Laura Moraren Los reyes del mundo / The Kings of the World filmak —Kolonbiak eginiko koprodukzioa, Luxenburgo, Frantzia, Mexiko eta Norvegiarekin batera— eskuratu du Donostia Zinemaldiko 70. edizioko Urrezko Maskorra. Horretaz gainera, epaimahai ofizialak Genki Kawamura zinemagileari eman dio zuzendari onenaren Zilarrezko Maskorra Hyakka / A Hundred Flowers (Japonia) filmagatik, eta gidoi onenaren saria, berriz, Dong Yun Zhou eta Wang Chao egileentzat izan da, azken horrek Kong Xiu / A Woman (Txina) filmean eginiko lanagatik.

Carla Quílez eta Paul Kircher aktoreek eskuratu dute Interpretazio Nagusi Onenaren Zilarrezko Maskorra ex aequo, Pilar Palomeroren La Maternal (Espainia) eta Christophe Honoré zuzendariaren Le Lycéen / Winter Boy (Frantzia) filmengatik, hurrenez hurren. Bestalde, Renata Lermanek eskuratu du antzezle taldeko interpretaziorik onenaren saria, Diego Lermanen El suplente filmean eginiko lanagatik (Argentina-Espainia-Italia- Mexiko-Frantzia). Manuel Abramovich Pornomelancolía obraren zuzendariak (Argentina-Frantzia-Brasil-Mexiko) eskuratu du argazki onenaren saria, film horretan eginiko lanagatik. Epaimahaiaren Sari Berezia, ostera, Marian Mathias hasiberriaren Runner filmak irabazi du (AEB-Alemania-Frantzia), “apustu narratiboaren anbizioagatik, originaltasunagatik eta lehenbiziko obra honetan sumatzen den indarragatik”.

Hirugarren urtez jarraian, emakume batek zuzenduriko film batek eskuratu du Sail Ofizialeko sari nagusia —aurretik izan zituen Beginning (Dea Kulumbegashvili, 2020) eta Crai nou / Blue Moon (Alina Grigore, 2021), hain justu—, eta Zinemaldiaren zazpi hamarkadatan lehenbizikoz irabazi du Urrezko Maskorra Kolonbiako produkzio batek. Laura Mora (Medellín, 1981) zuzendariaren bigarren film luzea da, zeinak Matar a Jesús (2017) lehenbiziko filmarekin Kutxabank-New Directors Saria eskuratu baitzuen aurretik.

Epaimahaiaren Sari Bereziak eta Zuzendari Onenaren Zilarrezko Maskorrak bi opera prima aitortu dituzte: Runner eta Hyakka / A Hundred Flowers, hurrenez hurren. Azken lan hori Genki Kawamurak zuzendu du, gaur egungo funtsezko hainbat animazio-film japoniarren ekoizleak. 

Matías Mosteirín ekoizlea izan da sariok banatu dituen epaimahaiaren buru, eta epaimahaikide izan dira, orobat, Antoinette Boulat, Tea Lindeburg, Rosa Montero, Lemohang Jeremiah Mosese eta Hlynur Pálmason.

BESTE SARI OFIZIAL BATZUK

Kursaal jauregian izan da Donostia Zinemaldiaren 70. edizioko klausura-gala, eta beste zenbait sari ofizial ere banatu dira.

Fifi / Spare Keys (Frantzia) filmak —Jeanne Aslan eta Paul Saintillan ditu zuzendarikide— eskuratu du Kutxabank-New Directors Saria, eta, ildo horretan bertan, aipamen berezia eskuratu du Parth Saurabh zinemagilearen Pokhar ke dunu para / On Either Sides of The Pond (India) filmak. Valentina Maurel egilearen Tengo sueños eléctricos (Belgika-Frantzia-Costa Rica) lehenbiziko lanak eskuratu du Horizontes Saria, Locarnoko zinema-jaialdian zuzendari onenaren eta emakumezko zein gizonezko aktore onenen sariak irabazi ondotik. Bestalde, Hlynur Pálmason zinemagilearen Godland filmak (Danimarka-Islandia-Frantzia-Suedia) irabazi du Zabaltegi-Tabakalera Saria, zeinak Canneseko zinema-jaialdiko Un Certain Regard sailean parte hartu baitzuen.

