72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Muriel Box
Filmak
Filmak
Muriel Box
Muriel Box
British Film Institute
© British Film Institute
Henry Cass
Erresuma Batua
1945
83 min.
Robinson senar-emazteek –adin ertaineko britainiar bikote bat– Mediterraneoan zehar itsas bidaia egiteko asmoa dute. Seme-alabek haiekin joateari uko egiten diotenean, Britainia Handiko hondartza batera joateko erabakia hartuko dute. Espero baino lehen itzultzen direnean, "probako ezkontza" batean aurkituko dute alaba, eta ezkondutako emakume batekin maite-kontuetan semea.
Compton Bennett
Erresuma Batua
1945
94 min.
Suizidio-ahalegin baten ondoren, Francesca Cunningham, mundu osoan ospetsua den piano-jotzaile bat, Larsen doktorearen eskuetan jarriko da tratamendu psikologikoa jasotzeko. Haren subkontzientean barneratuko da doktorea, gaur egungo egoerara zerk eta nork eraman duten jakiteko. Francescak aurre egin beharko die Nicholas menderatzaileak, haren tutore eta musika-mentoreak, pizten dizkion sentimenduei.
Compton Bennett
Erresuma Batua
1946
100 min.
Gerran hildakotzat jotako britainiar ofizial bat, Parlamentuko kidea bera, familiarekin etxera itzuliko da ustekabean. Emaztea berriz ezkontzear da, baita Komunen Ganberan haren aulkia betetzear ere, eta guztiek moldatu beharko dute egoera berrira.
Francis Searle
Erresuma Batua
1946
90 min.
Asmatzaile gazte bat bere emazte itogarriarengandik dibortziatuko da eta, emakumeak saihesteko, gizonez soilik osatutako Gerra Bulegoko departamentu urrun batean aurkituko du enplegua. Gayk, koronelaren alabak, haren bakea aztoratuko du; neskak trauma osteko estresa du eta ezin du hitz egin. Asmatzailea liluratuta geratuko da harekin, baita emazte ohi hiztunarekin konparatuta ikusten dion aldearekin. Laster harekin maitemindu, eta ezkondu egingo dira. Hala ere, ezkondutakoan, beste kommozio bat izango du Gayk eta hitz egiteko gaitasuna berreskuratuko du.
AF archive / Alamy Stock Photo
© AF archive / Alamy Stock Photo
Bernard Knowles
Erresuma Batua
1947
89 min.
Carlyon, XIX. mendeko kontrabandista, Andrews marinelaren tutorea da. Tutoreak ezarritako diziplina zorrotza dela eta, jazarrita sentitzen da Andrews; beraz, Carlyonen itsasontziko tripulazioa salduko du, eta kontrabandista batzuek espetxean amaituko dute. Carlyonek alde egingo du, ordea, eta Andrews bilatzeari ekingo dio. Andrews Elizabeth izeneko neskato baten etxean gordeko da, eta auzitegian kontrabandisten aurkako testigantza emateko eskatuko dio hark.
Arthur Crabtree
Erresuma Batua
1947
94 min.
Lee Warren atzerrira egindako bidaia batetik itzuliko da, eta Vivien emaztea desleiala izan zaiolako probak aurkituko ditu; beraz, haren maitalea nor den aurkitu, hura akabatu, eta suizidioa izan delako itxurak egingo ditu. Baina hura hil orduko, harremana eten zutela eta emazteak beste maitale bat duela jakingo du. Beraz, maitale berria erruztatzen saiatuko da poliziaren susmoak berarengandik aldentzeko.
AF archive / Alamy Stock Photo
© AF archive / Alamy Stock Photo
David MacDonald
Erresuma Batua
1947
91 min.
Mary Lawson eskoziar umezurtza Skye irlara iritsiko da Macrae sendiaren etxean neskame aritzeko. Mary bertan egoteak Macrae eta McFarish klanen arteko liskar zaharra areagotuko du, eta Macrae klaneko bi anaien artean boterea lortzeko borroka piztuko da.
