DONOSTIA ZINEMALDIA
ZINEMA IKASLEEN NAZIOARTEKO TOPAKETA
Okendo plaza 1
20004 – DONOSTIA – Espainia

Lan guztiek ingelesezko azpitituluak izango dituzte. Ingelesezko jatorrizko bertsioan daudenak izan ezik. Hauek gaztelerazko azpitituluak izan beharko dituzte. Azpitituluen zerrenda erantsi beharko da.

1. Zinema Ikasleen Nazioarteko XIV. Topaketaren helburua nazioarteko zinema talentu gazteak bultzatzea da, haien lanak erakutsiaz eta esperientzia eta ezagutza trukaketa bultzatuaz Zinemaldiko gonbidatuekin.
2. Topaketa irailaren 22tik 25era izango da, 63. Donostia Zinemaldian.
3. Topaketa horretan munduko edozer herrialdetako erdi mailako edo goi mailako zinema ikasleek hartu ahal izango dute parte.
4. Eskola bakoitzak 2013/2014 - 2014/2015 ikasturteetan eginiko hiru lan aurkeztu ahal izango ditu gehienez. Lan horietako bakoitzaren iraupena ez da 30 minututik gorakoa izango. Jatorrizko hizkuntzan aurkeztuko dira. Film laburra gaztelaniaz edota ingelesez ez baldin badago, azpitituluak izan beharko ditu bi hizkuntza horietakoren batean.
5. Izena Internet bidez eman ahal izango da ekainaren 1etik uztailaren 1era, www.sansebastianfestival.com webgunean.
6. Laburmetraiak Zinemaldira iritsi arazi egingo dira hurrengo aukeren artean bat hautatuz:
   • Lotura: Web gune baten lotura emateko aukera egongo da. Horretarako, web gunearen helbidea eta hontara sartzeko pasahitza zehaztu beharko dira izen-emate orrialdean. Murriztutako sarbidea duten plataformak onartuko dira soilik.
   • DVD: Film labur bakoitzaren lau kopia bidali beharko dira DVDan.
     Bidalketak posta arruntez egin beharko dira,uztailaren 1a baino lehenago, honako hau adierazita: «MERKATARITZA BALIORIK GABE. KULTURA ERABILERARAKO BAKARRIK». Ondoko helbidera:
7. Hautatukako film laburrek «LABURbilduz: cortometrajes del mundo» bildumako funtsetara pasatuko dira (Tabakalera-Kultura Garaikideko Nazioarteko Zentroa).
8. Nazioarteko Zinema Ikasleen XIV. Topaketa amaitu ondoren bi urte pasatakoan (iraila 2017) hautatutako laburmetraiak Topaketaren eta Tabakaleraren sare sozialetan ikuskatzeko prest egongo dira eta era berean Tabakalerako liburutegi birtualean eskuragarri egongo dira.
9. Zinema Ikasleen Nazioarteko Topaketako hautaketa batzordeak abuztuko lehen hamabostaldian emango du hautatuaren berri posta elektronikoz.
10. Hautaturiko lanak Donostia Zinemaldiari helarazi beharko zaizkio irailaren 1a baino lehen, ondorengo formatuetan:
    • BETACAM SP PAL / DIGITAL
    • ARTXIBO DIGITALAK
      Formatuak: AVI, MP4, MKV, WMV, DivX, MPEG
      Kodek: MPEG-1, MPEG-2 / HD, MPEG-4, DIVX, DIVX HD, XVID, H.264 HD
      (disko gogorrean edo USB batean)
11. Hautatutako eskola bakoitzak gehienez sei lagunentzako gonbidapena jasoko du. Aukeratutako obraren zuzendaria(k) agertzea ezinbestekoa izango da, baita filmarekin zerikusirik ez duen ikasle bat ere, epaimahai lanak egiteko; ahal izanez gero, ingelesez dakitenak.
12. Hautaturiko eskolek hautaketa batzordeari proposaturiko lanak adituen esku jarriko dira Zinemaldiaren bideotekan, eta Zinemaldiaren katalogo ofizialeko zati izango dira.
13. Ekitaldi honetarako bereziki sortutako epaimahai bat egongo da film labur irabazlea zein izango den erabakitzeko. Epaimahaia parte hartzen duten eskoletako ikasleek osatuko dute, eta zinemaren alorreko pertsona ospetsu bat izango du buru. Guztien artean erabakiko dute zein film laburrek irabaziko duen zinema ikasleen nazioarteko topaketa.
    • Panavision Saria eskainiko du. Horrek bi sariren artean aukeratu ahalko du; lau astez filmatzeko RED Epic kameraren eta Primo lente estandarren lagapena edo 10.000 euroko mailegua Panavision materiala alokatzeko. Saria hautatutako film laburraren zuzendariari emango zaio.
    • Film labur irabazlea, Freak Agentzia / Feelsales Saria irabaziko du ere. Balio artistikoaren arabera, aukeratutako 50 nazioarteko zinema jaialditara aurkezten eta doan bidaltzen du Freak Agentziak. Era berean, nazioarteko salmentak kudeatuko ditu mundu osoan, film laburra ekoitzi duen eskolaren herrialdean izan ezik.
    • BioBioCine - Duoc UC Sariarekin laburmetrai irabazleak datorren urteko BioBioCine Festival Internacional Concepción Chile parte hartzeko aukera izango du.
    • Epaimahaiak zehaztuko du, halaber, nor izango diren Cannes-eko hurrengo zinema jaialdiaren Short Film Corner-en parte hartzeko aukera izango duten beste bi zuzendariak.
14. Berariazko epaimahai batek, euskal zentroetako ikasleek eratuta, HUHEZI-ko irakasle batek koordinatuta eta Orona Fundazioko Garapen Zuzendaritzak zuzendutakoa, Orona Saria banatuko du Topaketako laburmetrai berritzaileenari. Honekin, 5000 euroko saria emango zaio laburmetraiaren zuzendariari.
15. TorinoFilmLab-eko ordezkari batek Torino Award-a emango dio Topaketan parte hartzen duen zuzendari bati. Sarituak TorinoFilmLab-eko edozein programatan parte hartzeko aukera izango du 2015 eta 2016 urteetan zehar.
16. Araudi honen interpretazioari buruzko zalantzez Donostia Zinemaldiaren Zuzendaritzak ebatziko du.