Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Ventana Sur azokaren hamargarren urteurrena dela eta, Donostia Zinemaldiak eta Ventana Sur-ek beste lankidetza proiektu bat abiarazi dute Europa-Latinoamerika Koprodukzio Foroaren markoan.
Ekimen berri horretan, Latinoamerikako fikziozko sei proiektu argitaragabek hartuko dute parte, Donostia Zinemaldiak eta Ventana Sur-ek elkarrekin hautatutakoak, eta dagokien ekoizleek Ventana Sur-ean aurkeztuko dituzte. Horiekin bat egingo dute «Forjando Alianzas» egitasmora gonbidatutako Europako ekoizleek.
Jarduera berrian, lehenik, industriako profesionalen aurrean proiektuen aurkezpena egingo da (pitching) eta, ondoren, proiektuen ordezkarien eta profesional parte-hartzaileen topaketa izango da.
Akordio berriarekin indartu egin da Ventana Sur-ekiko lankidetza. Zinemaren eta Ikus-entzunezko Arteen Argentinako Erakundeak (INCAA) eta Canneseko zinema-jaialdiko Marché du Film-ek bazkide estrategiko gisa Latinoamerikako eta Europako zinema-industriarako bultzatzen duten azoka da.
Donostia Zinemaldiko Europa-Latinoamerika Koprodukzio Foroa irailaren 23an, 24an, 25ean eta 26an izango da San Telmo museoan, garatzen ari diren Europako eta Latinoamerikako proiektuei zuzenduta.
Ventana Sur-en hurrengo edizioa abenduaren 10etik 14ra egingo dute.
Industria Saila ondorengoen babesarekin:
Astelehenetik ostegunera: 09:00 - 15:00.
Ostiraletan: 10:00 - 14:00