Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
66. Donostia Zinemaldiko Sail Ofizialeko epaimahaiburu Alexander Payneren eskola magistrala izan zuten atzo Nest Film Students egitasmoan parte hartzen ari diren zinemaikasle gazteek. Gorka Cornejok egin zituen moderatzaile lanak eta, haren galderei erantzunez, zinemagintzan jorratu duen ibilbidea aletu zuen estatubatuar zinemagileak.
Gaztetatik bere ametsik handiena zinemaeskola batean sartzea zela aitortu zuen Paynek: “ez nekien zer geratuko zen, filmak ikusteko sentitzen nuen maitasuna zinema egiteko pasioan eraldatuko al zen ikusi nahi nuen”. Pixkanaka, zinema egiteko nahikoa talentu bazuela erakutsi zion eskolako ibilerak, eta honenbestez, komediak egingo zituela erabaki zuen, gutxiengo batek bezala. Hastapenetik bertatik, Paynek argi zeukan ez zuela zinemagintzaren arlo bakar batean espezializatu nahi. “Ez nekien zuzendaria, teknikaria, gidoilaria edo zer izan nahi nuen etorkizunean. Horregatik denetik ikasi eta arlo bakoitzean gutxieneko entrenamendu bat nahi nuen”, azaldu zuen Tabakalerako zinemaaretoa betetzen zuen entzuleriaren aurrean.
Bere gaur egungo jardunari buruz galdetuta, filmetan errealitatearen zentzua mantendu nahi duela azaldu zuen: “zineman dena artifiziala da baina nik benetako errealitatearen testura hori lortu nahi dut, ez film batena”. Eta helburu horren atzetik ez omen du inprobisaziorako tarterik uzten. “Ederra litzateke Cassavetes edo Rohmer bezalakoa izatea eta lan egiteko modu inprobisatzailea edukitzea, baina nik ez dut horrelakorik egiten”, adierazi zuen Paynek.
Bizitzari aplikatu ohi zaion “izaera patua da” esamoldea zineman ere egia izan ohi dela aipatu zuen Nebraska eta Sideways filmeen zuzendariak, atzoko klase magistralean. “Ezin ditut gaia eta pertsonaia bereizi”, azaldu du, “nik pertsonaiarekin bidaia hori egin nahi dut, irekita mantendu”.
I.E.
Astelehenetik ostiralera: 09:00 - 14:00 | 16:00 - 19:00.