"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Nest The Mediapro Studio Sariaen helburua zinemagintzaren teknika eta lengoaia ikasteko gogoa duten ikasleen etorkizuneko lanak bultzatzea eta babestea da. Horrez gain, aukeratutako laburmetraien internazionalizazioa eta distribuzioa bultzatzea du helburu.
Hautatutako lanen artean, bereziki sortutako epaimahai batek, hautatutako eskoletako ikasleek osatuta eta zinemako profesional bat buru duena, Nest The Mediapro Studio Saria aukeratuko du. Sari hori hautatutako proiektuaren zuzendariari emango zaio, zeinak 10.000 euro (gordinak) jasoko dituen.
BESTE SARI BATZUK
Movistar Plus+ saria film labur onenarentzako izango da, eta filma Espainian, plataformaren bidez, emateko eskubideak erostean datza.
Tabakaleraren Zinemaren eta Ikus-entzunezkoen Laborategiak emango duen sari hau hautatutako proiektuko zuzendariarentzat izango da, hiru asteko egonaldi batean datza (2026an egin beharko du).