Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Yorgos Lanthimosek zuzendutako Poor Things filmak FIPRESCI Sari Nagusia irabazi du, FIPRESCI Zinema Kritikarien Nazioarteko Federazioko kideek 2024ko pelikularik onen gisa hautatua izan ondoren. Bozketan mundu osoko 791 kritikarik hartu dute parte, eta ekoizpen britainiar hau aukeratu dute 2023ko uztailaren 1etik aurrera estreinatutako pelikula guztien artean.
Beste lau finalistak honako hauek izan dira: Radu Jade zuzendariaren Nu astepta prea mult de la sfârsitul lumii / Do not Expect Too Much from The End of the World, Aku Wa Sonzai Shinai / Evil Does Not Exist (Ryusuke Hamaguchi, Perlak, 2023), Andrew Haighen All of Us Strangers eta Mohamad Rasoulofen Daney anjir maabed / The Seed of the Sacred Fig (Perlak, 2024).
Poor Things 2023an estreinatu zen Veneziako zinema-jaialdian, eta film onenaren Urrezko Lehoia eskuratu zuen. Golardoa nazioarteko ibilbide bikain baten hasiera izan zen eta, besteak beste, bi Golden Globe, bost Bafta Sari, Oscar sarietarako hamaika izendapen eta lau sari jaso ditu (besteak beste, emakumezko aktore protagonista onenaren saria Emma Stone aktorearentzat).
FIPRESCI Sari Nagusia irailaren 20an banatuko da Donostia Zinemaldiaren 72. edizioaren inaugurazio-galan. Egun horretan bertan filmaren emanaldia programatuko da (ordu zehatza irailaren 9an iragarriko da).
Sortu zenetik (1999an) hainbat zinemagile handik jaso dute FIPRESCI Sari Nagusia, hala nola hauek: Maren Ade, Pedro Almodóvar, Paul Thomas Anderson, Alfonso Cuarón, Jean-Luc Godard, Ryusuke Hamaguchi, Michael Haneke, Aki Kaurismäki, Richard Linklater, Terrence Malick, George Miller, Cristian Mungiu eta Chloé Zhao.
Godwin Baxter doktore adimentsu eta ez oso ortodoxoak berpiztutako emakume gaztea da Bella Baxter. Doktorearen babesean, Bella ikasteko irrikaz dago, kanpoan esperientziak bizitzeko, eta horregatik, Duncan Wedderburn abokatu sofistikatu eta maltzurrarekin ihes egingo du kontinenteetan zeharreko abentura zorabiagarri batean. Bere garaiko aurreiritzietatik aske, Bellak irmo defendatuko du berdintasuna eta askapena. Alasdair Grayren izen bereko eleberrian oinarrituta dago filma.
Irudiak
Astelehenetik ostiralera: 09:00 - 14:00 | 16:00 - 19:00.