Kenneth Annakin
Erresuma Batua
1947
97 min.
Huggett familia kanpaleku batera joango da oporretan, eta jende ugari ezagutuko du han: gazte haurdun bat eta haren mutil-laguna, jokalari talde bat, hurrengo biktimaren bila ari den hiltzaile bat, senar bila ari den emakume ezkongabe bat, eta ama ezindua zaintzen urteak eman ondoren lehenengo aldiz oporretan den adin ertaineko andrea.
Bernard Knowles
Erresuma Batua
1948
94 min.
Filma lau ataletan banatuta dago, eta kinieletan dirutza irabazteak lau pertsona mota desberdinen gain zer eragin duen jorratzen du bakoitzak. Familia zoriontsua zoritxarreko bihurtuko da, antza denez kinielarik egin ez zutela jakin arte. Langile lasai batek ez du jakingo nola esan bere buruzagi autoritarioari badoala. Kontrabaxu-jotzaile batek utzitako orkestraren falta nabariko du eta beste batzuk delitugile bihurtuko dira.
Compton Bennett
Erresuma Batua
1948
81 min.
Eddie borrero dabil, berea ez den izen bat erabilita, eta bigarren lan hori ezkutatuko du ezkondu eta emaztearekin Tamesis ibaiko gabarra batean bizitzen hasten denean. Bertan, gabarra-negozio bat zuzentzen du. Tragediak gogor astinduko du, ordea, Eddieren laguntzaile Olaf haren emaztea limurtzen saiatzen denean, eta bi gizonen arteko liskar batean itxuraz itota hilko da borreroa. Emazteak bere buruaz beste egingo du, eta Olaf urkamendira zigortuko dute.
British Film Institute
© British Film Institute
David MacDonald
Erresuma Batua
1948
92 min.
Filmaren hasieran, Lyla Lawrence nerabe arazotsuari aholkuak ematen ari zaizkio Thorpe andereñoa, adingabeen auzitegiko burua. Thorpe andereñoak esaten dio Gwen Rawlingsen antzeko hastapenak dituela haren bizitzak. Gwen beti okerreko jendearekin elkartzen zen nerabe bat zen. Aitak ere jipoitzen zuen; beraz, etxetik alde egin eta arazoetan sartu zen. Erreformatorioan hiru urte igarotzera zigortu zuten.
Harold French
Erresuma Batua
1948
87 min.
Lagun bati esker, bere nagusia (laguntza humanitarioko nazioarteko erakundeko administratzailea) funtsak erabilera pribaturako desbideratzen aritu dela jakingo du Lord Brasteden idazkari pribatuak. Gorabehera ugariren ondoren, delitua argitara ateratzea lortuko du.
AF archive / Alamy Stock Photo
© AF archive / Alamy Stock Photo
Muriel Box, Bernard Knowles
Erresuma Batua
1949
89 min.
Bigarren Mundu gerraren ostean, bortxazko laneko eta kontzentrazio-esparruetako lekualdatu batzuk beren herrialdeetara itzultzeko zain daude, Alemanian, britainiar soldaduek zaindutako antzoki batean. Baina, zenbait urtez faxismoari aurka egiteko elkartu ondoren, liskarrak sortuko dira lekualdatuen artean: serbiarrak kroaziarren aurka, poloniarrak errusiarren aurka, erresistentziako kideak kolaborazionisten aurka, eta guztiak juduen aurka. Jan eta Lily elkarrekin maiteminduko dira eta ezkontzeko erabakia hartuko dute.
Terence Fisher
Erresuma Batua
1949
90 min.
