72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Atzerabegirakoa
Filmak
Filmak
Italia biolentoa
Italia biolentoa
Ossessione © 1943 I.C.I. © 2004 MARZI Srl. All rights reserved. Courtesy VIGGO Srl.
© Ossessione © 1943 I.C.I. © 2004 MARZI Srl. All rights reserved. Courtesy VIGGO Srl.
Luchino Visconti
Italia
135 min.
Giovanna jatetxe bateko jabearekin ezkondutako emakume gaztea da (bera baino zaharragoa da senarra). Emakumearen bizitza zekena aldatu egingo da arlote bat agertzean: maitale bihurtu eta senarra hiltzera eramango du gizona. James M. Cainen The Postman Always Rings Twice eleberriaren egokitzapen neorrealista.
CRISTALDIFILM
© CRISTALDIFILM
Mario Soldati
Italia
100 min.
II. Mundu Gerra amaitu ondoren, atxiloketa-agindua duen kriminal faxista bat bere semearekin Frantziara ezkutuan ihes egiten saiatuko da. Trenak geldialdi bat egiten duenean, jatetxe batera joango dira afaltzera, baina zerbitzariak ezagutu egingo ditu hor.
CRISTALDIFILM
© CRISTALDIFILM
Pietro Germi
Italia
101 min.
Epaile gazte bat Siziliako Capodarso herri txikira bidaliko dute. Eginkizun bat eman diote: legea aplikatzea Mafiak ezarritako arauen arabera gobernatzera eta segurtasunik gabeko egoera iraunkor batean bizitzera ohituta dagoen komunitate batean. Baina laster konturatuko da bakarrik dagoela eta biztanleak ez daudela laguntzeko prest. Magistratu baten eleberri autobiografikoan oinarritua.
Courtesy of BROADMEDIA
© Courtesy of BROADMEDIA
Fernando Cerchio
Italia
110 min.
Gerran kondekoratutako heroia izanik delituz delitu bizi izan den gizon baten istorioa. Bere taldekide gangsterrei laguntzeko polizia bihurtzea erabakitzen duenean, neska gazte batekin maitemindu eta konplize ohiak abandonatzea planteatzen hasiko da. Polizia-generoko bitxikeria bat, artean estilo neorrealistak argitua.
1950 Cines SpA; © 2010 Cristina D’Osualdo. Tutti i diritti riservati. Courtesy VIGGO Srl.
© 1950 Cines SpA; © 2010 Cristina D’Osualdo. Tutti i diritti riservati. Courtesy VIGGO Srl.
Pietro Germi
Italia
78 min.
Futbol-partida bat jokatzen den bitartean, lau gaizkile estadioko leihatilan lapurreta egingo dute. Ihes egin aurretik, aurkitu eta jazarri egingo dituzte gaizkileok, eta dirua zatitu baino lehen banandu egin beste erremediorik ez dute izango. Italiako Film onenaren saria Veneziako Mostran.
1952 Gaumont
© 1952 Gaumont
Luigi Zampa
Italia
108 min.
Napoliko herritar errespetagarri baten hilketaz arduratzen den epaileak jakingo du biktima erakunde kriminal handi bateko kide zela. Epaileak borroka izango du bere betebehar eta printzipioen eta botere politikoaren eta goi-burgesiaren presio gogorren artean. Napoliko krimen antolatuaren aurkako borrokaren kasu errealetan oinarritua.
MERCURY FILMS. Todos los derechos reservados.
© MERCURY FILMS. Todos los derechos reservados.
Pietro Germi
Italia
114 min.
Eraikin bereko bi bizitokitan lapurreta eta hilketa bana jazo dira. Kasuaren ardura duen komisarioa (filmaren zuzendari Pietro Germik berak antzeztua) hein handiagoan edo txikiagoan inplikatutako pertsona guztien miseriak azalduz joango da. Germiren filmik adierazgarrienetako bat.
Studiocanal/Tamasa Distribution
© Studiocanal/Tamasa Distribution
Alberto Lattuada
Italia
99 min.
