Donostia Zinemaldiaren 72. edizioko Sail Ofizialeko epaimahaiburua Jaione Camborda donostiarra izango da, iazko Urrezko Maskorraren irabazlea. O Corno / The Rye Horn filmaren egileak, sari hori eskuratu duen Espainiako lehen zinemagileak, honako hauek izango ditu lagun eztabaidetan: Leila Guerriero idazle eta kazetari argentinarra, aurten La llamada liburua argitaratu duena; Fran Kranz aktorea, zuzendaritzan egindako lehen esperientziarekin, Mass filmarekin, 2021ean Donostiako Gazteriaren Saria irabazi zuena; Christos Nikou zuzendari greziarra, Apples eta Fingernails (Sail Ofiziala, FIPRESCI saria, 2023) zuzendu zituena; Ulrich Seidl zinemagile austriarra, Berlin eta Veneziako zinema-jaialdietan saritua, 2022ko Sail Ofizialean Sparta aurkeztu zuena, eta Carole Scotta ekoizle frantziarra, Haut et Court-en sortzailea, Laurent Cantet-en Entre les murs / The Class, eta Dóminik Moll-en La nuit du 12 / The Night of the 12th filmak bultzatu dituena, beste askoren artean.

• Jaione Camborda, zuzendaria, Espainia, (epaimahaiburua)
• Leila Guerriero, idazle eta kazetaria, Argentina
• Fran Kranz, aktore eta zuzendaria, AEB
• Christos Nikou, zinemagilea, Grezia
• Carole Scotta, ekoizlea, Frantzia
• Ulrich Seidl, zuzendaria, Austria

• Philippe Bober, ekoizle eta banatzailea, Frantzia (epaimahaiburua)
• Eduardo Crespo, zuzendari eta programatzailea, Argentina
• Jessica Kiang, kritikari eta programatzailea, Irlanda
• Izibene Oñederra, zinemagilea, Espainia
• Aulona Selmani, directora, Suiza

• Fernando Juan Lima, zinema-kritikaria, Argentina (epaimahaiburua)
• Pedro Hernández Santos, ekoizlea, Espainia
• Valentina Maurel, zuzendaria, Costa Rica

• Emilie Bujès, Visions du Réel zinema-jaialdiaren zuzendaria, Suitza (epaimahaiburua)
• Santiago Loza, zinemagilea, Argentina
• Hrönn Kristinsdóttir, ekoizlea, Islandia

• Albertina Carri, zinemagilea, Argentina

• Itziar Lazkano, aktorea (epaimahaiburua)
• Joseba Lopezortega, ZINEBIren zuzendaria
• Izaskun Rodríguez, kazetaria

• Irene Escolar, aktorea (epaimahaiburua)
• Javier Suárez, kritikari gastronomikoa
• Luis Suárez de Lezo, Real Academia de Gastronomía erakundeko presidentea

• Fredéric Boyer, Tribeca eta Les Arcs zinema-jaialdietako zuzendari artistikoa eta Reykjavikeko zinema-jaialdiko programazio arduraduna (epaimahaiburua)
• Nagore García, HAZIko Komunikazio arloko langilea
• Roberto Ruiz, sukaldaria

• Emma Suárez, aktorea (epaimahaiburua)
• Maria Núñez, Loterias erakundeko komunikazio arduraduna
• Jose Luis Rebordinos, Donostia Zinemaldiaren zuzendaria

• Isona Admetlla, kultura-kudeatzailea, Espainia
• Flor Schapiro, komisarioa, Argentina

Elkarrizketa Andrew Garfield, John Crowley eta Nick Paynerekin

Donostia Zinemaldiaren 72. edizioko Hizketaldiek azken solasaldia izango dute, We Live in Time amaiera filmeko lantaldearen eskutik: John Crowley zuzendaria, Nick Payne gidoilaria eta Andrew Garfield aktore protagonista. Solasaldia hilaren 27an, ostiralean, izango da, 12:00etan, Tabakalerako zinema aretoan. Solasaldietarako doako gonbidapenak Zinemaldiaren webgunean, Zinemaldi Plazako leihatiletan eta Tabakalerako leihatilan egongo dira eskuragarri, saioaren bezperan. Akreditatutako pertsonak sarrerak erreserbatzeko online sistemaren bidez sar daitezke. Saio hau aurtengo edizioko hizketaldien egitarau zabalari batu da, Sean Baker, Leos Carax, Laura Carreira edo Jane Schoenbrun bezalako zinemagileen sormen prozesuetan sakonduko duena.