Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Gia Coppola
Gia Coppola Ipar Amerikako zuzendaria da. Iaz Donostian Epaimahaiaren Aparteko Saria irabazi zuen The Last Showgirl filmarekin, eta aurten Epaimahai Ofizialeko kide izango da. Elkarrizketa honetan bere ibilbidea gogoratuko du, Palo Alto eta Mainstream bezalako lanak aipatuz, eta bere sormen prozesuaz eta erreferentziez hitz egingo du. Halaber, esperientzia nola eramaten duen pantailara azalduko du, Nest atalean parte hartzen dutenek eta bertaratzen den publikoak zuzenean ezagutzeko aukera izan dezaten.
Gia Coppolak (Los Angeles, AEB) Veneziako Mostrako Orizzonti sailean estreinatu zituen bere lehen bi film luzeak, Palo Alto (2013) eta Mainstream (2020), biak ere Torontoko eta Tellurideko jaialdietan ere aurkeztuak. Estatubatuarraren azken filma –The Last Showgirl (Pamela Anderson, Jamie Lee Curtis eta Dave Bautista protagonista zituela)– Donostia Zinemaldian lehiatu zen, non Epaimahaiaren Sari Berezia lortu zuen, eta Andersonek drama-filmeko emakumezko aktore onenaren Golden Globe sarirako izendapena jaso zuen filmean egindako lanagatik. Gainera, Coppolak musikarientzako eta moda-marketarako film laburrak, bideo musikalak eta iragarkiak ere zuzendu ditu.
Astelehenetik ostiralera: 09:00etatik 14:00etara eta 16:00etatik 19:00etara