72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Zinema Eraikitzen
Filmak
Filmak
María Victoria Menis
Argentina
82 min.
Argentinako herri bateko auzo txiro xume batean, Felix, 21 urteko kaleko xixkalari bakarti eta arloteak Chango bahitu du, urte eta erdiko haur bat eta ihesean berarekin eramaten du. Benetako istorio batean oinarrituta dagoen film hau gurasoen eginkizun eta anai-arreben arteko maitasunari buruzko hausnarketa da.
Esteban Menis
Argentina
70 min.
El transcurso de las cosas filmak Gonzalo, gaur egungo Argentinako gazte baten istorioa kontatzen digu, nerabezaroa utzi eta heldutasunean murgiltzen deneko garaia. Bere burua aurkitze bidean zailtasunei, beldurrei, frustrazioei aurre egin beharko diela esan nahi du, eta baita etxean zeukan mundu ziurra alde batera uztea.
Víctor Dinenzon
Argentina
100 min.
60 urte bete dituenean, Aldo, ardo saltzaile jasankorra, bizitza oharkabean joan zaiola eta egin duen guztia hutsean geratu dela konturatuko da. Sentimendu horrek bere burua bilatzera eta beti atzeratu izan dituen gauza txiki horiek egitera bultzatuko du, bizitzarekin adiskidetzera eta bere sentimenduak bere inguruko pertsonekin konpartitzera.
Ciro Guerra
Kolonbia
100 min.
Mañek egoera ekonomiko zaila bizi du. Hanka bat galdu du eta horregatik ezin du enplegurik lortu, ezin du errenta ordaindu eta bere lagun hurkoen iseka eta mesprezuei aurre egin beharko die. Kalean hala moduz irauten saiatuko da eta bertan ezohiko pertsonaia bat ezagutuko du, Bogotako erdigunean 500 pesoren truke jendea bizkarrean eramatea ogibide duen gizona. ?Silletero? bat. Elkarri laguntzeko aukera dutenez, euren artean adiskidetasun bitxi bat sortuko da eta honek bizitza samurragoa egin eta libre izateko egokiera eskainiko die. Baina biek iragan bera dute, betidanik kolonbiarrek izandako indarkeriazko iragana. Iragan horrek uztartu eta bereiztu egiten ditu aldi berean, den-dena, berriro hastearen esperantza izan ezik, galdu duten izaki gisa aurkeztuz.
Enrique Gabriel
Espainia-Argentina
Argazkinobelen aldizkaritxo bateko horoskopoa irakurtzen du ekonomia munduko marrazo gazte batek. Aldizkariaren igarpen ahalmenaz harrituta, hurrengo hilabeteko horoskopoa ezagutu nahi du nahi eta nahiez. Aldizkaria hiru agure xelebrek egiten dute, ideal zaharren borrokalari erromantikoak. Bere horoskopoa lortzeko asmoz, enpresariak bere benetako nortasuna ezkutatzen die eta bere burua argazki-nobeletako aktore gisa aurkezten du. Baina Fraty, agure horietako baten hiru alabetako gazteena, azaltzean gauzak trabatuko dira.
Diego de la Texera
Brasil
110 min.
Brasilia-Fortaleza errepideko lanak egiten ari den taldearen abangoardia osatzen duten hirurogeita hamar gizonak Bahiako sertao-aren erdian abandonatzen dituzte 1964ko apirilan, Joao Goularten gobernu aurrerakoia boteretik kentzen duen militar kolpeak eztanda egiten duenean. Hala ere, gaitzerdi, une horretan eurekin hamahiru prostituta baitzeuden. Bizirik irauteko, elkarte utopiko bat antolatuko dute elkarrekin -langileak eta prostitutak-, prostituziorik gabe, adarrik jarri gabe eta esplotaziorik gabe. Harmonia osoan biziko dira, harik eta misterioz beteriko zerutik beraientzat guztiz arrotzak diren bisitari batzuk agertzen diren arte.
Santiago Palavecino
Argentina
80 min.
Sebastian Pagani, zine-zuzendari gazte bat, Chacabucora itzultzen da, bere jaioterrira, kanpoan luze ibili ondoren. Bertan bere lehen film luzea filmatzeko asmotan dabil, Haroldo Contiren ipuin batean oinarriturik, bere jaioterri bereko idazlea, diktadurak erail zuena. Jatorrizko asmo hau bere iragana bortizki berragertzean aldatu beharko du ordea: gaztaroko lagun batek bere buruaz beste egin du oso egoera misteriotsuan. Bere filmerako beharrezko artisau-lan bat ikasten diharduela, Paganik heriotz horri buruzko xehetasun gehiago jakiten du, galderak ugaritzen dituztenak. Apurka, bere proiektuan interesa galduz doa, gero eta gehiago suizidaren azken egunei buruzko ikerketan murgiltzeko. Bukaera aldera, ustekabean bi kezkek bat egingo dute.
Fernán Rudnik
Argentina
65 min.
Herri bakarti bat itsasoaren ondoan. Herriko alkateak eskualdean agintzen du duela hogeita hamar urtetik hona. Maria honen neska-lagun gazteak postan egiten du lan. Toni marinela herrira heltzen da eskualdeko egoerari buruzko txostenak egiteko betekizunaz. Hirurak elkarrekin lasai antzean bizi dira. Egun batez, inbertitzaile batzuk iritsiko dira herrira aurrerapena ekartzeko asmoz. Alkateak aurka egingo die. Hiriburutik elikadura bidalketak eta irrati bidezko komunikazioak etengo dituzte, herria gose eta bakardadean isolatuz. Eutsi egingo dute. Desagertu nahi ez duen herri baten istorioa da.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.