Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Hurrengo Donostia Zinemaldian, Txileko Rara filmak, Pepa San Martínek zuzenduak, Sebastiane Latino saria jasoko du. Sariak aurreko urtean estreinatutako Latinoamerikako film luzeen artean lesbianen, gayen, transexualen eta bisexualen aldarrien eta balioen defentsa ondoen jasotzen duena aintzatestea du helburu. Sari honek primeran islatzen du, gainera, aurten 17 urte beteko dituen Sebastiane sariak eta Donostia Zinemaldiak Latinoamerikako ekoizpenei ematen dieten babesa.
Epaimahaiak -GEHITU Euskal Herriko lesbiana, gay, transexual eta bisexualen elkarteko kideek osatuak- adierazi duenez, filmak Karen Atala epaile lesbianaren istorioa kontatzen du, bere alaba nerabearen ikuspuntutik. Txileko justiziak alaben zaintza kendu zion Atalari, bere sexu-orientazioa zela eta. Atalak Giza Eskubideen Gorte Interamerikarrera eraman zuen bere borroka, eta hark azkenean Txile kondenatu zuen. Filma Horizontes Latinos sailean emango dute.
Epaimahaiak, bestalde, nabarmendu du filmak oso ondo islatzen duela “LGTB pertsona guztion barne etsaia, hots, barneratutako homofobia, urteetako errepresioaren ondorioz gure barnean modu basatian errotu eta gizartearen aurrean afektibotasun osasuntsu bat erakustea galarazten diguna”. San Martínen filmean, protagonistak, “egiaz existitzen ez den bazterketa baten beldurrez, hainbat gertakari abiarazten ditu eta, haien ondorioz, egoera desatsegin bat sorrarazten du bere inguru osoarentzat”. Rara emakumeek nagusiki zuzendu, idatzi eta antzeztutako obra bat dela nabarmendu dute, halaber: Sebastiane Latino sariaren laugarren edizio honetan “film askotan emakumeek izan duten presentzia handiaren adibide argia da”.
Astelehenetik ostiralera: 09:00 - 14:00 | 16:00 - 19:00.