Milda lagunekin ateratzeko prestatzen ari da. Galera mingarri baten albisteak planak hondatuko dizkio. Lehen begi-kolpean, Mildak hartutako erabakiek errazak dirudite, baina, pixkanaka, jasanezinak bihurtuko dira.

Alex jaio zenean, adoptatu egin zuten. Orain, adinez nagusia dela, bere ama biologikoak alaba ezagutzea onartu du. Aukera hori galtzen uztearen edo behingoz nor den ezagutzearen artean zer egin erabaki beharko du, bidaia horretan zer edo zer baliotsu galtzeko beldurrari aurre eginez.

Ester gazteak arazo bat dauka: 1.400 watteko Tiafun xurgagailuak airea xurgatu beharrean bota egiten du. Xurgagailua itzultzeko Eslovakian barna egingo duen bidaian, urrutiko autobus geltoki batean, bera erabat arrotza den toki batean, ez atzera ez aurrera geldituko da.

Alberto nerabea Mexikoko Z karteleko sikario talde batentzat gidari gisa ari da, karga misteriotsu bat garraiatzen. Gau bateko bidaian, gaur egungo Mexikon nagusi den indarkeriaren infernuekin harremanetan jarriko da.

Tarzanek, oihaneko errege eta Pinocheten kontrako Manuel Rodríguez komando patriotikoko kide esanguratsuenak, 1985eko Miss Txile bahitu du.

Neska gazte bat ezohiko proba baterako entrenatuko da, bete-betean, urpean igeri eginez, korrika ibiliz, meditatuz eta bere gorputza erabat kontrolatzen ahaleginduz, baina gorputzak neskak nahi duen guztia egiteari muzin egingo dio. Osasuna eta familiako arazoak alde batera utzita, neskak aurrera jarraituko du.

Oren gurasoen etxera iritsiko da, bere gauzak hartzera, neska-lagunarekin bizitzera joateko. Egunak aurrera egin ahala, interakzio sinpleen bitartez, familiaren barne-dinamika banantze baten kronikaren bidez azaleratuko da.

Asperdura eta gogorik eza nagusi diren munduan, mutil batek eta neska batek lehenengo aldiz topo egingo dute.

Amelie emozionalki ezegonkorra da. Egun batean, aitaren etxetik atera ondoren, Clovis, lau urteko semea, haurtzaindegitik jasoko du, goiz erdian. Biak hiritik gertuko basora joango dira, «egun dibertigarria» izatera. Amelieren umekeriak semea arrisku larrian jarriko du.

Antoninek eta Leonorrek hegatxabalak ehizatzen dituzte. Mutila oso otzana da, arreba suntsitzailea den bezainbat. Egun batean, txakur batek eraso egingo die.

Lo Prado komunako hiru neraberen eguneroko drama. Abandonuaren, asperduraren eta muga sozioekonomikoen eraginez, horietako bakoitzarengan erresumin sakona pizten hasiko da.

Filak lagunen artean arrakasta handia dauka, itzela, ausarta eta bazter-nahaslea delako. Baina bere arerio Gülcan ere halakoa da. Gülcanek nerabeentzako aldizkari batek antolatutako lehiaketa batean parte hartzean, Fila taldeko lidergo postua galtzearen beldur izango da. Gainera, Arturrekin daukan harremanari buruzko zurrumurru asko daude. Hura 27 urteko gaztea da eta denek «Pedo» deitzen diote.

Onno blokeatuta dago. Galduta. Galdera gehiegi. Erantzun gutxi. Eta oroz gain, sentimendu arraro hori dago. Sentimendu hori ezagutzen du, baina ez du ulertzen.

Julianek konpromisorik gabe bete nahi ditu bere helburuak. Lana utziko du, musikan bete-betean aritzeko. Bere adiskide min eta kideak ezin du ulertu eta Julian bere onera itzul dadin ahal duen guztia egingo du.

Igande arrunt batean, Frantziako komunitate errusiar batean. Victor gazte atsegin eta adeitsuak ezkutuan maite duen pertsonaren mespretxuzko jokabidea gainditu beharko du.

Gonbidapenik jaso gabe, Schuhmann semearen ezkontzan agertuko da. Urtetan ez dute elkar ikusi, baina semeak aitaren nahi lukeena baino antz handiagoa daukala dirudi…

Amorruaren eta zalantzaren artean, Luisek noizbait bere etxea izan zena zeharkatuko du; orain, hondakin bihurtuta dago. Gizarte-mugimenduek iraulitako herrialde batek ahaztuta, lurrikarak bere etxea baino zerbait gehiago eraitsi zuela konturatuko da Luis.