"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Argentina, Andeen oinetan, 1982. Familia ingles-argentinar batek ikusiko du herrialde oso bat Erresuma Batuaren aurkako gerrarako prestatzen ari dela (gertatzear dago gerra hori). Britainia Handiarekin lotutako edozer etsai bihurtuko da. Judyk −55 urteko amona gazte batek− minbizi oso aurreratua dauka, eta egoera hori isilpean gordetzea erabaki du. Munduari agur esateko eta oroitzapenez betetzeko egun gutxi batzuk ditu, bere biloba Bárbarari etorkizunean izango dituen hizkuntza eta "armak" transmititzeko. Judy egongo ez den etorkizun horretan.