Zinema Eskolen Nazioarteko Topaketak bosgarren urtez egingo dira Donostiako Nazioarteko Zinemaldian, esperientzien eta ikus-entzunezko materialen inguruko ikasketen elkartruke dinamiko gisa.

Madril, Bartzelona, Andoain, Zaragoza eta Valentzia, Frantzia (Paris, Toulouse), Alemania, Italia, Argentina, Brasil eta Mexikotik etorriak… Guztira, 18 eskoletako ordezkariak izango ditugu.

Topaketak era askotako ekimen pedagogikoak babesten ditu, Atelier/Masterclass-eko lanen mundu mailako estreinaldiaren aurrerapen bat barne, ARTE katean emititu aurretik, edo baita Gibraltar itsasarteko alde bietan ondorioak dituen tarifar esperientzia hezigarri bat ere, Topaketak Made in Spain sailarekin kateatzea ahalbidetzen duena, Espainiako institutuetan dvd formatuan banatuko den emigrazioari buruzko “Pobladores” dokumentalaren bitartez.

Eta, lehenbizikoz, First Teameko presidente Assumpta Sernak gidatutako zineko eta antzezlaritzako ikasleen arteko eztabaida-saioa izango da, zinemaldiak gonbidatutako zenbait aktore bertan direla.
Zinemaren teknika eta lengoaia gertuagotik ezagutu nahi duten ikasleek euren prestakuntza-lanen laburpen bat aurkeztu ahal izango dute nazioarte mailan denik eta zinemaldirik garrantzitsuenetako batean. Lan hauek elkarren artean komentatu ahal izango dituzte ikasle nahiz zinemaldiko gonbidatuei zabaldutako saio bizitan, euren irakasleak bertan direla, eta hartara, hauek beren ikastetxeetako oinarri pedagogikoak azaldu ahal izango dituzte.

Zinemaldiak gainerako sailen pareko hautaketa-irizpideak ezarri dizkio Topaketa honi: bai Sales Officek baita Bideotekak ere ateak zabaltzen dizkiete eskolek proposatutako lanei, eta hautaturiko lanetako bat saritzeko berariazko epaimahai bat eratuko da, eskola parte-hartzaileetako ikasleek osatua eta aurten Eric Caravaca aktore eta zuzendari frantsesa epaimahaiburu izango duena. Epaimahaiak Panavision saria erabakiko du, lau asteko filmaketa baterako Sony Z1 HDV kamera batean, edo zuzendari sarituarentzat alokatutako Panavisioneko edozein materialerako 10.000 euroko kredituan datzana.


Hauetxek Zinema Eskolen V. Nazioarteko Topaketen eragingarrietako batzuk, irailaren 28an eta 29an Principe zinetokietan izango diren beste zenbait ezusteko tarteko.

Eta ondokoen laguntzarekin:

Donostia, 2006ko Iraila

Zinema eskolen V. Nazioarteko topaketako parte-hartzaile guztiak zoriondu nahi ditugu eta Donostiako Nazioarteko Zinemaldiaren eta bere antolatzaileen ekimen hau agurtzen dugu.

-ek oso arreta berezia jartzen du zinema eskoletan, hezkuntza programatan eta ikusleengan, pelikulen ekoizpengintza garrantzitsua den herrialde orotako irudigintzan lan egingo duten horiengan.

Profesionalek erabiltzen dituzten zine-kamerak ebolutiboak behar dute izan eta filmazioetan maiz muturrekoak izan ohi diren egoera desberdinetara egokitu behar izango dute.

Film bakoitza desberdina da eta bere berezitasunak dauzka.

Eta hori irudi-sortzaile guztiekin harreman estu eta etengabearen poderioz lortzen da.

Harreman hau ibilbide profesionalari ekiten zaion une berean hasi behar da.

Joera honi esker duela 50 urte baino lehenagotik enpresak bere kamera eta objetiboen kalitatea eta prestigio ezaguna erdietsi ditu, zinerik onenaren zerbitzura.

Bere lehenbiziko pelikula filmatu ahal izan aurretik, errealizadore bakoitzak bide luze eta zaila du aitzinetik.

Hori dela eta, gaur atsegin handiz sarituko dugu Topaketa honetako film onenaren errealizadorea, zineman bere lehen urratsak ematea erraztuko dion kamera-alokairu kreditu batez.

Aldez aurretik, gure zorionik beroenak.
Alain Coiffier
Président Panavision France

Tel.: +33 1 48 13 25 50
Fax: +33 1 48 13 25 51

EMGP – Bât 217
45, avenue Victor Hugo
93534 AUBERVILLIERS cedex