72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Merian C. Cooper eta Ernest B. Schoedsack
Filmak
Filmak
Merian C. Cooper eta Ernest B. Schoedsack
Merian C. Cooper eta Ernest B. Schoedsack
Merian C. Cooper, Ernest B. Schoedsack, Marguerite Harrison
AEB
1925
71 min.
Cooper eta Schoedesack zinemagileek kameren atzean eginiko lehen lana Irango paisaia ikusgarrietan errodaturiko dokumental antropologikoaren klasiko hau izan zen. Antzinako Pertsiako Bakhtiari tribuaren eguneroko bizitza eta ganaduarentzako bazkaren bila egindako migrazioa: 50.000 pertsonak eta beren animalia taldeek hesi naturalak zeharkatu behar dituzte eta baldintza atmosferiko gogorrei aurre egin animaliei jaten ematea lortzeko.
Merian C. Cooper, Ernest B. Schoedsack
AEB
1927
69 min.
Cooper eta Schoedsacken bigarren zinemako abenturak Tailandiako oihanetara eraman zuen bikotea. Fikziozko elementuak dituen dokumental honetan, zuzendariek askatasun osoa emango diote agertoki exotikoengatiko beren pasioari eta beren ikuskizun-zentzuari, gizonaren eta piztiaren arteko borrokari buruzko kontakizun zirraragarri honi esker.
PARAMOUNT PICTURES / Album
© PARAMOUNT PICTURES / Album
Merian C. Cooper , Ernest B. Schoedsack , Lothar Mendes
AEB
1929
80 min.
A.E.W. Mason idazlearen eleberri kolonial ezagunaren hainbat bertsio egin dira zinemarako, baina Schoedsackek eta Cooperrek lehenengo soinudun egokitzapena egin zuten. Lagunek koldartzat duten Faversham tenienteak Sudanen bizitako abenturak aitzakia bikaina izango dira zuzendariek jatorrizko narrazioari berezko duten indarra eta dinamismoa emateko. Bikotearen filmografian ohiko lankide izandako Fay Wray aktorearekin eginiko lehenengo kolaborazioa izan zen hau.
Ernest B. Schoedsack
AEB
1931
66 min.
King Kong maisulana errodatu baino bi urte lehenago Cooper eta Schoedsack bikoteak gizakien eta tximinoen arteko harremanei buruz amets egin zuen Sumatrako oihanetan giroturiko kontakizun honekin. Bokazio antropologikoa izan arren, errealitatearen behaketa hutsa egin ordez, bi zinemagileen lanean beti gailentzen da alegiarako joera.
RKO RADIO PICTURES / Albu
© RKO RADIO PICTURES / Albu
Ernest B. Schoedsack, Irving Pichel
AEB
1932
78 min.
Richard Connel-en kontakizun klasiko baten egokitzapena. Film hau entsegu moduko bat izan zen Cooper eta Schoedsackentzat; hain zuzen, hurrengo urtean King Kong filmean azkendu ziren hemen baliatutako amesgaiztoko giro harrigarriak. Dekoratu beretan filmatu zituzten bi lanak. Abentura-zinemak bat egingo du ipuin gotikoarekin film anker eta basati honetan, zeinaren akzio-sekuentziek zur eta lur uzten baitute oraindik.
Ernest B. Schoedsack
AEB
1933
65 min.
Cooperrek eta Schoedsackek alde batera utziko dituzte beren filmografian hain ohiko diren agertoki exotikoak detektibe-intrigen Londresera joateko. Bikotearen aktore fetitxe Robert Armstrong Londreseko lainoaren artean galdutako amerikar bat izango da oraingoan, eta Alfred Hitchcocken film batetik ateratakoa dirudien bilbe korapilatsu batean nahastuko da.
RKO / Album
© RKO / Album
Merian C. Cooper, Ernest B. Schoedsack
AEB
1933
100 min.
Munstroei buruzko zinemaren historiako film ezagunena; zazpigarren artearen ikonorik iraunkorrena eman zigun izenburu mitikoa. Amodio ezinezko batengatik bere erresuma galduko duen gorila erraldoiaren historia tristea ez da mundu osoko adituek eta artistek aldarrikatzen duten Ederra eta Piztiaren mitoaren berrikuspen onirikoa bakarrik, efektu berezien, ikuskizunaren, imajinazioaren eta poesia puruaren erakusketa bikaina ere bada.
