Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Donostia Zinemaldiaren azken bi edizioetan aurkeztutako zazpi filmek 31. Goya Sarietarako hamasei sari lortu dituzte.
Sail Ofizialean, lehiaketaz kanpo, Europa mailako estreinaldia izan zuen A Monster Calls, aurtengo Goya Sarietako film sarituena izan da . Bederatzi Goya eskuratu ditu guztira, kategoria hauetan: zuzendari onena (J.A. Bayona), argazki-zuzendaritza onena (Óscar Faura), ekoizpen-zuzendaritza onena (Sandra Hermida), zuzendaritza artistiko onena (Eugenio Caballero), muntaketa onena (Bernat Vilaplana eta Jaume Martí), musika original onena (Fernando Velázquez –Euskadiko Orkestra Sinfonikoa eta Donostiako Orfeoia aipatu zituen–), efektu berezi onenak (Pau Costa eta Félix Bergés), soinu onena (Peter Glossop, Oriol Tarragó eta Marc Orts) eta makillaje eta ile-apainketa onenak (Marese Langan eta David Martí).
Veneziako zinema-jaialdiko Orizzonti sailean estreinatu zuten Tarde para la ira pelikulak film onenaren Goya saria, zuzendari gazte onenaren Goya saria (Raúl Arévalo), gidoi original onenaren Goya saria (Rául Arévalo eta David Pulido) eta antzeztaldeko gizonezko aktore onenaren Goya saria (Manolo Solo) lortu zituen.
Sail Ofizialean lehiatu zen eta gizonezko aktore onenaren Zilarrezko Maskorra (Eduard Fernández) eskuratu zuen El hombre de las mil caras filmak bi Goya irabazi zituen: egokitutako gidoi onenarena (Alberto Rodríguez eta Rafael Cobos) eta gizonezko aktore berri onenarena (Carlos Santos).
Roberto Álamok gizonezko aktore protagonista onenaren Goya saria jaso zuen Que Dios nos perdone filmean egindako lanagatik. Donostia Zinemaldiko Sail Ofizialean estreinatu zen eta gidoi onenaren saria irabazi zuen (Rodrigo Sorogoyen eta Isabel Peña).
Zinemaldiko 63. edizioko Zabaltegin estreinatutako Psiconautas, los niños olvidados pelikulak animaziozko film onenaren Goya saria eskuratu zuen.
Canneseko zinema-jaialdian estreinatu ondoren, Zinemaldiko Perlak sailean parte hartu zuen Elle filmak Europako film onenaren saria jaso zuen.
Made in Spain sailean ikusi genuen Julieta filmeko Emma Suárezek emakumezko aktore protagonista onenaren Goya saria irabazi zuen. Sail berean aurkeztutako El olivo / Der Olivenbaum filmeko Anna del Castillori, berriz, emakumezko aktore berri onenaren Goya saria eman zioten.
Astelehenetik ostegunera: 09:00 - 15:00.
Ostiraletan: 10:00 - 14:00