Milanen lan egiten duen eta bizi den siziliar zintzo bat bere jaioterrian dago oporretan, eta bere enpresako zuzendariak aprobetxatu egingo du egoera hori tokiko mafiaburuari pakete bat bidaltzeko. Hortatik aurrera, Alberto Sordik antzeztutako pertsonaia krimen antolatuaren negozioetan inplikatuta egongo da. Urrezko Maskorra 1963ko Donostia Zinemaldian.
Images courtesy of Park Circus/Paramount
© Images courtesy of Park Circus/Paramount
Carlo Lizzani
Italia
99 min.
Itxuraz, Cavallero enpresaburu errespetagarri, katoliko eta kontserbadorea da. Alabaina, lapur-banda batean dihardu hiru lagunekin batera. Banku-lapurretak egiten dituzte laurok Italiako hainbat hiritan. Milango azpimundu kriminalaren ikerketa bat, Cavalleroren taldeak 60ko hamarkadaren bigarren erdian gauzatutako lapurreta eta hilketetan oinarritua.
Courtesy of MOVIETIME
© Courtesy of MOVIETIME
Damiano Damiani
Italia - Frantzia
109 min.
Siziliako mafia nagusi da eraikuntzaren negozioan, eta bere boterea gauzatu eta mantentzeko mekanismo indartsuak ditu. Sindikalista bat erail dute eta gizon bat desagertu egin da. Poliziak desagertuaren emaztea ikertzen duen bitartean, susmagarriena mafioso garrantzitsu bat da, baina goi-mailako pertsonek sistematikoki oztopatzen dute poliziaren lana.
Investigation Of A Citizen Above Suspicion © 1970, 1996, 1998 Columbia Pictures Industries, Inc. All Rights Reserved.
© Investigation Of A Citizen Above Suspicion © 1970, 1996, 1998 Columbia Pictures Industries, Inc. All Rights Reserved.
Elio Petri
Frantzia - Italia
118 min.
Homizidio-brigadako buruak −Gian Maria Volonté ikonikoak hezurmamituak− maitalea erail du, baina bere buruaren aurkako frogak jartzen ditu agerian, ezin baitu jasan ezarritako ordena ez errespetatzea eta errudunak zigorrik gabe geratzea. Botere politiko eta polizialetako goi-mailaren analisi xehetua, Elio Petri zuzendaria goratu zuena.
Fernando Di Leo
Italia
102 min.
Amerikarraren gaizkile-taldeak desagertutako 300.000 dolar berreskuratu nahi ditu. Ugo Piazza da denentzat susmagarria, zenbait urtez kartzelara kondenatu zuten gizon bat. Aske geratu ondoren, sikario amerikar bat zain du dirua non dagoen argitzeko. Quentin Tarantinoren hitz beroetan, historiako thriller italiar onena.
Steno (Stefano Vanzina)
Italia - Frantzia
98 min.
Talde antolatu batek epaitu ezin izan ziren gaizkileak hiltzen ditu eta Bertone komisarioari dagokio mendekatzaile talde hori aurkitzea. Justiziaren konbentzio eta mugei buruzko azterketa egokia, Hollywooden filmatuta egonik gai horri heltzen dioten hainbat pelikularen aldi berean sortua. Zuzendari onenaren Zilarrezko Maskorra Donostian 1972an.
Sergio Sollima
Italia - Alemania
109 min.
Oliver Reed homerikoak gorpuztutako espetxe-funtzionarioaren emaztea bahitu egin dute. Preso bat −Fabio Testik antzeztua− aske uzten ez badute, exekutatu egingo dute emakumea. Alabaina, funtzionarioaren eta presoaren artean aliantza bat sortuko da azkenik, presoak ondo baitaki antzinako bandak garbitu egingu duela. Poliziesco generoko filma, Ennio Morriconeren musikarekin. Sitgeseko zinema-jaialdiarekin elkarlanean programatua.
History and Art Collection / Alamy Stock Photo
© History and Art Collection / Alamy Stock Photo
Umberto Lenzi
Italia
99 min.
