Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Donostia Zinemaldiak familientzako bost pelikula aurkeztuko ditu irailaren 16tik 24ra egingo den 70. edizioan. Zinemaldiaren lehen asteburuan eta bigarren larunbatean, Príncipe zinema-aretoetan Haurrentzako Zinema sailaren emanaldiak egingo dira: animaziozko hiru film eta teknika hori benetako irudiarekin nahasten duten beste bi. Horiek guztiak euskarara bikoiztuta ikusi ahalko dira Zineuskadiren lankidetzari esker, Zinema Euskaraz programaren esparruan.
Toby Genkel alemaniarrak zuzendutako Oltxiak (Die Olchis) filmean, inoiz inon ongietorriak izan ez diren izaki berde bitxi batzuk aurkezten zaizkigu; izan ere, usain txarra darie oltxiei, baina egun batean Kiratserriko zabortegian etxea aurkitu dutela pentsatuko dute.
Francesco Dafano eta Luca Della Grotta italiarrek kartoizko kaxa hautsi baten abenturak kontatzen dituzte Trash filmean. Protagonistaren bizitza aldatu egingo da Spark kutxa ezagutzen duenean. Txikiagoa da Spark, eta edozein hondakin aprobetxa daitekeela konbentzitzen saiatuko da adiskide berria.
Tom eta Jerry (Tom & Jerry) filmak animazioa eta benetako irudia nahasten ditu, eta Hanna-Barberak sortutako bi pertsonaia horien ibilerei jarraitzen die. Tim Storyk zuzendutako filmean, Chloë Grace Moretz, Michael Peña eta Rob Delaney aktoreek antzeztutako hezur-haragizko pertsonaiak mundu animatuko katu eta sagu ospetsuenekin nahasten dira.
Marrazkiak benetako pertsonaiekin nahasten ditu, halaber, Space Jam: aro berria (Space Jam: a New Legacy) film luze estatubatuarrak; Malcolm D. Leek zuzendutako pelikulan, LeBron James NBAko superizarra Bugs Bunnyren eta Looney Tunesen unibertso magikoan sartzen da.
Toni Garcíak zuzendutako D'Ortagnan eta hiru Mosketxakurrak (D'Artacán y los tres Mosqueperros) ekoizpen espainiar-indiarrak osatuko du Haurrentzako Zinema saila; Alexandre Dumas idazleak bere garaian sortutako heroi klasikoak txakur bihurtu zituen 80ko hamarkadako marrazki bizidunen telesail ospetsuan oinarrituta dago filma.
D'Ortagnan, mutil oldartsu eta xaloa, Parisera joango da bere ametsik handiena egia bihurtzeko: bere Maiestatearen Mosketxakurren kidegoarekin bat egitea. Adiskidetasun, ohore, justizia, akzio eta, batez ere, komedia ugariz beteriko abentura.
Oltxiak bizitzeko leku baten bila dabiltza, baina inon ez dira ongi etorriak sentitzen. Usain txarra dute, eta gizaki gehienek ez dituzte ondoan nahi. Familiaren dragoia Kirasterriko zabortegian lurreratzen denean, oltxiak berehala sentitzen dira etxean bezala, eta bertan bizitzen jartzea erabakitzen dute. Baina gauzak ez dira euren uste bezain errazak izango, eta Kirasterriko herritarrei frogatu beharko diete elkarrekin bat eginda hiria salba dezaketela.
LeBron James saskibaloiko superizarrak Looney Tunes taldearen taldearekin bat egingo du Goon Squad garaitzeko eta bere semea salbatzeko.
Historiako lehiarik maiteenetako bat berpiztu egingo da Jerry New Yorkeko hotelik onenera bizitzera doanean, "mendeko ezkontza" garrantzitsuenaren bezperan. Horrek ezkontza-planifikatzaile desesperatua Tom kontratatzera behartzen du, hura gainetik kentzeko.
Slim bere patuari uko egin dion eta ezertan sinesten ez duen kartoizko kaxa hautsia da, baina bere bizitza aldatu egingo da Spark kaxa ezagutzen duenean; izan ere, edozein hondakini probetxua atera dakiokeela konbentzitzen saiatuko zaio, abentura dibertigarrien bidez, lagun berria.
Irudiak
Astelehenetik ostiralera: 09:00 - 14:00 | 16:00 - 19:00.