72 Donostia Zinemaldia - 2024ko irailak 20/28
71SSIFF - 2023ko irailak 22/30
Babesle
Ofiziala
Ofiziala
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Zinemaldien Gailurra
Filmak
Filmak
Zabaltegi Zinemaldien Gailurra
Zabaltegi Zinemaldien Gailurra
Ekachai Uekrongtham
Thailandia
118 min.
Parinya Charoenphol (Thailandian Nong Toom goitizen maitekorraz ezagunagoa) izeneko thailandiar boxeolari famatua izandako trabestiaren benetako istorioan oinarritu da Beautiful Boxer filma, honen haurtzaroa, nerabezaroa eta gaztaroa kontatuz. Txikitatik, Nong Toomek mutil baten gorputzan harrapatutako neska bat zela uste zuen eta Muay Thai-ko (kickboxing) maisu bat izatera iritsiko zela agindu zion bere buruari, thailandiar kirolik gizonezkoena eta hilgarriena berau, zeinean ukabilak eta hankak erabiltzen diren. Kirol hau ogibide hartu zuen, bere ametsik handiena gauzatu ahal izateko: emakumezko bihurtzea.
Juan Pablo Rebella, Pablo Stoll
Uruguai-Espainia
94 min.
Montevideo, Uruguai. Jacobo Köller galtzerdi-faktoria xume baten jabea da eta itxuraz ez dago besterik bere bizitza monotonoan. Marta da konfiantzazko bere enplegatua. Beren harremana ez doa sekula lanetik haruntzago eta isiltasuna eta ohikeria ditu ezaugarri. Monotonia hau atzerrian bizi den eta urteetan ikusi ez duen Herman, Jacoboren anaiaren ezusteko bisitaldiak mehatxatuko du. Whisky-ren hasieran, Jacobok Martari egoera berria eramangarriago egiteko laguntza eskatuko dio. Bada, absurdoaren eta malenkoniaren, egunerokoaren eta alegiazkoaren arteko kode batetik abiatuta, pelikula elkarren artean hain ezberdinak diren hiru pertsonaia hauen baldartasuna eta miseria txikiak zorroztasunez irudikatzen ahaleginduko da, gaitzondoak eta zakarkeriak disimulatzen saiatu ahala agerian jarriko direnak.
Agnès Jaoui
Frantzia
110 min.
Hau Lolita Cassarden istorioa da, munduarekin haserre dagoen neska gazte bat, aldizkarietan agertzen diren nesken antza ez duelako, eta polita izan nahiko lukeena, bere aitarentzat bederen, honek kasu gehixeago egin diezaion. Etienne Cassarden istorioa ere bada, jendearengan arreta jartzen ez duen gizonarena, zeinak bere buruari begira denbora gehiegi igarotzen duen, zahartzen ari dela konturatu baita, maitatua ez izatea zer den bai baitaki eta dagoen lekura iristeko gogor borrokatu behar izan baitu. Idazle baten istorioa da, Pierre Millerrena, ospetsu izatera iristeko gaitasunik ez duela uste duenarena, harik eta Etienne Cassard ezagutu eta bere ametsa erdietsiko duen arte. Kantu-irakasle baten istorioa ere bada, Sylvia Millerrena, bere senarrarengan eta honen talentuan sinesten duena, baina bereaz eta Lolita bere ikaslearenaz zalantza egiten duena, harik eta egun batez berak hainbeste miresten duen Etienne Cassarden alaba, Lolita dela jakiten duen arte. Beste baten lekuan zer egingo luketen oso ongi dakiten gizaki batzuren istorioa da, baina beraiei egokitzen zaienean oso ondo moldatzen ez direnena.
Hubert Sauper
107 min.