Italiako polizia-film bortitzentzat hartutako lan honetako protagonista gaizkile sadiko eta gaizbera bat da: edonor hiltzen du nahi duena lortzeko. Funtsezko titulua Tomas Milianek generoan izandako ibilbidea. Henry Silvak −genero honetako filmetan maiz hiltzaile-rola duenak−, polizia-komisarioaren papera egiten du. Ingelesezko izenburua sendoa da pertsonaia nagusiari dagokionez: Almost Human (Ia Gizakia).
Illustrious Corpses © 1976 Metro-Goldwyn-Mayer Studios Inc. All Rights Reserved.
© Illustrious Corpses © 1976 Metro-Goldwyn-Mayer Studios Inc. All Rights Reserved.
Francesco Rosi
Italia - Frantzia
115 min.
Italiako hegoaldeko eskualde batean, hiltzaile batek hainbat magistratu hil ditu. Kasuaren ardura duen inspektoreak ikertu eta jada pozoitze-kasu batengatik kondenatua izan zen farmazialari baten aztarnei jarraituko die. Francesco Rosiren thriller politiko ereduzkoetako bat, Leonardo Sciasciaren eleberri batean oinarritua eta polar frantseseko izarretako bat duena protagonista, Lino Ventura.
Umberto Lenzi
Italia
94 min.
Erromako polizia-komisario batek kartzelatik ihes egiten ikusiko ditu atxilotutako gaizkile batzuk, hainbat trikimailu legaletan babestuta. Gizonarentzat, irtenbide bakarra aingeru sarraskitzaile bihurtzea da. Filmak generoko lau pisu astun biltzen ditu (Tomas Milian eta Maurizio Merli aktoreak, Umberto Lenzi zuzendaria eta Dardano Sacchetti gidoigilea) eta elkarrizketa tematikoan dihardu zikloko beste obra batekin: La polizia ringrazia.
MERCURY FILMS. Todos los derechos reservados.
© MERCURY FILMS. Todos los derechos reservados.
Pasquale Squitieri
Italia
110 min.
1925ean, Mussolinik Cesare Mori bidali zuen Siziliara poliziaren prefektu-kargurako. Mafia suntsitzeko eginkizuna eman zion. Erregimen faxista kezkatuta zegoenez mafiaren botere eta eraginagatik, hurrengo lau urteak historiko bihurtu ziren, Burdinazko Prefektuaren garai gisa: gizonak bi mila mafioso baino gehiago atxilotu eta kondenatu zituen. Siziliako mafiaren aurkako borrokaren benetako kasu batean oinarritua.
Giuseppe Ferrara
Italia
113 min.
Democrazia Cristiana alderdiko presidente Aldo Mororen bahiketa eta hilketa −1978ko martxoan gertatua, Brigada Gorrien eskutik− berregiten duen filma; Gian Maria Volonték egiten du Enrico Berlinguer buru zuen fakzio komunistarekin aliantza bat ezartzen saiatu zen politikariaren rola.
Stefano D’Amadio
© Stefano D’Amadio
Marco Bellocchio
Italia
106 min.
70eko hamarkadaren amaieran, Chiara gazte grinatsu, utopiko eta iraultzaileak ezkutuan darama bere benetako nortasuna: Italiako Brigada Gorrietako kide da. Begi hutsez, mutil-lagunarekin pisu berri batera bizitzera doan neska arrunt bat da, baina bere lagun Enzo susmatzen hasiko da Chiara ez ote den beste zerbait. Marco Bellocchiok Italiako ehun politiko eta kriminalean egindako sarraldi nabarmenetako bat.
KARMA FILMS
© KARMA FILMS
Matteo Garrone
Italia
125 min.
Napoli eta Caserta probintzietako biztanleek mafiak ezarritako arauak bete behar dituzte. Bost istorio nahasten dira agertoki bortitz honetan; gezurrezkoa dirudien mundu erreal eta krudel batean girotua. Roberto Savianoren izen bereko eleberrian funtsatua, Camorra napolitarraren kontakizun garratz honek Epaimahaiaren Sari Nagusia lortu zuen 2008ko Cannesko zinema-jaialdian. Zuzendariaren mozketa berria, 4K formatuan birmasterizatua.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.