Nest Saria, bestalde, Sofía Salinas eta Juan David Bohórquez egileen Montaña azul / Blue Mountain (Kolonbia) film laburrak eraman du, biak Kolonbiako Unibertsitate Zentraleko ikasleak, eta sail horretako aipamen berezia, ostera, HEAD-Genève ikastegiko Benjamin Goubet ikaslearen Anabase (Suitza) lanak irabazi du.

Horretaz gainera, Euskal Zinemaren Irizar Saria Suro (Espainia) lanarentzat izan da —Mikel Gurrearen lehenbiziko film luzea, Sail Ofizialean bildua—, eta aipamen berezia, berriz, María Elorzaren A los libros y a las mujeres canto / To Books and Women I Sing (Spainia) pelikularentzat, zeina New Directors sailean hautatu baita. Suro film luzeak ere Fipresci saria irabazi du.

Bestalde, Perlak Saileko ikusleek hautatzen duten Donostia Hiria Publikoaren Saria Santiago Mitreren Argentina, 1985 (Argentina, AEB) filmarentzat izan da, zeinak Fipresci Saria eskuratu baitzuen Veneziako Zinema Jaialdian. Europako Film Onenaren Publikoaren Saria, ostera, As bestas / The Beasts (Espainia) lanak eraman du, zeinarekin Rodrigo Sorogoyen zinemagileak Cannes Première sailean esku hartu baitzuen.

Galaren ostean, Neil Jordan egilearen Marlowe filmaren munduko estreinaldiaren txanda etorri da. Zinemagilea Donostian izan da, Liam Neeson eta Diane Kruger antzezleekin batera.

Los reyes del mundo / The Kings of the World Laura Mora (Kolonbia - Luxemburgo - Frantzia - Mexiko - Norvegia)

Runner Marian Mathias (AEB - Alemania - Frantzia)

GENKI KAWAMURA Hyakka / A Hundred Flowers Genki Kawamura (Japonia)

Ex aequo PAUL KIRCHER Le lycéen / Winter Boy Christophe Honoré (Frantzia)

Ex aequo CARLA QUÍLEZ La Maternal Pilar Palomero (Espainia)

RENATA LERMAN El suplente / The Substitute Diego Lerman (Argentina - Espainia - Italia - Mexiko - Frantzia)

DONG YUN ZHOU, WANG CHAO Kong Xiu / A Woman Wang Chao (Txina)

MANUEL ABRAMOVICH Pornomelancolía Manuel Abramovich (Argentina - Frantzia - Brasil - Mexiko)

KUTXABANK-NEW DIRECTORS SARIA Fifi / Spare Keys Jeanne Aslan, Paul Saintillan (Frantzia)

AIPAMEN BEREZIA Pokhar ke dunu paar / On Either Sides of the Pond Parth Saurabh (India)

Tengo sueños eléctricos Valentina Maurel (Belgika - Frantzia - Costa Rica)

ZABALTEGI-TABAKALERA SARIA Godland Hlynur Pálmason (Danimarka - Islandia - Frantzia - Suedia)

NEST SARIA Montaña azul / Blue Mountain Film laburra Sofía Salinas, Juan David Bohórquez (Kolonbia)

AIPAMEN BEREZIA Anabase Film laburra Benjamin Goubet (Suitza)

DONOSTIA HIRIA PUBLIKOAREN SARIA Argentina, 1985 Santiago Mitre (Argentina - AEB)

EUROPAKO FILM ONENAREN SARIA As bestas / The Beasts Rodrigo Sorogoyen (Espainia - Frantzia)

EUSKAL ZINEMAREN IRIZAR SARIA Suro Mikel Gurrea (Espainia)

AIPAMEN BEREZIA A los libros y a las mujeres canto / To Books and Women I Sing Maria Elorza (Espainia)

A los libros y a las mujeres canto / To Books and Women I Sing Maria Elorza (Espainia)