Alemaniar irakasle batek alabaren berdin-berdina den neska baten erretratua ikusiko du arte-galeria batean. Ustez, gerra garaian hil zen haren alaba. Neskak amnesia du, eta bilatutako gerra-kriminal baten babespean bizi da Europan. Alemania okupatuan dagoen Britainia Handiko armadako maior batek ahaleginak egingo ditu burokrazian eta espioi-konspirazio batean zehar aurrera egin eta neskatxa salbatzeko.
British Film Institute
© British Film Institute
David MacDonald
Erresuma Batua
1949
98 min.
Elisabet erreginaren aitor-entzule ohiaren gutun bati esker, Espainiako gortean sartzea lortuko du Kristobal Kolonek, eta agintariak konbentzitzen saiatuko da han, mendebalderantz nabigatuz Ekialde Urrunera iristeko plana babestu dezaten. Gorteko azpikeriak gainditu, eta haren plana praktikoa dela sinestaraziko dio erreginari.
Muriel Box
Erresuma Batua
1952
86 min.
Lord familia –senarra, emaztea eta seme-alabak– Britainia Handiko jaialdirako eraikitzen ari diren auditoriumetik gertu dagoen fruta-denda baten jabea da. Lillian Lord arduratzen da dendaz, eta senarra, Henry, erretiratzear dagoen tren-gidari bat da. Egun batean, diseinatzaileen akats bat dela-eta denda eta etxea eraitsi behar direla esango dio Filch izeneko goi-funtzionarioak Lord familiari; izan ere, kale bat eraiki behar da. Dena dela, diru-ordaina jasoko dutela eta beste etxe batera lekualdatuko direla ziurtatuko die.
AF archive / Alamy Stock Photo
© AF archive / Alamy Stock Photo
Muriel Box
Erresuma Batua
1953
94 min.
Eguneroko lana eta emakumezko polizien errutina, hiru istorio harturik ardatz. Lehenengoan, denda batean lapurtzeagatik atxilotutako 18 urteko neska bat da protagonista; bigarrenean, armadako desertore bat, bigamia kasu batean nahasia; eta, hirugarrenean, aitak eta amaordeak gaizki tratatutako haurtxo bat, poliziaren lanari esker berriz ere amarekin elkartu ahal izango dena.
AF archive / Alamy Stock Photo
© AF archive / Alamy Stock Photo
Muriel Box
Erresuma Batua
1954
82 min.
Gray jauna Welcome irletako britainiar biztanle berria da. Han hiru europar daude soilik: Martha eta Owen Jones anaia-arreba misiolariak eta Ted Ohoragarria, gizarteak baztertutako mozkorra, Ingalaterrako familiak haiengandik urruti bizitzeko ordaintzen duena. Irlak koleraren mehatxupean erortzen direnean, Marthak eta Tedek elkarlanean jardun beharko dute eta ahalegin guztiak egin beharko dituzte hedatu ez dadin.
Muriel Box
Erresuma Batua
1954
79 min.
Osabaren bi milioiko herentzia jasotzeko, Estatu Batuetako emakume batek Britainia Handira bidaiatuko du bere senar ohiak seme-alaba gehiago izatea eragozteko. Izan ere, senar ohiak data jakin baten aurretik semerik ez badu jasoko du emakumeak dirua. Baina senar ohiaren emazte berria haurdun dago.
AF archive / Alamy Stock Photo
© AF archive / Alamy Stock Photo
Muriel Box
Erresuma Batua
1955
87 min.
Ekoizle bati ideia bat bururatuko zaio 50eko hamarkadan: familia-telesail bat egitea, bizitza errealean zoriontsu bizi den aktore bikote bat harturik oinarri. Foster senar-emazteak aukeratuko ditu, eta dirua behar dutenez programa egitea onartuko dute, baina egiaz, ez dira inondik inora zoriontsu.
AF archive / Alamy Stock Photo
© AF archive / Alamy Stock Photo
Muriel Box
Erresuma Batua
1956
82 min.
