Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Eibarren 1977an jaioa, Maite Arroitajauregi biolontxeloan lizentziatua da Gasteizeko Goi Kontserbatorioan. Zenbait bandatan parte hartu eta gero (Anari, Lisabö eta Xabier Montoiarekin, besteak beste), 2009an Mursego sortu zuen, bakarkako proiektua, eta Bat diskoa argitaratu zuen. Disko harekin askotariko agertokietan jo zuen, hasi Parisen eta Erromaraino. Harrezkero, bere gisako musika-hizkuntza baten bila jardun du, abangoardia, folklorea eta musika klasikoa hibridatu nahian. Ondorioz, kontzertu ugari eta beste bi disko iritsi dira: Bi eta Hiru, 2010ean eta 2013an argitaratuak, hurrenez hurren. Dantzaren eta antzerkiaren arloan eginiko unean uneko kolaborazio batzuetatik harago, Arroitajauregik ibilbide oparo bati ekin dio ikus-entzunezkoen munduan. Hainbat film laburren musika idatzi du, besteak beste, Isaki Lacuestaren El rito, 2012 eta Herencia, edo Aritz Morenoren Cólera film laburrena, baita zenbait film luzerena ere, hala nola Víctor Iriarteren Invisible eta Oskar Alegriaren Emak Bakia filmena. Azken hori Donostia Zinemaldiko Zabaltegin aurkeztu zen, 2012an. 2015ean, Asier Altunaren Amama filmeko soinu-banda konposatu zuen, Javi Pezekin batera. Filma Donostia Zinemaldiko Sail Ofizialean aurkeztu zen, eta Montpelliereko zinema-jaialdian saritu zuten, musika onenaren kategorian.
Astelehenetik ostiralera: 09:00 - 14:00 | 16:00 - 19:00.