"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Rio de Janeiro, 1970eko hamarkadaren hasiera. Brasilek diktadura militar baten kontrol geroz eta gogorragoari aurre egin behar dio. Paiva familia aurkezten digu filmak: Rubens, Eunice eta euren bost seme-alabak. Hondartzaren ondoan bizi dira, alokatutako etxe batean, eta ateak beti zabalik dituzte lagunentzat. Elkarri dioten maitasuna eta umorea herrialdea itotzen duen zapalkuntzari aurre egiteko modu propio eta burutsua dira. Egun batean, ekintza bortitz eta eusazko bat jasango dute, bizitza betiko aldatuko diena. Horren ondoren, Eunicek bere burua berrasmatu eta etorkizun berri bat landu beharko du nola beretzat hala seme-alabentzat. Familia baten istorio hunkigarria, Marcelo Rubens Paivaren memorietan oinarritua, Brasilgo ezkutuko historiaren zati garrantzitsu bat berritzen lagundu zuena.