Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Gijón/Xixón Nazioarteko Zinema Jaialdiaren 56. edizioko programazioak CROSSROADS – Zinemaldia | FICX zikloaren hasiera aurkeztu du berritasun nagusi gisa. Sail horren bidez, Donostia Zinemaldiarekiko lankidetzari hasiera emango zaio.
Sinergia hau ezartzeko arrazoi nagusia, bi hirion eta bi zinema-jaialdion arteko lotura geografiko eta historikoaz gain, azken urteetan agertu den arazo bati konponbidea bilatzea da. Izan ere, nazioarteko zinema-lehiaketen esklusibitate-eskaerak gero eta ugariagoak direnez, film nabarmenak proiektatzeko aukerak murriztu dira.
Horiek horrela, estatuko eta nazioarteko estreinaldiak lortzeko lehiakortasunari amore eman ordez, lankidetza-eremu berriak martxan jartzearen aldeko apustua egin dute Donostia Zinemaldiak eta Gijón/Xixón Nazioarteko Zinema Jaialdiak, interes bereziko obra zinematografikoen ezagutza eta zirkulazioa sustatzen lagundu dezaten.
Eta horixe eskainiko du CROSSROADS – ZINEMALDIA | FICX zikloak: bi lehiaketetako programazio-ildoak bateratuko dituen film-aukera zaindua eta ahaleginak batzeko lankidetza-esparru bat, zinema garaikidea ulertzeko funtsezkoak diren obrak ikustera emateko asmoz.
Ekimenari esker, Donostiako lehiaketak aukeratutako 2018ko nazioarteko zinemaren bost film nabarmenez gozatu ahal izango dute 56. FICXeko ikusleek. Zikloaren edukien zati bat Donostia Zinemaldia egin bitartean emango da jakitera, irailaren 21etik 29ra.
Astelehenetik ostegunera: 09:00 - 15:00.
Ostiraletan: 10:00 - 14:00