Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Zinema ikasleen film laburren nazioarteko lehiaketako hogeita hirugarren edizioa 2024ko irailaren 23tik 27ra bitartean egingo da
Film irabazlearen zuzendariak 10.000 euroko saria jasoko du.
Nest-ek, Donostia Zinemaldiaren Zinema ikasleen film laburren lehiaketa sailak, astelehenean (ekainaren 3an) irekiko du izena emateko epea. Donostia Zinemaldiak eta Tabakalera Kultura Garaikidearen Nazioarteko Zentroak antolatutako saila hogeita hirugarren ediziora iritsiko da (irailaren 23tik 27ra bitartean egingo dena) eta mundu osoko zinema-eskoletako ikasleen lanak ezagutaraztearen helburuari eutsiko dio. Hirurogei ikasle baino gehiago bilduko dira Donostian eta Nest-eko proiekzioetan eta hizketaldietan parte hartu ahal izango dute, eskola magistralak barne.
Iazko edizioan hamahiru film labur lehiatu ziren Nest sailean. Guztira, munduko 53 herrialdetako 209 eskolak bidalitako 421 lan aurkeztu ziren.
Zinema-eskola bakoitzak gehienez ere hiru film labur aurkez ditzake. Zinemaldia egin aurreko 12 hilabeteetan eginak izan behar dira aurkeztutako filmak eta horietatik hamabost inguru hautatuko dira Nest lehiaketan parte hartzeko. Epaimahai batek lan onenaren zuzendariari emango dio Nest Saria, 10.000 eurokoa.
Film laburren izena online eman ahal izango da, astelehenetik aurrera (ekainak 3). Araudia eta Nest lehiaketari buruzko informazio gehiago eskuragarri daude Zinemaldiaren webgune ofizialean. Film laburrak jasotzeko epea uztailaren 3an amaituko da.
Arautegia irakurtzeko eta proiektu bat inskribatzeko, klikatu hemen.
IZENA EMATEKO EPEMUGA: UZTAILAK 3
Elias Querejeta Zine Eskolako Celeste Rojas Múgica eta Louise Martin Papasian
ikasle ohiek egindako Nest saileko 22. edizioaren making of-a.
Donostia Zinemaldiko sail garrantzitsuenetako bat da Nest, talentu berriak sustatzeko estrategiari dagokionez. 2002an sortu zenetik, 1.000 ikasle inguru bildu ditu, industriako profesionalekin 90 eskola magistral eta hizketaldi hartu ditu (Céline Sciamma, Albertina Carri, Christian Petzold, Alexander Payne, Lila Avilés, Bertrand Bonello, Ruth Beckermann…) eta 370 film labur baino gehiago hautatu ditu. Nest sailak, guztia hasten den lekuak, zinemagile askoren lanak erakutsi ditu, besteak beste, Raven Jackson, Leonardo van Dijl, Jerónimo Quevedo, Kiro Russo, Oren Gerner, Isabel Lamberti, Léa Mysius, Laura Wandel eta Grigory Kolomytsev zuzendarienak; ondoren, horietako askok Donostia Zinemaldian eta beste hainbat nazioarteko lehiaketetan estreinatu dituzte hurrengo lanak.
Bideoak
Astelehenetik ostiralera: 09:00 - 14:00 | 16:00 - 19:00.