Darwin?s Nightmare Ipar eta Hegoko gizakiei buruzko istorio bat da, globalizazioari eta arrainei buruzkoa. 60ko hamarkadan, zientzia-esperimentu modura, Victoria Lakuan arrain mota berri bat sartu zen. Honen ondorioz, Niloko perkak bertako espezie gehienak ia desagertarazi zituen; hain azkar ugaldu zen, ezen, gaur egun, bere haragia mundu guztira zabaldu den. Sobietarrak izandako zama-hegazkin eskergak egunero iristen dira afrikar kontinentea suntsitzen ari diren gerra ugarietarako kalashnikovak eta munizioak harrapaketa berrien truke aldatzera. Gorantza doan elikagai eta armen industria multinazional honek munduko laku tropikal handienaren kostaldeetan aliantza orokor izugarri bat sortarazi du: arrantzale gazteen armada bat, enpresari indiarrak, ministro afrikarrak, EBko komisarioak, pilotu errusiarrak eta Tanzaniako prostitutak.
Walter Salles
AEB-Frantzia-Argentina-Britainia Handia
126 min.
1952an, bi gazte argentinar, Ernesto Guevara eta Alberto Granado, errepideetan barrena bidaian abiatuko dira benetako Latinoamerika ezagutzeko asmoz. Ernesto 23 urteko Medikuntza ikasle gazte bat da, legenar gaixotasunean espezializatua. Alberto 29 urteko biokimikaria da. Pelikulak latinoamerikar kontinenteko giza eta gizarte-topografia aberats eta konplexuaren aurkikunde-bidaian bi gazteen nondik norakoak jarraituko ditu. Alberto Granadoren eta ?El Che? izango zen gizonaren egunkarietan oinarrituz, Diarios de motocicleta pelikula bera aurkikuntza-bidaia da, nork bere buruarena, zeinean bihotz iraultzaile baten jatorria zirriborratzen hasia den.
Claude Chabrol
Frantzia-Alemania
110 min.
Philippe 25 urteko gazte atsegin eta itxura onekoa da, bere ama eta bi arrebekin bizitegi-auzo batean bizi eta eraikitzaile batentzat lanean hasi berri dena. Bere arrebetako baten ezteietan, haren ohorezko dama miresgarriarekin, Sentarekin, leloturik geratu da. Bat-bateko maitemina izan da. Baina Sentak ez du beste pertsonen moduan maitatzen. Bere grinak Philippe endredatu eta irentsiko du: une jakin batean, bere amodioaren froga moduan, bakoitzak erabat ezezagun duen norbait hil beharko duela esango dio...
Joshua Marston
AEB-Kolonbia
110 min.
María llena eres de gracia, bere jaioterritik alde egin eta bere bizitza aldatu nahian etorkizun ezezagun baten bila abiatuko den 17 urteko kolonbiar neska bati buruzko Joshua Marstonen opera prima da. Filmak ustekabeko bidaian garamatza heroisa bihurri, ausart eta bizitasunez beteriko honen eskutik. Bere ekintzek bizimodu berri batera daramate, zeinean gaitzesten dituen gauzak baino gehiago bere nahiak nagusi diren. Atalasean etenaldi bat eginez, Mariak bere adore eta graziarekin aurrera egitea erabakiko du. María llena eres de gracia ez da benetako istorioa. Halere, egunero gertatzen den istorio horietako bat da.
Sembene Ousmane
120 min.
Klitoriaren eszisio errituala jasan zuen Collé Ardok, bere alaba bakarra trantze horretatik libratzea eta sexu-mozketatik salbatzea lortuko du. Garbikunde erritua zazpi urtean behin ospatzen da, bertan herriko neska gazteek klitoriaren eszisioa jasan behar dutelarik. Zeremonia berriaren unea iristen denean, ebaketa hori ez pairatzeko lau neskek herritik ihes egin, eta Colléren babesa bilatuko dute. Herria gatazka bizian dago halako egoeraren aurrean, bi motako balioak kontrajartzen baitira: ?moolaadéa?, asilo-eskubidea, ?salindearen? aurka, eszisioaren usadioaren aurka.
Patricio Guzmán
Frantzia-Espainia-Belgika-Alemania-Mexiko
100 min.