Ernest B. Schoedsack
AEB
1933
70 min.
King Kong filmaren arrakastak haren bigarren zatia epe oso estuan egitera behartu zituen Cooper eta Schoedsack zuzendariak, aurrekontu askoz ere murritzagoarekin, gainera. Oraingoan jakingo dugu King Kong zaharrak kume bat utzi zuela Garezur Uhartean; gorila kumea oso kutuna da, on puska bat, eta abentura-grinaren erruz berriz ere mota guztietako arazoetan sartuko den aurreko filmeko protagonistaren ezusteko aliatu bilakatuko da.
Ernest B. Schoedsack
AEB
1934
63 min.
Beren ohiko interesetatik oso urrun dagoela esango genukeen komedia dramatikoaren lurraldeetan eginiko sarrera txundigarria da Cooper eta Schoedsacken lan hau. Urte luzez bananduta egon diren aita baten eta alaba baten elkartzeari buruzko kontakizun hau, berez, garaiko Hollywoodeko izar handietako baten trebezia agertzeko lan bat da. John Barrymorez ari gara.
Ernest B. Schoedsack
AEB
1935
96 min.
Bulwer Lytton-en Pompeiako azken egunak eleberria zinemaren historian gehien egokitu diren testuetako bat izan da, zinema mutuaren garaietatik. Garaiko efektu berezietako teknika onenek sumendi baten erupzioak suntsituriko hiri harroaren ikuskizun izugarri eta tragikoa ikusteko aukera emango digute.
Ernest B. Schoedsack
AEB
1937
61 min.
Gobi basamortua izango da oraingoan Schoedsackek aukeraturiko eszenatokia film bat egiteko osagai guztiak biltzen dituen kontakizuna kokatzeko: naturaren aurka borrokatu behar duten gizon ekintzaileak, bidelapur arriskutsuak eta abenturarekiko eta arriskuarekiko maitasuna.
PARAMOUNT PICTURES / Album
© PARAMOUNT PICTURES / Album
Ernest B. Schoedsack
AEB
1940
77 min.
Cooperrek eta Schoedsackek eraikitako fantasia irudikorrenetako bat; zientzia-fikziozko zinemako klasiko txiki bat: zientzialari ero batek miniatura bilakaturiko gizon batzuen istorioa entretenimendu bikaina izango da, eta ez dira faltako gizonaren eta ziklopearen arteko borrokaren oihartzun mitologikoak.
Ernest B. Schoedsack
AEB
1949
94 min.
Efektu berezien maisu Ray Harryhausen-en lehenengo lan honetan Cooperrek eta Schoedsackek argi utziko dute tximino erraldoiei buruzko filmengatik duten obsesioa. Oraingoan, tximinoa ez da Kong bezain erraz haserretuko, eta, ondorioz, emaitza familia-abentura xamur eta atsegina izango da, hori bai, efektu berezi ikusgarriei uko egin gabe.
Michael Todd, Michael Todd, Jr., Gunter von Fritsch, Ernest Schoedsack , Merian C. Cooper, Fred Rickey
AEB
1952
116 min.
Ulertzekoa da Merian C. Cooper, zinema-ikuskizunaren maisua, zoratzen egotea Cineramarekin. Proiekzio-sistema inguratzaile horrek iraultza ekarri zuen 50eko hamarkadako erakusketa zinematografikora. Dokumental honek teknika horren aukerak aztertuko ditu mota guztietako paisaietan eta lekuetan barrena ibilita, ikuslea pantailan murgiltzeko helburuz.
Christopher Bird, Kevin Brownlow
AEB
2005
57 min.
Merian C. Cooper zinemagile eta abenturazale porrokatuaren figura aldarrikatzen duen dokumentala da hau. Cooper izan zen zinemaren historiako film mitikoetako baten egile: King Kong. Alec Baldwin narratzaile duela, lan honek ibilbide zirraragarria proposatuko digu zinemagilearen nobelako biografia, haren filmak eta izaera kartsua erakusteko.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.