Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Kong Xiu / A Woman, Wang Chao errealizadore txinatarraren film luze berria, Donostia Zinemaldiaren 70. edizioko (irailaren 16tik 24ra) Sail Ofizialean lehiatuko diren filmen zerrendan sartu da eta, horrenbestez, zerrenda hori osatuta geratu da jada.
Zhang Xiu Zhen idazlearen Dream eleberri autobiografikoan oinarritua, Txinako Iraultza Kulturalean girotutako istorio bat kontatzen digu filmak, eta tailerreko lanak uzten dion aisialdian idazten aritzen den emakume langile bat du protagonista.
Wang Chao (Nanjing, 1964) hamar bat film luzeren egilea da, besteak beste, hauena: Anyangde guer / The Orphan of Anyang (2001), Cannesko Quinzaine des Rálisateurs atalean hautatua; Jiang cheng xia ri / Luxury Car (2006), Cannesko Zinemaldiko Un Certain Regard sailean film onenaren saria irabazi zuena, eta Huan xiang qu / Fantasia (2014), hura ere Cannesko Un Certain Regard sailean hautatua.
Horrela, jada iragarri diren eta Urrezko Maskorra irabazteko lehian ariko diren 16 zuzendarien zerrendan sartuko da Wang Chao: Manuel Abramovich, Fernando Franco, Mikel Gurrea, Christophe Honoré, Genki Kawamura, Sebastián Lelio, Diego Lerman, Marco Martins, Marian Mathias, Laura Mora, Pilar Palomero, Frelle Petersen, Jaime Rosales, Hong Sangsoo, Ulrich Seidl eta Petr Václav.
XX. mendeko 60ko hamarkadaren amaieratik 80ko hamarkadaren hasierara arte, Kong Xiu langile arruntak ausardia handiz hautsi zituen zorigaitzeko bi senarrekiko kateak, eta lantegiko lanaldi astunek uzten zioten denbora librean gogor egin zuen lan hazi eta idazle bihurtzeko.
Bideoak
Irudiak
Astelehenetik ostiralera: 09:00 - 14:00 | 16:00 - 19:00.