Gure webgunean, SSIFF Appan, webguneko Nire Zinemaldia atal mugatuan eta Agenda SSIFF Appan aurkitu daiteke informazioa; azken hori prentsa akreditatuarentzat esklusiboa da, eta Zinemaldia hasi baino lehen aktibatzen da.

Nire Zinemaldia gune mugatua da. Bertara erabiltzailea eta pasahitza erabiliz sartzen da eta edizioari buruzko eduki esklusiboak aurkitu daitezke.
Prentsako akreditatua bazara, Nire Zinemaldian Donostiako Zinemaldiko zure egonaldiari buruzko informazio guztia aurkituko duzu: akreditazio-formularioa, honek baimentzen dituen sarbideak, espazio eta zerbitzuen gida, kutxatilategi birtuala, Who and Where eta baita prentsa-agenterik gabeko filmetako delegazioei edo beste gonbidatuei elkarrizketak eskatzeko formularioa ere, irailaren 11n aktibatzen dena.
Prentsako akreditatua ez bazara, Nire Zinemaldian prentsa moduan erregistratu zaitezke eta, honela, kutxatilategi birtualean sartu.
 

Irekian, prentsa-agenteen zerrenda aurkituko duzu, filmak iragarri ahala eta haien ordezkariek prentsa nork kudeatuko duen jakinarazten duten heinean eguneratzen dena; programazioa, photocall eta prentsaurrekoetako ordutegiak, jardueren eguneroko agenda, Zinemaldiko katalogo digitala, eta baita edizio honetako deskargatzeko materiala ere.

Programazioa irailaren 9an argitaratuko da gure webgunean eta Appan.

Photocallen eta prentsaurrekoen ordutegiak irailaren 9an argitaratuko dira gure webgunean eta Appan.

Lehenik eta behin, aurreko edizioan egindako lana/estaldura bidalita izan beharko duzu. Akreditazioa beste komunikabide batetik eskatzeko, kontsulta itzazu akreditazioak berritzeko baldintzak edo eskaera berrietarako baldintzak, komunikabidea ez bada inoiz etorri Zinemaldiko jarraipena egitera.

Akreditazioak 60 euro balio du.

Online, txartelarekin edo Paypal bidez egin daiteke Nire Zinemaldia ataletik formularioaren ordainketa erlaitzean dagoen ordainketa-pasabideko jarraibideei esker.
Transferentzia egitea nahiago baduzu, prentsa departamentuarekin harremanetan jarri, jarraitu beharreko prozeduraren berri eman diezazuten.
Akreditazioak ezingo dira akreditazioen mostradorean ordaindu. Ordainketa aurretik egin beharko da.
 

Bai, baina soilik akreditazio horiek kudeatu dituen pertsona bazara. Edozein zalantza izanez gero, jarri harremanetan Prentsa Sailarekin acreditacionesprensa@sansebastianfestival.com helbidean.

Faktura nahi baduzu, aukera hori markatu eta formularioaren ordainketa erlaitzean dauden fakturazio datuak bete beharko dituzu.
Akreditazioa kudeatzen duen pertsonaren Nire Zinemaldia atalean egin beharko da ordainketa. Akreditazio bat baino gehiago lotuta izanez gero, nahi adina ordainketa indibidual edo taldekakoak egin ditzakezu, beti ere, ordainketa bakoitzari dagokion fakturazio datuak emanez. Faktura bakoitza ordainketa bakar bati dagokio, ordainketa horren zenbateko berdinarekin (indibiduala edo taldekoa).
Hasiera batean, ordainketa horien faktura sinplifikatuak lortuko dituzu eta, ondoren, erabiltzaile bakoitzak kudeatutako akreditazio guztien faktura osatuak Nire Zinemaldian aurkitu eta deskargatu ditzakezu.
 