Nigan arrasto sakona utzi zuen Salvador Allendek. Ez nintzateke naizena izango hark sasoi hartan nire herrian ahoz aho zebilen mundu bidezko eta libreago baten utopia haragitu izan ez balu. Ni han nengoen, aktore eta zinegile. Gogoan dut 1973ko irailaren 11 hura, Txilen, nire urrutiko herrialdean, gailentzen ari zen iraultza bakezale eta demokratikoa zapaltzeko Estatu Batuek estatu-kolpea babestu eta sustatu zuteneko egun goibela. Eta hori lortzeko Errepublikako Presidente Salvador Allende asasinatu zuten, Richard Nixonek ?p... seme? halakoa deitzen zuen gizon bera. Sekula ez dut ahaztuko segidan 17 urtez ezarri zen diktaduraren basakeria... Sufrimenduz, heriotzaz, atzerriratzeaz eta memoriaren suntsitzeaz beteriko urteak. Orain, Salvador Allende gogora ekartzeko garaia da, gizon aparta berau -iraultzailea eta bere burua hiltzeraino demokraziaren fanatiko-, arrazoi historikoengatik, bai, halaxe da, baina baita bere gaurkotasun krudelagatik ere... (Patricio Guzmán).
Zhang Yimou
119 min.
Txinan, 859. urtean gaude. Antzina loretan izandako Tang dinastia gainbeheran dago. Ezinegona nagusi da eta Gobernu ustelak erreboltari armada ezberdinen erasoei aurre egin beharko die. Denetan ugariena eta boteretsuena Sastakai Hegalarien Etxea da, buruzagi misteriotsu berri batek gobernatzen duena. Leo eta Jin bertako kapitainek buruzagi berri hau atzemateko plan bat prestatu dute. Jin kapitainak bere burua gerlari bakartitzat aurkeztu iraultzaile bat, Mei eder eta itsua, espetxetik libratuko du honen konfiantza bereganatu eta hau Sastakai Hegalarien Etxearen egoitza sekretura eramateko. Plana ondo aterako da baina, beren ezusterako, hain bidaia luzean Jin eta Mei biziki maiteminduko dira. Zein izango ote da zoritxarreko maitale hauen halabeharra? Euren maitasuna benetakoa bada, zergatik azpijokoan aritu eta euren bihotzetan sekretuak ezkutatu?
Morgan Spurlock
AEB
96 min.
Amerikar osasun sistemaren lehendabiziko arazoa bihurtu da obesitatea, tabakoaren aurretik. Bi neska gazte amerikarrek McDonald?s enpresaren aurka aurkeztutako demandak sorturiko gizarte-alarmaren aurrean, beren gizentasunari loturiko osasun-arazoen ardura multinazionalari egotziz, Morgan Spurlock, akuri bat bailitzan, esperimentu arriskutsu batean murgiltzen da: hilabetez McDonald?s batean bazkaldu, gosaldu eta afaltzea, dieta honek bere osasunari eragiten dizkion ondorioak ikusiz... baita bere pisuari ere!
Mike Leigh
Frantzia-Britainia Handia
124 min.
Londres, 1950. Vera Drake Stan bere senarrarekin eta Sid eta Ethel bere seme-alabekin bizi da: familia xumea baina zoriontsua da. Vera garbitzailea da; Stan bere anaiaren garajean mekanikari da; Ethelek bonbilla-faktoria batean lan egiten du eta Sid jostun-mutila da. Vera beti dabil jendeari laguntzen: gaixo dagoen bizilagun bati aldizka bisita egiten dio eta beste bat, Reg, etxera afaltzera ekartzen du honek behar adina jaten ez duela uste baitu; eta isil-gordeka, neska gazteei ere abortatzen laguntzen die, garai hartako Ingalaterran legez kontra zegoen praktika berau. Neska horietako bat larri ospitaleratzen dutenean, Poliziak honi galdeketa egingo dio eta Veraren etxera haren bila abiatuko dira, gainerako senitartekoen harridurarako, hain zuzen ere, Ethelen eta Regen arteko ezkon-hitza ospatzen ari baitziren.
Babesle Ofiziala 
Media Partner 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostegunera: 09:00 - 15:00.
Ostiraletan: 10:00 - 14:00
Astelehenetik ostegunera: 09:00 - 15:00.
Ostiraletan: 10:00 - 14:00
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.