Amorosa Soledad aurkeztu du­te Martín Carranza eta Victoria Galardi argentinarrek.“Komedia dramatikoa da; ikusleek barre egingo dute, baina ez gag-enga­tik, protagonistaren egoera patetikoarengatik baizik”, esan du Carranzak.“Filmak ez du,berez, berregarria izatea helburu. Protagonistari gertatzen ari zaiona erreala da, sufritzen ari da. Be-re arazoak nola bizi dituen bihur­tzen du barregarri”, gehitu du Galardik. Carranzarekin batera filma zuzentzeaz gain, gidoia ere idatzi du Galardik.

Senargaiak utzi duen nes­ka gazte bat da protagonista, Soledad. Porrot sentimental berri bat saihestu nahian, biz­pahiru urtez bakarrik egotea erabaki du. Alabaina, mutil bat ezagutu du eta harekiko harremana Soledadek espero ez bezala hasi da zertzen. Horre­tan ari dela, senargai ohiak dei­tu eta berriz elkarrekin hastea proposatu dio.

Soledad pertsonaia gaixotia da, hipokondriakoa. Gainera, gauzak ez zaizkio espero beza­la ateratzen, eta erabaki bat har­tu eta justu kontrakoa egiten du. Ez du ulertzen zer gertatzen ari zaion eta ez da batere ondo sen­titzen.“Alde horretatik, jende as­kok bere burua pertsonaiaren­gan islatuta ikus dezake”, na­barmendu du Carranzak.

“Hasiera-hasieratik garbi ikusi genuen psikoanalizatu ga­beko protagonista nahi genuela –adierazi du Galardik–. Argentinan oso ohikoa da psikoanali­sia, guk geuk terapia egiten du­gu, baina Soledad psikoanali­siaren makulurik gabe behar ge­nuen.

Psikoanalizatu gabeko ema­kumea dela hizkeran ere islatzen saiatu gara. Esaterako, tristura sentitzen duela dio; itolarria edo larrimina sentitzen duela esan izan balu, berriz, gertatzen ari zaiona ulertzen duela edo, behintzat, ulertzen saiatzen ari dela adieraziko luke”.

Protagonista nagusiaren ro­la Inés Efronek jokatu du. Amo­rosa Soledad ez da aktore ho­nek Zinemaldian aurkeztu duen film bakarra, Sail Ofizialeko El ni­do vacíon ere parte hartu baitu. “Sarri, film dramatikoetan ari­tzen naiz; Amorosa Soledad, be­rriz, komedia moduko bat da, eta aldatzea beti da atsegina –aitortu du aktoreak–. Zuzen­dariek zehatz-mehatz zer nahi zuten ulertzen saiatu naiz eta horren arabera landu dut per­tsonaia. Zorionez, horretarako nahikoa denbora izan dut, urte­bete-edo”.

Filmean parte hartzen duten gainerako aktoreak protagonis­ta nagusiarekin ahal bezain on­gi uztartze aldera, Efronek be­rak castingean lagundu die zu­zendariei. “Oso eskuzabal joka­tu du –aitortu du Galardik– eta bene-benetan eskerrak eman beharrean gaude”.

Zinemagintzan eskarmentu handia dute Carranzak eta Ga­lardik. Hala ere, Amorosa Sole­dad da zuzendu duten fikziozko lehen film luzea. Oraindik buka­tu gabe zegoela, Toulouseko Zi­nemaldian aurkeztu zuten, Zi­nema Eraikitzen atalean. Han hautatu zuten Donostiarako, eta hori akuilua izan da filma bukatzeko.
M.A.