori guztia dela-eta, Halek, agintari politikoen, iraultzaileen, CIAko agenteen eta beste pertsonaia batzuen tartean sartuta ikusiko du bere burua.
Richard Brooks
AEB
96 min.
Steve Taggart kiroletako kazetaria jokoarekiko zaletasunari buruzko artikulu sorta bat idazten ari da. Egiaz, Taggart bera jokalari amorratua da eta diru asko zor dio gangster bati. Bere arazoaz jabetzen denean, Jokalari Anonimoak erakundera joko du. Geroago, txanpon-makina batean jolastu eta irabazi egingo du. Diru horrekin kasinora joango da, eta, zorte oneko bolada batean, zor duen diru guztia irabazi eta alabarentzat fondo bat irekiko du. Jolasten jarraitzeko tentazioa sentituko du, baina alde egingo du, inoiz gehiago ez jolasteko intentzio sendoarekin.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.