Donostia Zinemaldia

Bete formularioa zure datuekin, erregistratutako erabiltzaileentzako edukiak ikusteko.

Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko

Bete formularioa zure datuekin, erregistratutako erabiltzaileentzako edukiak ikusteko.

* Irakurri eta onartzen dut pribatutasun politika

Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.

Glocal in Progress. Irailaren 23an, 24an eta 25ean egingo da, Zinema Eraikitzen 36 eta Europa-Latinoamerika VIII. Koprodukzio Foroaren egun beretan.

Hizkuntza ez-hegemonikoetan filmatutako Europako filmei zuzenduta dago Glocal in Progress; bertan, postprodukzio-fasean dauden hiru film luze hautatu aurkeztuko dira, filmak amaitzen eta nazioartean zabaltzen lagundu dezakeen talde baten aurrean. Talde horretan, produktoreak, banatzaileak, salmenta-agenteak eta programatzaileak egongo dira, besteak beste.

Helburua da Europako hizkuntza ez-hegemonikoetan filmatuta dauden produkzioak ezagutzera ematea –hau da, alemanez, gaztelaniaz, frantsesez, ingelesez, italieraz edo errusieraz filmatuta ez daudenak–, kolaborazioak erraztea, koprodukzioak sustatzea eta film horiek hedatzen laguntzea.

Ekimen honekin, sorkuntzaren aldeko apustua indartu nahi du Zinemaldiak. 2002an heldu zion ildo horri, Zinema Eraikitzen abiarazita. Industriako jarduera hori aitzindaria izan zen garai hartan, eta hari esker izan zuten Latinoamerikako produkzio askok amaitzeko modua. Lan hori, 2012tik aurrera, garapenean dauden proiektu europar eta latinoamerikarrei zuzendutako Europa-Latinoamerika Koprodukzio Foroaren bidez osatzen da.

Datuak | Glocal in Progress (2017-2019):

9 film aukeratuak
5 film amaituta
5 filmek nazioarteko zinema-jaialdietan parte hartu dute, adibidez, Tallin Black Nights, Donostia edo Sarajevo.
Film bat saritua izan da

Kasu arrakastatsuak | Glocal in Progress (2017-2020):

NEMATOMA / INVISIBLE, Ignas Jonynas | New Directors – Donostia Zinemaldia, 2019 | Baltic Film Competition - Tallineko Black Nights nazioarteko zinema-jaialdia, 2019.
KRALICE LEAR / QUEEN LEAR, Pelin Esmer | lehiaketako dokumentala – Sarajevoko zinema-jaialdia, 2019.
UN OM LA LOCUL LUI / A DECENT MAN, Hadrian Marcu (lehen filma) | New Directors – Donostia Zinemaldia, 2018.
DANTZA, Telmo Esnal | Sail Ofiziala – emanaldi bereziak - Donostia Zinemaldia, 2018.
IZBRISANA / ERASED, Miha Mazzini (lehen filma) | Lehen Filmen Lehiaketa - Tallineko Black Nights nazioarteko zinema-jaialdia.