72 Donostia Zinemaldia - 2024ko irailak 20/28
71SSIFF - 2023ko irailak 22/30
Babesle
Ofiziala
Ofiziala
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
The Act of Killing. Zinema eta indarkeria globala
Co-organizer:
With the collaboration of:
Filmak
Filmak
The Act of Killing. Zinema eta indarkeria globala
The Act of Killing. Zinema eta indarkeria globala
Atzera begirako garaikidea
Atzera begirako garaikidea
Francisco Vargas
Mexiko
2016
98 min.
Don Plutarcok, haren seme Genarok eta Lucio bilobak bizimodu bikoitza daramate. Batetik, herriko musikari umilak dira, eta bestetik, Mexikoko gobernu zapaltzailearen aurkako nekazarien gerrilla-mugimenduaren laguntzaile.
Julio Medem
Espainia
2016
115 min.
Julio Medemen dokumental bat, Euskal Herriaren iraganari, orainari eta geroari buruz hausnar egiten eta hausnar eragiten duena, hainbat euskal herritarri egindako elkarrizketen ordu kopuru handi bat eta artxiboko materiala baliatuz.
Hany Abu-Assad
Herbehereak - Israel - Alemania - Frantzia - Palestina
2016
90 min.
Bi palestinar gazte, Khaled eta Said txikitako lagunak, Tel Aviven atentatu suizida batean immolatzeko errekrutatuko dituzte. Baina gauzak ez dira espero bezala aterako, eta bananduta amaituko dute. Bakoitzak bere patuari eta usteei aurre egin beharko die.
Christian Petzold
Alemania
2000
102 min.
Clara eta Hans Alemaniako terrorista ezkertiar batzuk dira. Poliziak ia hamabost urte daramatza haien bila. Haien alaba Jeanne, gero eta errebeldeagoa, beren segurtasunerako mehatxu bihurtzen hasiko zaie hondartzan ezagututako mutil batekin maitemintzen denean.
Paul Greengrass
Erresuma Batua - Irlanda
2002
110 min.
Dokumental motako drama honek 1972ko urtarrilaren 30ean Derryn (Ipar Irlanda) izandako gertakari tragikoen berri ematen du: egun hartan, britainiar tropek tiro egin zuten Ivan Cooper giza eskubideen aktibista buru zuen manifestazio baten aurka, eta gertakari horren ondorioz 13 manifestari hil eta 14 zauritu ziren.
copyright for AD VITAM DISTRIBUTION
© copyright for AD VITAM DISTRIBUTION
Rithy Panh
Kanbodia - Frantzia
2003
101 min.
Kanbodiako Khmer Gorrien erregimenak iraun zuen lau urteetan biztanleen laurden bat sarraskitu zuten. Alde guztietatik etsaiak ikusten zituen sistema paranoikoan, edozein disidentzia arrasto nahikoa zen susmagarriak S-21 segurtasun espetxean sartzeko. Filmeko protagonistek (S-21eko egiazko kartzelariak eta bizirautea lortu zuten pertsonak) argi eta garbi hitz egingo digute infernu hartan izandako esperientziez.
copyright for AD VITAM DISTRIBUTION
© copyright for AD VITAM DISTRIBUTION
Hubert Sauper
Austria - Belgika - Frantzia - Alemania
2004
111 min.
60ko hamarkadan, zientzia-esperimentu modura, Victoria aintziran arrain espezie berri bat sartu zuten. Honen ondorioz, Niloko perkak bertako espezieak desagertarazi zituen ia; hain azkar ugaldu zen, ezen, gaur egun, haren haragia mundu guztira esportatzen den. Sobietar Batasun ohiko zama-hegazkin eskergak egunero iristen dira harrapaketa berrien bila, kalashnikoven eta munizioen truke.
Pete Travis
Irlanda - Erresuma Batua
2004
106 min.