Nire Zinemaldia ataleko edukira sartu ahal izateko erregistratua egon behar zara. Oraindik ez bazaude, webgunean dagoen Nire Zinemaldia atalean klikatu eta erregistratu zaitez.
Erregistratuta bazaude, sar zaitez Nire Zinemaldian zure erabiltzaile eta pasahitzarekin, prentsako akreditatua bazara edo Zinemaldiko nahiz aurkezten diren filmei buruzko promozio-materialak behar dituen kazetaria bazara. Zure pasahitza ez baduzu gogoratzen, sistemak pasahitz berri bat sortzeko aukera ematen dizu.
 

Zinemaldian filmen partaidetza iragartzen denean, film bakoitzaren bereizmen handiko argazki bat argitaratuko da. Material horiek irekian eskuratu ahal izango dira webgunean, Prentsa/Deskargatu atalean. Gainera, Nire Zinemaldia > kutxatilategi birtualean sartuta, dagoeneko iragarrita dauden filmen promozio-materialak eskuratu ahal izango dituzu haien ordezkariek prentsaren eskura jartzen dituzten heinean. Zinemaldiko galen laburpenak ere aurkituko dituzu.

Gure webguneko prentsa atalean prentsa-agenteen zerrenda aurkitu dezakezu filmak iragarri ahala. Film batek prentsa-agenterik ez badu, Zinemaldiko elkarrizketa zerbitzuak kudeatuko ditu eskaera horiek. Zerbitzua irailaren 11n aktibatuko da, eta akreditatutako prentsarentzat baino ez da izango. Horrez gain, epaimahaietako kideekin eta bestelakoekin elkarrizketak ere kudeatzen dituzte zerbitzu honetan.

Begiratu zure spam karpetan, segur aski zabor-mezu gisa sartzen ariko zaizkizu-eta. Erantsi gure helbide elektronikoa zure helbideen liburuxkan, berriz gertatu ez dadin.
Halaber, ziurtatu Zinemaldiko jakinarazpenak jaso ahal izateko formularioko baimena betetzen duzula.
Hala eta guztiz ere emailak jasotzen ez badituzu, jar zaitez harremanetan prentsa sailarekin acreditacionesprensa@sansebastianfestival.com helbidean.
 

Zure eskaera acreditacionesprensa@sansebastianfestival.com helbide elektronikora bidali beharko duzu, dagokion prentsa-arduradunarentzat dela adierazita: 

• Espainiako prentsa: Koro Santestebanentzat
• Atzerriko prentsa: Gemma Beltránentzat

Martxoaren 1etik aurrera eskatu ahal izango dira.

Akreditazioa eskatzeko azken eguna irailaren 1a izango da. Data horretatik aurrera jasotzen diren eskaerei ahalbideen arabera erantzungo zaie.

Prentsako akreditazioak komunikabide batek (prentsa idatzia, online komunikabideak, telebistak, irratiak eta prentsa-agentziak) Zinemaldiaren jarraipena egiteko izendatutako pertsonei bakarrik ematen zaizkie. Komunikabideetako gainerako ordezkariek Zinemaldiko Gonbidatuak Kudeatzeko Sailera jo dezakete edo, Filmen edo Harreman Publikoen Sailera, sailetako bateko film baten publizisten edo ordezkarien kasuan.

Batetik, erredaktore eta ekoizleentzako prentsa-akreditazioa daukagu, eta bestetik, erreportari grafikoentzako akreditazioa. Pertsonala eta besterezina da eta Zinemaldi osorako balio du.

• Erredaktore eta ekoizleentzako akreditazioak prentsaurrekoetara joateko aukera ematen du, baita Zinemaldian egiten diren bestelako informazio-ekintzetara joatekoa ere. Ikusle gisa, prentsako emanaldietarako sarbide librea ematen du, baita programazioko gainerako emanaldietarako sarbidea ere, betiere sarrera erreserbatu ondoren eta eserleku librerik izanez gero.
• Erreportari grafikoentzako akreditazioak, argazkilari, TBko kameralari eta ikus-entzunezko teknikariei zuzenduak, photocalletarako, prentsaurrekoetarako eta bestelako informazio-ekintzetarako, zuzendari eta aktoreen emanaldien aurreko aurkezpenetarako eta haientzat gordetako eremurako –bai Zinemaldiko egoitzetako alfonbra gorrietakoak bai Maria Cristina hoteleko gonbidatuen sarrerakoa– sarbidea ematen du.

