Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Miren Arzallus Loroño (Bilbo) Deustuko Unibertsitateko Historia lizentziaduna da; Politika Konparatuko masterra atera zuen London School of Economics eskolan eta Artearen Historiako masterra, Jantziaren Historian espezializatua, Courtauld Arte Institutuan. Britainia Handiko hainbat museo igaro ondoren –adibidez, Victoria & Albert Museum eta Kensington Palace–, Cristóbal Balenciaga Fundazioko bildumaren eta erakusketen arduraduna izan zen 2006tik 2013ra, eta aldi horretan argitaratu zuen Cristóbal Balenciaga. La forja del Maestro (1895-1936) liburua (Donostia-San Sebastián; Nerea, 2010). 2013tik 2017ra bitarte hainbat museorekin aritu zen lanean, komisario independente gisa, adibidez, Pariseko Palais Galliera edo Musée de l’histoire de l’immigration (Fashion Mix. Mode d’ici. Créateurs d’ailleurs; Paris, 2014ko abenduak 9 - 2015eko ekainak 28); Bilboko Arte Ederretako Museoa (Los años 50. La moda en Francia, 1947-1957; Bilbo, 2015eko martxoak 10 - abuztuak 31) eta Anbereseko MoMu (Game Changers. Reinventing the 20th Century Silhouette; Anberes, 2016ko martxoak 17 - abuztuak 14) museoekin. Horrez gain, Deustuko Unibertsitateko ikertzailea izan da eta bertan garatu du bere doktorego-tesia: Côte Basque: moda, ocio y performatividad (1855-1939). Gaur egun, munduan euskal kultura eta hizkuntza zabaltzen duen Etxepare Euskal Institutuaren zuzendaria da.
Astelehenetik ostiralera: 09:00 - 14:00 | 16:00 - 19:00.