Bloody Sunday filmaren zuzendari Paul Greengrass-ek idatzia eta ekoitzia, lan honek 1998ko abuztuaren 15eko Omagh-eko atentatu lazgarria gogorarazten du. Egun hartan, Benetako IRAk lehergailu bat jarri zuen hirigunean eta errugabeen sarraski ikaragarria eragin zuen. 2004ko Donostia Zinemaldian gidoi onenaren epaimahaiaren saria.
Bahman Ghobadi
Iran - Irak
2004
95 min.
Irakeko Kurdistaneko herrixka batean, Iran eta Turkiaren arteko mugan, biztanleak antena paraboliko baten bila dabiltza etsi-etsian, Estatu Batuak Iraken kontra aurki egitekoak diren erasoaren berri izateko, pare bat egun besterik ez dira falta eta... Film Onenaren Urrezko Maskorra irabazi zuen 2004ko Donostia Zinemaldian.
Mahamat-Saleh Haroun
Txad - Frantzia - Belgika - Austria
2006
96 min.
Txad, 2006. Berrogei urteko gerra zibil baten ostean, gobernuak gerra-kriminalei amnistia eman berri diela iragarri du irratiak. Albisteak sutan jarriko du Gumar Abatcha, eta hamasei urteko biloba Atim-i aginduko dio aita erail zion gizona aurkitu eta akabatu dezala.
Hilla Medalia
Israel - AEB
2007
75 min.
Rachel Levy, 17 urteko israeldar bat, palestinar suizida baten lehergailuak akabatu zuen, duela lau urte, Jerusalemen; ordutik, haren ama Abigailek apenas izan duen bake unerik. Levyren hiltzailea Ayat al-Akhras izeneko neska bat izan zen, handik zenbait kilometrotara dagoen errefuxiatu-eremu bateko ikasle bat, 17 urtekoa ere.
Heddy Honigmann
Herbehereak - Alemania
2008
96 min.
El olvido dokumentalak ahantzitako hiri bat (Lima), ahantzitako jende bat (perutarrak) eta ahantzitako historia bat (Perukoa) ditu mintzagai. Ironia bizirauteko arma da jende horrentzat, eta ahazten jakin behar dute, zinismoan, gorrotoan eta tristuran ez erortzeko.
Steve McQueen
Erresuma Batua - Irlanda
2008
96 min.
Steve McQueen zuzendariaren opera primak Ipar Irlandan kokaturiko segurtasun goreneko Maze espetxeko bizitza du hizpide, 1981ean Bobby Sandsek IRAko kideen artean bultzatutako gose-grebako gertakari hunkigarriak ardatz hartuta.
Jean- Stéphane Sauvaire
Frantzia - Liberia - Belgika
2008
98 min.
Afrika, gaur egun. Johnnyk, leporaino armatutako 15 urteko haur soldadu batek, bere baitan darama egunen batean izan nahi duen "zakur basatia". Bere komando txikiarekin, bidean gurutzatzen zaion guztia lapurtuko, arpilatuko eta suntsituko du. Hamahiru urteko Lakolék orgatxo erdi-hautsi bati bultzaka darama aita ezindua, haur-miliziek hartutako beren hiritik ihes egin nahian.
Josu Martínez
Espainia
2009
56 min.
Haizek bi urte bete baino lehen, GAL taldeak haren aita hil zuen, Mikel Goikoetxea "Txapela" ETAkidea. Aitaren oroitzapenik txikiena ez badu ere, 25 urte geroago neska galdezka hasiko da. Goikoetxea ezagutu zutenen testigantzak josiz, Haizek aita eta garai hartako egoera nolakoak ziren ezagutuko du pixkanaka.
Philippe Van Leeuw
Belgika - Frantzia
2009
100 min.
Kigali, genozidioaren lehen eguna. Ruandarrak elkar sarraskitzen ari dira eta mendebaldarrek herrialdetik ihes egiten dute. Jacqueline, Belgikako familia baten umezain tutsi gaztea, kaosaren edian abandonatu dute. Donostia Zinemaldian Kutxa-Zuzendari Berriak Saria 2009an.