Akreditazio guztiek Kursaal zentroko, Victoria Eugenia Antzokiko eta Tabakalerako gune profesionaletara sartzeko aukera ematen dute. EZ dute aukera ematen Zinemaldiko Industria Sailak antolatutako jarduera eta ekitaldietara sartzeko, salbu eta eguneroko agendan prentsa akreditatuarentzat irekita daudela agertzen bada.
 

Komunikabide bakoitzeko akreditazio kopurua eta akreditazio mota honako baldintzen araberakoa da: bete beharreko eginkizuna (kritikaria, erredaktorea, ekoizlea, argazkilaria, kameralaria), komunikabidearen maiztasuna, garrantzia (tirada, ikus-entzuleak, hileko bisitari bakarren kopurua eta hilean ikusten den webguneko batez besteko orri kopurua, eta abar.), zineman espezializatuta dagoen, eta Donostia Zinemaldiaren inguruan egitea aurreikusten den jarraipen mota.

Bai, ez dago egunen araberako akreditaziorik.

Lehenengo aldiz Zinemaldiaren jarraipena egitera etorri nahi baduzu, zure komunikabideko arduradunak, zuzendariak edo erredaktore-buruak eskaera dagokion prentsa-arduradunari (nazionala edo atzerrikoa) bidali beharko dio mezu elektroniko baten bidez, Zinemaldiaren inguruko zer jarraipen egingo duzun azalduz. Zure jarduera eta komunikabideko kidea zarela egiaztatzeko dokumentazioa erantsi beharko duzu. Kontsultatu Baldintzak eta dokumentazioa, Zinemaldiaren jarraipena egiteko erabiliko duzun komunikabide motaren arabera zer informazio zehatz bidali behar diguzun ikusteko.

Akreditatu nahi duten freelance erredaktore eta argazkilariek komunikabideko zuzendariaren edo erredaktore-buruaren eskaera-gutun bat erantsi beharko dute. Gutun horretan, zuzendari edo erredaktore-buruak freelancearen lana argitaratzeko asmoa adierazi beharko du.
Ez da akreditaziorik emango lana zabaltzeko bermerik gabe.
 

Akreditatu ahal izateko, ikus-entzunezko ekoiztetxeek nahitaez komunikabide baten enkargua jasoa izan behar dute (telebista-kate, irrati, webguneenak). Programa edo erreportajea zabaltzeko bermerik gabe, ekoiztetxeak ezingo du akreditatu.

Kasu horretan ere taldearentzako eskaera bidal dezakezu, zenbat akreditazio behar dituzun bakarrik adierazi eta bakoitzak zer eginkizun beteko duen zehaztuz.

Bai, zuretzat, hirugarren batentzat edo pertsona-talde batentzat egin dezakezu akreditazio-eskaera, talde horretakoa izan ala ez. Horretarako, mezu elektronikoan, horien guztien izenak eta eginkizunak adierazi beharko dituzu. Kontuan izan une horretatik aurrera, eskaera onartzen bada, taldearen harremanetarako pertsona gisa agertuko zarela gure programan, horien akreditazioen kudeaketa koordinatzeko.

Hainbat komunikabideren ordezkaria bazara, zure formularioan horietako bakoitzaren inguruko datuak betetzeko eskatuko dizugu. Lehenik, akreditazioa nagusiki zein komunikabiderentzat erabiliko den adierazi behar da.

Ez, ezin da. Hainbat funtzio betetzen badituzu, zuretzat esanguratsuena den profila aukeratu beharko duzu; izan ere, prentsa sailak ez du akreditazio bikoitzik ematen.

