Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
The Trip to Spain
Michael Winterbottom hirugarrenez itzuli da errepidera Steve Coogan eta Rob Brydon-ekin batera, The Trip eta The Trip to Italy filmen arrakastaren ondoren. Sei otordu sei leku desberdinetan, Espainian zeharko errepide-bidaia batean, kostalde atlantikotik mediterraneora arte; bidean, Kantabria, Euskadi, Aragoi, Errioxa, Gaztela-Mantxa eta, amaitzeko, Andaluzia bisitatuko dituzte. Stevek 50 urte bete ditu dagoeneko eta maitasun bila jarraitzen du: bere neska ohiarekin, Mischa-rekin, itzuli nahi du, baina hura beste gizon batekin dago. Roben aktore lanbidea arrakastaz arrakasta doa, eta familiako bizitzak atsegin handia ematen dio (beste haur bat izan du Stevek azkenekoz ikusi zuenetik). Stevek telebista sail bat protagonizatu berri du Estatu Batuetan, sukaldari gisa, eta Espainiako jatetxeen erreseina sorta bat egiteko eskatu diote, programa sustatzeko. Ohiko moduan, Robek egunkarietarako artikuluak idatziko ditu, oraingoan On Kixote erabiliz inspirazio gisa. Stevek, aldiz, asmo handiagoko liburu bat idaztea espero du, bidaia honetan eta Espainian aurrez bizitako esperientzietan oinarrituta. Orwell, Hemingway eta Laurie Lee idazleen moduko tradizioan irudikatzen du bere burua. Izan ere, Oscar sarietarako izendatutako idazle bat da Steve orain.
Astelehenetik ostiralera: 09:00 - 14:00 | 16:00 - 19:00.