Janus Metz Pedersen
Danimarka
2010
100 min.
2009ko otsailean, daniar soldadu talde bat Armadillora iritsi zen, Helmand probintziako base militar batera, Afganistan hegoaldean, Janus Metz dokumentalista lagun zuela. Metzek eta Lars Skree operadoreak sei hilabete eman zituzten soldadu gazteen bizitzari jarraipena egiten, talibanen posizioetatik kilometro batera baino gutxiagora kokaturik.
Danis Tanović
Bosnia eta Herzegovina - Frantzia - Belgika - Erresuma Batua - Alemania - Eslovenia
2010
113 min.
Bosnia-Herzegovina, 1991. Komunistak boteretik jausi dira eta Divko Buntic hazi zen herrira itzuliko da bere familiaren etxea berreskuratzeko. Alemanian 20 urtez erbesteratuta egon ondoren, Divkok bere dirua eta harremanak erabiliko ditu bananduta egon arren oraindik emazte duen Lucija etxetik indarrez botatzeko.
Jordi Ferrer, Pablo Vidal
Espainia
2010
82 min.
Marokok ez du nahi munduak Sahara Mendebaldeko lurralde okupatuen egoera ezagutzea. Sahararrak 2.720 km-ko luzerako hesi batez Afrikaren gainontzekotik bereizitako lurralde batean bizi dira, mehatxupean etengabe, "Sahara Mendebaldea" edo "referendum" hitzak aipatu ere egin ezin dituztela. Egoera laburbiltzeko, "arazoa" hitza erabiltzen da.
Eterio Ortega Santillana
Espainia
2011
95 min.
ETAren indarkeriaren amaierari buruzko dokumental honek euskal abertzaletasunaren erroak aztertzen ditu. Hala, gizartearen zati horren deskribapen kolektiboa egiten du, bake eta askatasuneko bere etorkizunerako oso garrantzitsuak diren egunotan.
Philippe Faucon
Frantzia - Belgika
2011
78 min.
Auzune bat, Lilleko metropoligunean. Alik, Nasserrek eta Hamzak (20 urte) beraiek baino hamar urte gehiago dituen Djamel ezagutuko dute. Manipulatzaile abila, Djamelek gazteak doktrinatuko ditu gutxika, haien etsipenak eta une horretatik aurrera parte izan nahi ez duten gizarte batek sortzen dien haserrea baliatuz.
Docs Barcelona
© Docs Barcelona
Emad Burnat, Guy Davidi
Palestina - Israel - Frantzia
2011
94 min.
Emad palestinar baserritarrak bere lehen kamera erosiko du laugarren semea, Gibreel, jaiotzen denean. Haren herrixkan, Bil'in-en, banaketa-hesi bat eraikitzen ari dira eta bizilagunak erabaki horri aurre egiten hasiko dira. Bost urtez baino gehiagoz, Emadek bere bi lagun onenak buruzagi dituen gatazka hori filmatuko du eta, aldi berean, Gibreeleren hazkuntza.
Joshua Oppenheimer
Danimarka - Norvegia - Erresuma Batua
2012
166 min.
Dokumental honek erronka bat luzatzen die Indonesiako heriotza-eskuadroien buruzagi ohiei: beren masa-hilketak nahi duten genero zinematografikoaren bitartez irudikatzea, Hollywoodeko zinema beltz klasikoa eta saio musikal bitxiak barne.
Ziad Doueiri
Libano - Frantzia - Qatar - Belgika
2012
102 min.
Badirudi Amin Jaafari zirujau arabeak den-dena duela: etorkizun handiko lan-ibilbidea eta Tel Aviveko israeldarren errespetua. Hori guztiori aldatu egingo da atentatu suizida lazgarri baten ostean, haren emazte Siham, zeina biktimen artean aurkitu baitute, susmagarri nagusitzat hartzen dutenean. Donostia Zinemaldian epaimahaiaren aipamen berezia 2012an.
