Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Sergio Oksman (São Paulo, Brasil. 1970) Madrilen bizi da 1998az geroztik, eta zuzendari, ekoizle eta irakasle gisa dihardu hiri horretan.
1999tik 2008ra Elías Querejeta ekoizlearekin lan egin zuen. Dokumental luzea ugari zuzendu ditu, besteak beste, honako hauek: A esteticista (2004), 2012ko Zinemaldian "4+1: Brasilgo Zinema Garaikidea" zikloan bildua; Goodbye, America (2006); O futebol (2015), Locarnoko jaialdian lehiatua; eta Querido Fotogramas (Made in Spain, 2018). Halaber, film labur hauek zuzendu ditu: Apuntes sobre el otro (2009); eta A Story for the Modlins (2012), dokumental labur onenaren Goya saria irabazi eta Europako Zinemaren Sarietarako hautagaia izan zena.
Bere filmek nazioarteko ehun sari baino gehiago jaso dituzte eta atzerabegirakoak ere izan dituzte honako hauetan: 798 Art Zone (Pekin, 2012), Alcances (Cádiz, 2014), Festival dei Popoli (Florentzia, 2016) eta Instituto Moreira Salles (São Paulo eta Rio de Janeiro, 2018). ECAMeko Zinema Dokumentaleko espezialitateko koordinatzailea da, baita EQZEko irakaslea eta 2016az geroztik Adituen Batzordeko kidea ere Ikusmira Berriak programan.
Astelehenetik ostiralera: 09:00 - 14:00 | 16:00 - 19:00.