72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Philippe Garrel Ezagutu
Filmak
Filmak
Philippe Garrel Ezagutu
Philippe Garrel Ezagutu
Philippe Garrel
Frantzia
15 min.
Film laburra
Pascal eta Christiane, bi nerabe, etxetik alde egin, automobil bat lapurtu eta hiriko aldirietako etxetzar bateraino heldu dira. Beren jolasak eta bakoitzak bere familian dituen arazoei buruzko hizketaldiak, beraien inguruko pertsonei egindako elkarrizketekin aldizkatzen dira, iheslari bien jarrera ulertzeko ahaleginean.
Philippe Garrel
Frantzia
15 min.
Film laburra
Ume bat bere amarekin bizi da, baina asteburu guztiak aitarekin eta honen oraingo amorantearekin igarotzen ditu, hura baino askoz gazteagoa den emakume batekin.
Philippe Garrel
Frantzia
80 min.
Bi bikote gaztek euren oheetan bakarrizketan dihardute, elkarri begiratu gabe, elkarri aditu gabe, grinarik gabeko hitzak errezitatuz, ia mekanikoki. Metafisikotik soziologikora, aipu filosofikotik bakardadeari buruzko gogoetara, egoera surreal eta loturarik gabeko adierazpenen bidez pertsonaien desilusioa eta zalantzak iragazten dira.
Philippe Garrel
Frantzia
62 min.
Bikote bat euren semearekin errepide, baso eta zelaietan barrena doa, itzal artegagarriz inguratuta. Batzuetan gogo gabe ibiltzen dira, batak besteari eutsiz, umeaz txandaka arduratuz, eta edonon gelditzen dira atseden hartzeko. Beste bikote batzuk mehatxu ikusezin batengandik etsi-etsian ihesi doaz.
Philippe Garrel
Frantzia
105 min.
Ama Birjinak Jesus heldu bat erditu du, hasiera-hasieratik Lurrean gogoz kontra dagoena eta bere kexei jaramon egin diezaien bere Aitari deiadar egiten diona. Asto baten gainean, Jesusek uste sendorik gabe ekin dio bere bideari, eta megafono batez baliatuta, bere mezua zabaltzen ahaleginduko da entzun ere egin nahi ez dion etsai-mundu batean.
Philippe Garrel
Frantzia
60 min.
Bikote bat basamortuan barrena dabil. Dirudienez neskak mutilari botatzen dio bere egoeraren errua eta arnasa hartu ezinik dagoela oihukatzen du. Hark entzungor egiten dio. Mutiko bat suzko zirkulu baten barruan gelditu den zaldizko bati so geratu zaio. Bilutsik dagoen arkulari bat bere ontzian hondatza batera heldu eta lurraldea esploratzen du. Bertan emakume bat eta ume bat topatuko ditu paraje izoztu baten erdian.
Philippe Garrel
Frantzia
80 min.
Hiru emakumeren aurpegiaren sakontasunera murgilaldia, ikuslearentzat beti ikusezinak diren estimuluei keinu bidez erantzuten dieten bitartean. Hauek barnetik sortuak, gogoeta nahiz emozioek piztutakoak, edo kanpokoak, enkoadraketaren kanpotik datozenak direla ere. Garrelek zorrotz erretratatu dituen hiru emakumezko aktoreen begietan tristezia, mina, amorrua, atsekabea, beldurra, etsipena eta malenkonia ageri dira.
Philippe Garrel
Frantzia
80 min.
Ilunkara dagoen gela batean, ohe gainean, beltzez jantzitako emakume bat zigarro bat erretzen dago, irakurtzen, altxa eta oinez egiten du, teklatu batean nota bakan batzuk jotzen ditu. Gizon bat, hau ere bakarrik, zutik dago, marmolezko zutabe baten kontra jarrita. Pintore batek bere mihiseetan lan egiten du. Garrelek loturarik gabeko pertsonaia hauen bakardadea biltzen du.
Philippe Garrel
Frantzia
95 min.
Jean-Baptiste zinemagilea Elierekin maitemindu da, alaba bat izan zuenetik honen aita berriz ikusi ez duen aktoresarekin. Elieren etengabeko joan-etorriak direla eta, amak ez du alabarekin denbora askorik pasatzen. Jean-Baptistek txikia ezagutzea onartuko du eta harremana finkatzen hasiko da, baina Elieren urrunaldiak eta drogekin dituen arazoak direla eta, klinika batean sartu beharko dute.
Philippe Garrel
Frantzia
80 min.