Aitor Merino, Amaia Merino
Espainia - Ekuador
2013
94 min.
Egun batean, Asier, Aitor Merino aktore eta zuzendariaren txikitako lagun mina, desagertu egin zen. ETAko kide egitea erabaki zuen. Nola azaldu zerk eraman zuen ulertzen hain zaila zen erabaki bat hartzera? Donostia Zinemaldian Euskal Zinemaren Irizar Saria 2013an.
Amat Escalante
Mexiko
2013
105 min.
Hamabi urteko Estela zeharo maiteminduta dago berarekin ihes egin eta ezkondu nahi duen poliziako kadete gazte batekin. Amets hori lortzen saiatzean, bere familiak beren eskualdea suntsitzen ari den indarkeriari egin beharko dio aurre.
Iñaki Arteta
Espainia
2014
102 min.
1980. urtean Euskadin eta Espainiaren gainontzekoan bizitako gertakari terroristen zuzeneko lekukoek beren oroitzapenak kontatu eta beren iritziak azalduko dituzte dokumental honetan.
Pablo Malo
Espainia
2014
107 min.
Lasa eta Zabala ustezko ETAkideak bahituak, torturatuak eta erailak izan ziren 1983. urtean. Hamabi urte geroago, Iñigo eta Fede abokatuak hiltzaileak identifikatzeko borrokatuko dira, euren usteak, baita bizitza ere, jokoan jarriz.
Sergei Loznitsa
Ukrania - Herbehereak
2014
134 min.
2013-2014ko neguan Kieven (Ukraina) Yanukovych presidentearen erregimenaren aurka egindako matxinada zibilaren kronika. Dokumentalak iraultzaren bilakaerari jarraitzen dio: hasi Maidan plazako kontzentrazio baketsuetatik eta istiluen aurkako indarren eta manifestarien arteko kale-liskar odoltsuetaraino.
Joshua Oppenheimer
Danimarka - Indonesia - Norvegia - Finlandia - AEB - Erresuma Batua - Israel - Frantzia - Alemania - Herbehereak
2014
103 min.
Joshua Oppenheimer zinemagileak Indonesiako 1965eko genozidioaren egileei buruz grabatutako materialari esker, bizirik ateratako familia batek bere semea nola erail zuten eta hiltzaileak zein diren aurkituko du. Dokumentalak seme gazteena hartzen du ardatz: hark egingo die aurre bere anaia hil zuten gizonei.
Daniel Leconte, Emmanuel Leconte
Frantzia
2015
90 min.
2015eko urtarrilaren 7an, Charlie Hebdo Frantziako astekari satirikoa 12 pertsona akabatu zituen eraso terrorista baten biktima izan zen. Hurrengo egunean, emakumezko polizia bat erail zuten kalean. Urtarrilaren 9an, beste eraso batek Frantziako juduak jarri zituen jomugan. Bahitutako lau pertsona erail zituzten. Haiei guztiei gorazarre egiten die dokumental honek.
Xuban Intxausti
Espainia
2016
54 min.
Donostia 2016ren Europa Transit enbaxada Pafosen izan zen pasa den uztailean. Zipre bi eremutan banatzen duen lerro berdearen hegoaldean dago Pafos eta bertara egindako bisitan Amets Arzallus bertsolaria izan zuen bidailagun Europako Kultur Hiriburuak, Zipren ere badagoelako bat-bateko kantuaren tradizioa. Bidaia horretan zipretar musikagile eta ahozko poetekin elkartu zen Arzallus, bai halaber exodoaren biktimekin eta desagertutako pertsonen senideekin. Haren begirada eta poesia baliatuta, Zipreko oraina eta iragana ezagutzera emango ditu Xuban Intxaustik zuzendutako dokumentalak.
Babesle Ofiziala 
Media Partner 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostegunera: 09:00 - 15:00.
Ostiraletan: 10:00 - 14:00
Astelehenetik ostegunera: 09:00 - 15:00.
Ostiraletan: 10:00 - 14:00
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.