Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Europcarrek antolakundearen mugikortasuna bultzatuko du Zinemaldian, eta, horrela, Espainiako ikus-entzunezkoen industriarekin eta kulturarekin hartutako konpromisoa indartuko
Europcar izango da Donostia Zinemaldiaren 74. edizioko Made in Spain sailaren babesle berria. Auto eta furgoneten alokairuan lider den markak antolakundearen mugikortasuna bultzatuko du Zinemaldiak dirauen bitartean, eta horrenbestez, kulturarekiko, sorkuntza artistikoarekiko eta zinema espainiarrarekiko konpromisoa indartuko du herrialdeko jaialdi garrantzitsuenetako batean.
Made in Spain saila zinema espainiarraren erakusleiho handienetako bat izango da aurten ere. Izan ere, nola zuzendari ospetsuen hala talentu berrien film luzeen hautaketa zaindu bat aurkezten da bertan. Helburua zera da, zinema espainiarraren aberastasuna eta aniztasuna urtero Donostian bildu ohi diren banaketa-enpresa, programatzaile, prentsa espezializatu eta nazioarteko industriako profesionalei hurbiltzea.
Aliantza naturala
Babes hori beste urrats bat da Europcarrek aspalditik Espainiako ikus-entzunezkoen sektorearekin duen harreman estuan. Konpainiak zinema- eta ikus-entzunezko ekoizpen ugarirekin kolaboratu ohi du (izan ere, filmaketak egiteko ibilgailuz hornitzen ditu halakoak), eta industriaren mugikortasunari laguntzen dio.
Zinemaldia dela-eta, Europcarrek % 10eko deskontua eskainiko die ibilgailuen alokairuan lehiaketara bertaratzen diren guztiei. Promozioa hemen egongo da eskuragarri.
Europcarri buruz
Europcar Europako mugikortasun-konpainia nagusietako bat da, benetako erreferentea ibilgailuen alokairuko zerbitzuetan. Konpainiak mugikortasun-soluzioak eskaintzen dizkie partikularrei eta enpresei autoak eta ibilgailu komertzialak alokatzeko zerbitzu sorta zabal baten medioz, 130 herrialdetan baino gehiagotan presentzia duen nazioarteko sare zabal baten babesarekin.
Informazio gehiago: www.europcar.es
Astelehenetik ostiralera, 09:00etatik 15:30era