Paris, Aljeriako gerraren garaian. Jeanek eta Mouchek banantzea erabaki dute denbora luzez elkarrekin bizi ondoren. Bata bestea gabe egotearen oinazera moldatzen diren bitartean, bakoitzak bere aldetik, independentziaren alde kolaboratzen dihardu. OASek Mouche hiltzen duenean, Jean aljeriar jatorriko neska gazte batekin hasiko da harremanetan.
Philippe Garrel
Frantzia
130 min.
Christak abandonatu duelako lur jota, Jacquesek beste emakume bat ezagutzen du, Marie, eta honekin bizitzera doa. Pelikula beraren sormen prozesua ere jasotzen du, Philippe Garrel maiz enkoadraketan sartzen baita teknikariei argibideak emateko, euren pertsonaiak taxutzeko aktoreei laguntza emanez, edo bere bizitzaz gogoeta eginaz, harengan ohikoa denez, hauxe baita filmaren lehengaia.
Philippe Garrel
Frantzia
83 min.
Mathieu zine-zuzendaria bere bizitzan oinarritutako film bat prestatzen ari da, bertan berak bere burua antzeztuko duelarik. Bere emazte Jeanneren rolerako, berriz, emakumezko aktore bat kontratatu du, Minouchette, eta hau Jeanneri ez zaio batere gustatu, bera ere aktore baita. Zeloek eta bizitza pertsonala eta profesionala uztartzeko zailtasunek bikotearen haustura eragingo dute.
Philippe Garrel
Frantzia
98 min.
Gérardek eta Mariannek udako etxe bat beste lagun bikote batekin txandakatu ohi dute. Euren arteko sentimenduen tirabirek maitasunaren benetako izaeraz gogoeta egitera bultzatuko ditu. Gérardek Mariannekin seme-alaba bat eduki nahi luke, baina neskak aurreko harreman batean jada haur bat izan zuenez, nahiago du itxarotea. Egun batez Mariannek Gérard utziko du, eta hau beste emakume batekin ibiltzen hasiko da. Gerora Marianne itzuliko da eta biak elkarrekin bizitzen jarriko dira berriz ere, droga-zaletasunak baldintzaturik.
Philippe Garrel
Frantzia
94 min.
Paul bere emaztearekin bizi da, haurdun dagoen Fanchonekin, eta bere seme nerabearekin. Ulrika bere amoranteaz maiteminduta dago, eta harengatik bere familia ere utziko luke. Baina Ulrikak, iraganeko harreman mingarriek zaurituta, ez du Paul maite. Bere lagun Marcusentzat ere gauzak ez doaz batere ongi. Bere neska-lagunak utzi berri du, Erromara beste gizon batekin alde egin eta gero.
Philippe Garrel
Frantzia
87 min.
Elkarrekin bi seme-alaba izan ondoren, Annegandik banandu eta gero, Philippe pintoreak kalean Justine ezagutuko du, bera baino azkoz gazteagoa den emakumea, honekin harreman batean endredatuz. Philippek Justinek salbatu duela behin eta berriz dioen arren, neskak haren aurreko bizitzaren gogorapenarekin ezin duela lehiatu sentituko du eta haren emazte ohiaz eta seme-alabez gero eta jeloskorrago egongo da.
Philippe Garrel
Frantzia
95 min.
Bi gizon eta Porsche gorri bat. Paul Arte Ederretako ikasle gazte bat da bera baino askoz zaharragoa den emakume ezkondu batekin harreman bat duena. Serge eskarmentu handiko arkitektoari bost axola dio denak, 68ko maiatzeko gertakarietan gogotsu parte hartu eta bere emazteak bere buruaz beste egin eta gero. Autoz egindako hainbat bidaietan, biak elkarrekin hitz-aspertuan aritzen dira, bakoitzaren belaunaldien arteko ezberdintasunak agerian utziz.
Philippe Garrel
Frantzia
117 min.
François zine-zuzendari gazteak bere hurrengo proiektua, drogen aurkako Sauvage innocence pelikula, babestuko duen produktore bat aurkitzeko arazoak ditu. Azkenean filma finantzatzeko prest legokeen gizon bat aurkitzen duenean, honek ordainetan fabore bat eskatuko dio: Italiatik heroinaz betetako maleta bat ekartzea, pelikula filmatzeko beharrezko dirua honen salmentarekin lortuko delarik.
Philippe Garrel
Frantzia
178 min.
68ko maiatza. Benetako sesio batean liskartuta dabiltza polizia eta manifestari-taldeak kez eta sirena-hotsez beteriko Parisko kaleetan. François poeta gazte intsumisoak eta bere lagunak matxinadan gogotsu parte hartzen dute, iraultza gerta litekeela sinetsita baitaude. Istiluen ondoren, sistema aldatzeko zituzten itxaropenak ahituz doaz, opioak leundutako desilusiozko sasoi batean murgilduko direlarik.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.