WIP LATAM INDUSTRIA SARIA El castillo / The Castle Martín Benchimol (Argentina - Frantzia)

WIP LATAM ONENARENTZAKO EGEDA PLATINO INDUSTRIA SARIA El castillo / The Castle Martín Benchimol (Argentina - Frantzia)

PROJETO PARADISO LEHEN SARIA Estranho caminho / A Strange Path Guto Parente (Brasil - Portugal)

PROJETO PARADISO BIGARREN SARIA Casa no campo / A House in the Country Davi Pretto (Brasil - Frantzia - Argentina)

WIP EUROPA INDUSTRIA SARIA Tereddüt çizgisi / Hesitation Wound Selman Nacar (Turkia - Frantzia - Errumania)

WIP EUROPA SARIA Tereddüt çizgisi / Hesitation Wound Selman Nacar (Turkia - Frantzia - Errumania)

EUROPA-LATINOAMERIKA XI. KOPRODUKZIO FOROKO PROIEKTU ONENARI SARIA Seis meses en el edificio rosa con azul / Six Months in the Pink and Blue Building Bruno Santamaría Razo (Mexiko)

DALE! SARIA (EUROPA-LATINOAMERIKA GARAPENA) Seis meses en el edificio rosa con azul / Six Months in the Pink and Blue Building Bruno Santamaría Razo (Mexiko)

ARTEKINO INTERNATIONAL PRIZE Madre pájaro Sofía Quirós Ubeda (Costa Rica - Argentina)

FILM CENTER SERBIA SARIA La muñeca de fuego / The Fire Doll Niles Atallah (Txile - Frantzia)

IRUSOIN POSTPRODUKZIO SARIA Bandeira João Paulo Miranda Maria (Brasil - Frantzia)

ESPAINIAKO PROIEKTU ONENA Motmo.Pro (Espainia)

EUROPAKO PROIEKTU ONENA Mine S (Italia)

PERTSONA EDO TALDE EKINTZAILE BATEK AURKEZTUTAKO PROIEKTU ONENARI kino_GreenToken (Espainia)

IBAIA – BILIBIN CIRCULAR SARIA CARAPIRÚ: EL SUPERVIVIENTE     Aner Etxebarria, Pablo Vidal Ekoizlea: Federation Spain (Espainia - Frantzia)

TREELINE BANAKETA ETA JAIALDIETAKO AHOLKULARITZAREN SARIA EL SILENCIO DE LAS HORMIGAS     Francisco Montoro Ekoizlea: Apnea Films (Espainia)

IBAIA - ELKARGI SARIA EL SILENCIO DE LAS HORMIGAS     Francisco Montoro Ekoizlea: Apnea Films (Espainia)

PREMIO RTVE - OTRA MIRADA El sostre groc Isabel Coixet (Espainia)

AIPAMEN BEREZIA Corsage Marie Kreutzer (Austria - Frantzia - Alemania - Luxemburgo)

Ruido / Noise Natalia Beristain (Mexiko)

Tori et Lokita / Tori and Lokita Jean-Pierre Dardenne, Luc Dardenne (Belgika - Frantzia)

DUNIA AYASO SARIA Secaderos / Tobacco Barns Rocío Mesa (Espainia - AEB)

AIPAMEN BEREZIA El sostre groc Isabel Coixet (Espainia)

JULIETTE BINOCHE

DAVID CRONENBERG

Txema Areizaga

Suro Mikel Gurrea (Espainia)

Los reyes del mundo / The Kings of the World Laura Mora (Kolonbia - Luxemburgo - Frantzia - Mexiko - Norvegia)

Mikel Gurrea, Francisco Kosterlitz Suro Mikel Gurrea (Espainia)

Something You Said Last Night Luis De Filippis (Kanada - Suitza)

Alcarràs Carla Simón (Espainia - Italia)

SIGNIS Saria Los reyes del mundo / The Kings of the World Laura Mora (Kolonbia - Luxemburgo - Frantzia - Mexiko - Norvegia)

AIPAMEN BEREZIA Runner Marian Mathias (AEB - Alemania - Frantzia)