Lucyk senarrarekin liskarra izan eta etxetik alde egingo du. Zinemara joango da, eta, han, kutxa gotorra lapurtzean gerentea hiltzen ikusiko ditu bi delitugile. Lapurrengandik ihes egiteko premian autobus batek kolpekatuko du eta bertako ospitalera eramango dute. Bi delitugileak atzetik ditu, hura hiltzeko aukeraren zain, horrela erditik kendu ahal izango baitute euren eta hilketaren arteko lotura ezar dezakeen pertsona bakarra.
Cinémathèque Suisse
© Cinémathèque Suisse
Muriel Box
Erresuma Batua
1957
97 min.
Eleberrigile batek dama baten eta haren italiar gidariaren arteko maite-harremanari buruz idatziko du. Haren italiar gidariak eskuizkribua aurkitzen duenean, bere ondorioak aterako ditu.
Cinémathèque Suisse
© Cinémathèque Suisse
Muriel Box
Erresuma Batua
1957
100 min.
Sir Humphrey Tavistock-ek maite izan dituen emakumeekin izandako harremanen berri emango dio suhiari, hura ez baita gai, ez emaztea, ez oro har emakumeak ulertzeko, eta haiek estimatzen lagundu nahi dio.
Cinémathèque Suisse
© Cinémathèque Suisse
Muriel Box
Erresuma Batua
1959
87 min.
Berlinen, armadako sendagile bati sendagaiak legez kanpo saltzea leporatuko diote, egia izan ez arren. Errugabea dela frogatzea erabaki, eta ihes egingo dio polizia militarrari. Emazteak Lilli Hoffman kabaret-abeslariari alokatzen dion pisuan gordeko da sendagilea, eta errugabea dela frogatzeko lagundu diezaion konbentzituko du.
AF archive / Alamy Stock Photo
© AF archive / Alamy Stock Photo
Muriel Box
Irlanda
1959
81 min.
Irlandako gerra zibilaren legatu traumatikoa aztertzen du filmak. Irlandako hirixka batean, estatua bat jaso nahi dute Irlandako Independentzia Gerran hil den Irlandar Armada Errepublikanoko gizon baten ohoretan, baina erreboltaria hil zuen koronelaren semea aurka agertuko da.
Cinémathèque Suisse
© Cinémathèque Suisse
Muriel Box
Erresuma Batua
1960
81 min.
Nerabe bati etxean gizon helduak hartzea leporatuko dio bizilagun batek. Adingabeen auzitegira eramango dute, eta han epaile atsegin eta ulerkorra aurkituko du buruan. Neskatoak bere istorioa kontatuko dio. Gurasoengandik arretarik eta orientaziorik jasotzen ez duenez, lagun txarrekin elkartu, eta marinel batekin amodio-kontuetan ibili ondoren abortua izan du. Azkenean, prostituzioa dela-eta atxilotuta amaituko du.
Muriel Box
Erresuma Batua
1962
62 min.
Gerra napoleonikoetan, errefuxiatutako haur talde batek Pirinioetan zeharko ihesbidean laguntzen du, baina arazoa planteatuko zaie haien segurtasunerako arriskutsua den etsai zauritu bat agertzen denean: salbatu beharko al lukete?
Cinémathèque Suisse
© Cinémathèque Suisse
Muriel Box
Erresuma Batua
1964
96 min.
Percy Winthram Manchesterretik Londresera joango da futbol-koparen finala ikusteko. Partidaren ondoren, Sohoko strip-tease klub batera joango da kideekin. Percy gizon xalo eta lotsatia da. Lagun batek apustua botako dio: ezetz eraman ilehori bat etxera gaua harekin emateko. Percyk onartu egingo du. Ilehoriak, Cyrennek, guztia entzun du eta berak ere baietz esango du. Cyrennek bere jatorri aristokratikoei buruz hitz egingo dio, eta, Percyk, txundituta, harro hitz egingo dio bere konkistei buruz. Pixkanaka, haien arteko konfiantza eta maitasuna areagotuko da.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.