Bai, akreditazioak ez dira automatikoki berritzen. Beraz, Donostia Zinemaldiaren beste edizio batera etorri nahi baduzu, zure komunikabideko arduradunak, zuzendariak edo erredaktore-buruak eskaera mezu elektronikoz bidali beharko dio dagokion prentsa-arduradunari (nazionala edo atzerrikoa), Zinemaldiaz zer jarraipen mota egingo duzun azalduz.

Gogoan izan berritzeak ez direla automatikoak eta eskatu behar direla. Berritzeko eskatu, onartu eta guk formularioa betetzeko gonbidapena bidali arte, ezingo duzu ikusi.
Zure akreditazioa beste pertsona batek bideratzen badu, zure formularioa ez da ikusgai egongo Nire Zinemaldia atalean, izan ere, kudeatzen dituzten pertsonek soilik izango dituzte eskuragarri.
Gerta daiteke ere gure sisteman gordeta ez dagoen helbide batekin sartzen saiatzea eta, beraz, zure formularioa helbide horri lotuta ez egotea. Ziurtatu zaitez helbide zuzenarekin sartzen zarela.
 

Eskaera onartu bada, akreditatzeko formularioa Nire Zinemaldiaren bitartez eskuratzeko eta betetzeko jarraibideak biltzen dituen mezu elektroniko bat jasoko duzu, uztailaren 1etik aurrera. Formulario osoa bete eta irailaren 1a baino lehen itzuli beharko diguzu.
Zure eskaera onartu ez bada, zurekin harremanetan jarriko gara horren berri emateko.
 

Baliteke bi kontu edukitzea Nire Zinemaldia atalean. Mesedez, ziurtatu zaitez gure gonbidapena jasotzeko erabili duzun helbide elektroniko bera erabiltzen ari zarela bertara sartzeko.
Horrez gain, gerta daiteke beste pertsona bat aritzea zure akreditazioaren eskaera zure izenean izapidetzen. Kasu horretan ere ez duzu formularioa Nire Zinemaldia ataleko zure kontuan aurkituko.
 

Formularioa bete eta bidaltzeko botoia sakatutakoan, zure helbide elektronikoan honako mezua jasoko duzu eta pantailan ere agertuko zaizu: "Formulario behar bezala bidali da eta akreditazioa emandako informazioarekin izapidetzeari ekingo diogu”. Jaso baduzu, ez daukazu beste ezer egin beharrik; akreditatzeko prozesua ondo burutu dela eta zure akreditazioa irailaren 18tik aurrera Kursaalen jaso ahal izango duzula esan nahi du.
Gainera, abuztuaren 20tik aurrera mezu elektroniko bat jasoko duzu honako informazioarekin: zure akreditazioari buruzko informazioa noiz jartzen den prentsa akreditatuaren eskura, edizio eta prentsako zerbitzuak, programazio zein prentsaurrekoetako argitaratze datak, Who and Where argitalpena, elkarrizketak eskatzeko zerbitzuaren aktibazioa eta sarrerak erreserbatzeko informazioaren bidalketa.
 

Begiratu formularioa “bidalita” bezala agertzen den. Nahitaezko eremu guztiak bete ez badituzu, bidaltzeko botoia sakatu arren, “zirriborro” egoeran jarraituko du eta, beraz, ezingo dugu zure akreditazioa izapidetu.
Zure formularioa bidalita bezala agertzen bada baina ez baduzu mezua jaso, mezu baztergarriak karpetan begiratu, ziur aski bertan egongo da, eta erantsi gure helbide elektronikoa zure helbideen liburuxkan etorkizuneko komunikazioak beti sarrerako postontzira joan daitezen.
 

Irailaren 18tik aurrera, asteazkena, Kursaaleko akreditazioen mostradorean jaso dezakezu. Ordutegia jarraia da 8:00etatik 20:00etara Zinemaldi osoan zehar, irailaren 28an izan ezik; mostradorea arratsaldeko 14:00etan itxiko baita.