Irekita dago Zinema Eraikitzen ekimenaren hurrengo edizioan inskribatzeko epea; Donostia Zinemaldiko eta Toulouseko Zinema Jaialdiko hitzordu bikoitzean, alegia.

Ekimenaren helburua Latinoamerikan ekoitzitako film luzeak bukatzen laguntzea da; betiere, postprodukzio-fasean zailtasunak badituzte. Bi zinema-jaialdietako batzordeek aukeratutako sei film profesional talde baten aurrean aurkeztuko dituzte, talde horrek laguntza eman dezan film horiek amaitzeko, banatzeko eta zinema-jaialdietan estreinatzeko.

Zinema Eraikitzen ekimenak nabarmen lagundu du talentu berriak ezagutarazten eta azken urteotako Latinoamerikako film luze garrantzitsuenetako batzuk amaitzen eta merkaturatzen, hala nola Ixcanul, Jayro Bustamante-rena; Desde allá, Lorenzo Vigas-ena; Aquí no ha pasado nada, Alejandro Fernández Almendras-ena, bai eta Donostia Zinemaldiaren 64. edizioan saritutakoak ere: Rara, Pepa San Martín-ena (Horizontes saria) eta El Invierno, Emiliano Torres-ena (Epaimahaiaren Sari Berezia eta Argazki Onenaren Saria).

Zinema Eraikitzen ekimena funtsezko hitzordu bilakatu da Europako eta Latinoamerikako ekoizleentzat eta industriako profesionalentzat.

Zinema Eraikitzen saileko 31. edizioan honako sari hauek banatuko dira:

• ZINEMA ERAIKITZEN TOULOUSE SARIA: film baten postprodukzio-zerbitzuak eta CNCren beka bat Frantzia barruan postprodukzio-lanak egiteko, honako enpresa eta erakunde hauetako ordezkariek emana:
  
  CCAS (Caisse Centrale d’Activités Sociales du personnel des industries électriques et gazières), CNC (Centre National du Cinéma et de l’Image Animée), Commune Image, Eaux Vives, Firelfly, Mactari, Titra Film.
  
• CINE + ERAIKITZEN SARIA: Ciné+ kateak emana, filma Frantzian banatuko duen etxearentzat.
  
• EUROPAKO BANATZAILEEN ETA ERAKUSLEEN SARIA: Europa Distribution banaketa-sareak eta CICAE erakusle-sareak (Confédération Internationale des Cinemas d’Art et d’Essai) filma sustatuko dute.
  

• Latinoamerikako ekoizpena (gehiengoa edo gutxiengoa) duten film luzeek parte har dezakete.
• Film luzeek, amaitu ostean, 60 minututik gorako iraupena izan behar dute.
• Film luzeek postprodukzio-fasean egon behar dute (lehen kortea, gutxienez).
• Ebaluatzeko aurkeztutako korteak ingelesez edo gaztelaniaz azpititulatuta egon beharko du, baldin eta jatorrizko bertsioa ez bada gaztelaniaz.
• Inskribatzea doakoa da.

Inskripzioa on line egin nahi izanez gero, hemen duzu formularioa: http://www.cinelatino.com.fr/cc/formulaire.php

FILMAK INSKRIBATZEKO ETA MATERIALA JASOTZEKO AZKEN EGUNA: 2017ko URTARRILAREN 29an

Hautaketaren emaitza martxoaren hasiera-aldera jakinaraziko dute.

Hautatuz gero:

• Zuzendaria eta ekoizlea 31. Zinema Eraikitzen ekimenera bertaratu beharko dira, 2017ko martxoaren 22an, 23an eta 24an.
• Proiektatzeko kopiak jatorrizko bertsioan egon beharko du, ingelesezko azpitituluekin.
• Emanaldietarako, Blu Ray formatuan aurkeztu beharko da (hiru back up kopia).

Inskripzioak
Esther Saint-Dizier
esther.saintdizier@cinelatino.fr

Profesionalak
Eva Morsch Kihn
eva.morsch.kihn@cinelatino.fr

Donostia Zinemaldia
T.. +34 943 48 12 12
enconstruccion@sansebastianfestival.com
www.sansebastianfestival.com

Cinélatino, Rencontres de Toulouse
11-13 Grande Rue Saint Nicolas
31 300 Toulouse
T: +33 561 32 98 83
www.cinelatino.fr

Donostia Zinemaldia
T: +34 943 48 12 12
enconstruccion@sansebastianfestival.com
www.sansebastianfestival.com

Zinema Eraikitzen sailak honako enpresa eta erakunde hauen babesa du: Europa Creativa Media, Programa Ibermedia, CACI (Conferencia de Autoridades Cinematográficas Iberoamericanas), Daniel Goldstein, Deluxe Spain, Dolby Iberia, Laserfilm Cine y Video, Nephilim producciones, No Problem Sonido, Wanda Visión, y con la colaboración de Caisse Centrale d’Activités Sociales du personnel des industries électriques et gazières (CCAS), Cetim, Centre National du Cinéma et de l’Image Animée (CNC), CINÉ +, Commune Image, Confédération Internationale des Cinémas d’Art et Essai (CICAE), Conseil Général de la Haute Garonne, CROUS de Toulouse, Eaux Vives, l’École Supérieure d’Audiovisuel (ESAV), EP2C-Postproduction Training Programme, Europa Distribution, Fila 13, Firefly, La Cinéfondation, La Trame, Mactari, Mairie de Toulouse, Producers Network (Cannes), Région Midi-Pyrénées, Signis eta Titra TVS.

Ondorengoen babesarekin