Younusek ez du sekula amore ematen! Aitaren irudi arraro baina ezagunaren lilura benetako intimitaterako irrika hazkorrarekin nahasten zaio. Younus joko arriskutsu batean ari da, kontu handiz mugak proban jarri eta hedatuko baititu. Azkenik, tentsioa askatzen denean, harreman hauskor horren erro sakonenak zalantzan jarriko ditu mutikoak.

Geneva, gauez. Guardiek hiria patruilatzen dute eta soldaduak trebatu egiten dira. Sony segurtasun-zaindaria da. Ana, berriz, harreragilea banku batean. Inguruan, hiria malenkonian murgilduta dago bi izarrek topo egiten dutenean.

Korsikako herri bateko biztanleak sute erraldoi baten lekuko izan ziren. Oroitzapen batek biztanle horien bizitza zeharo aldatu eta aztarnak utzi zituen gertaera horrekiko interesa piztu zion zuzendariari.

Suntsitzen ari diren hiri batean, Feng Hao izeneko gazte batek Jian aurkitu nahi du, zor dion dirua eskatzeko, bere neskalagunaren abortua ordaindu nahi baitu.

Urtebete igaro da Ainhoaren aita hil zenetik. Harrez geroztik, aitarekin bizi zireneko baserrian bizi dira ama-alabak. Ainhoak hortik joan nahiko du, lekuak aita gogorarazten baitio. Amak, ordea, alaba berarekin geratzea nahiko du. Baserriko behi baten heriotza aitzakiatzat hartuta, Ainhoari hirira joatea galarazten saiatuko da ama.

Uda amaierako gau epel baterantz abiatzen den hiriko jendea. Liburutegi batean gertatutako begiradak. Entrenatzen ari diren bitartean maitasuna non eros ote daitekeen eztabaidatzen ari diren bi gizon. Bikote bat elkarri musu intimo bat ematen. Emakumeak hozka egiten dio gizonari. Bikote bat erosi bezain laster, eskaintza hobea jasotzen du gizonak. Zalantzak sortzen dira.

Erostari profesional baten semeak aitak zuen lanaren ardura hartuko du. Nahastuta, ez du negar gehiago egin nahi, baina ez daki beste ezer egiten. Laster, bidaia bati ekingo dio Kwa-Zulu Natal probintziako paisaia menditsu zabalean zehar, bere lekua aurkitzen saiatzen den bitartean.

Gauez eta egunaren iluntasunean, prismatikoak eta koadernoak daramatzan esploratzaile batek Borneoko oihana zeharkatzen du orangutanen bila. Behatu, aztertu eta marraztu egiten ditu.

Aitaren deshobiratzea filmatu ondoren, Juanek bideo batzuk aurkituko ditu, aita maisu eta sindikalista zenean egin ohi zituen ibilbideetan grabatuak. Juanek haren jaioterria zeharkatuko du aurkitutako irudiei jarraituz, Kolonbiako indarkeria-garaietako batean erail zuten aitaren oroitzapenen bila.

Baso bat berriz hasten da. Herri batek inoiz ikusi ez zuen paisaia bat gogoratzen du. Lur lehorra astintzen duten eskuak, aitzurrak eta botak, Ullan noizbait bizi ziren zuhaitzak azalera ateratzeko. Hemen sortzen da ibaia etengabe, eta jada ahantzitako hizkuntza bat xuxurlatzen du. Baso bihurtzen denean, nor biziko da leku honetan? Baso bat landatu al daiteke? Inork ahoskatuko al du bere izena? Non hasten da herri bat?

Artxiboetako dokumentu, irudi eta soinuen bilduma, iragana orainarekin lotzeko, lurraren eta uraren alde borrokatzeko Guapiaçu bailararen inguruko eskualdean, Brasilen.

Dolores emakume sendo eta bakartia da, bere ama ero eta gaixoa zaintzera baztertua. Txakur zauritu bat zerutik bere etxeko zabaltzara erortzen denean, bat-batean aterako da protagonista bere ohiko bizitzatik. Adiskide berri horrekin, Doloresek bere monotoniari irtenbide bat aurkitu eta bere alde basatia onartuko du.

Emakume gazte bati ama hil zaio. Bizitzak aurrera jarraitzen du, galera izugarria bada ere. Oinazetik aldendu nahian, ilargira doa hegan. Etxera itzultzean, ezusteko bat izango du zain.