72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Filmak
Filmak
Perlas
Perlas
Nanni Moretti
Italia - Frantzia - Alemania
106 min.
Nanni Moretti Canneseko zinema-jaialdian lehiatu zen lan honekin. Filmak Margheritari buruz hitz egingo digu, AEBetako aktore batekin film bat egiten ari den lehen mailako zuzendaria da bera. Platotik kanpo, ordea, Margheritak ahalegin handiak egin behar ditu amaren gaixotasunaren eta alaba nerabearen errebeldiaren aurrean ez adorea galtzeko.
Jia Zhang-ke
Txina - Frantzia - Japonia
131 min.
Jia Zhang-ke zuzendariaren azken lanaren Espainiako estreinaldia, Canneseko lehiaketa ofizialetik igaro ostean. Txina, 1999, haurtzaroko bi lagunek gorte egingo diote Fenyangeko neska gazte bati. Bietako batek konponduta du etorkizuna, ez hala besteak. Neskak erdibituta du bihotza, baina bere bizitza eta semearena markatuko dituen erabaki bat hartu beharko du.
Hirokazu Koreeda
Japonia
128 min.
Hirokazu Kore-eda zinemagile japoniarraren film bat, Canneseko Sail Ofizialean lehiatu zena. Hiru ahizpa batera bizi dira hirian. Hamabost urtez ikusi ez duten aita hiltzean, landa-gunera joango dira hirurak, hari lur ematera. Bertan, arrebaorde nerabea ezagutuko dute, eta laster hasiko dira hura maitatzen.
Hou Hsiao-hsien
Taiwan
104 min.
Hou Hsiao Hsien zinemagileak zuzendari onenaren saria irabazi zuen Canneseko zinema-jaialdian bere lan berriarekin. Txina, IX. mendea. Erbestean urte mordoa igaro ostean, justiziari bat bilakatuta itzuliko da Nie Yinniang etxera. Maistrak bere lehengusua akabatzea agintzen dionean, aukeratu egin beharko du: maite duen gizona babestu edo Hiltzaileen Ordenari fidel izaten jarraitu.
Charlie Kaufman, Duke Johnson
AEB
90 min.
Charlie Kaufman eta Duke Johnson zinemagileek jendearekin konektatzeko bere ezintasunari aurre egin nahi dion gizon baten historia kontatuko digute. Espainiako estreinaldia, Veneziako zinema-jaialditik igaro ostean.
Scott Cooper
AEB
122 min.
Johnny Depp, Joel Edgerton, Benedict Cumberbatch, Dakota Johnson eta Kevin Bacon dira lehiaketaz kanpo Veneziako zinema-jaialdian aurkezturiko film honetako protagonistak. FBIko agente John Connollyk Jimmy Bulger gangster irlandarra konbentzituko du FBIarekin lan egin dezan, elkarren etsai bat deuseztatzeko: mafia italiarra. Zorigaiztoko aliantza hori kontrolaezin bilakatuko da.
Pablo Trapero
Argentina - Espainia
108 min.
Pablo Traperoren film berria Veneziako zinema-jaialdian lehiatuko da. Argentina, 80ko hamarkadaren hasiera. San Isidro auzo dotoreko familia tipiko baten fatxadaren atzean, bahiketak eta hilketak egiteaz bizi den klan zital bat ezkutatzen da.
Kent Jones
Frantzia - AEB
80 min.
François Truffauten Le Cinéma selon Hitchcock (Zinema Hitchcocken arabera) liburuaren argitalpenetik mende erdia igaro ondoren, Kent Jones zuzendariak suspensearen maisuari buruzko beren pentsamenduak partekatzeko proposamena luzatuko die gure garaiko zinemagile bikainenei: Martin Scorsese, David Fincher, Richard Linklater, Wes Anderson, James Gray, Olivier Assayas...
Alfonso Gómez-Rejón
AEB
105 min.
Greg izeneko gazte baten historia dibertigarri eta hunkigarria da hau. Greg bigarren hezkuntzako azken urtean da eta giza harreman sakon oro saihesten saiatzen da, nerabe baten bizitza soziala izaten den eremu minatu hori segurtasunez zeharkatu nahian edo. Epaimahaiaren sari nagusiaren eta publikoaren sariaren irabazle 2015eko Sundanceko zinema-jaialdian.
László Nemes
Hungaria
107 min.
Canneseko zinema-jaialdiko epaimahaiaren sari nagusiaren irabazle, László Nemes zuzendari hungariarraren lehen lana 1944ko Auschwitzen dago girotuta. Saul Auslander Auschwitzeko errausketa-labeetako batean lan egiten duen preso hungariarra da. Halako batean, gazte baten gorpua sugarretatik ateratzen saiatuko da, bere semea delakoan.
Denis Villeneuve
AEB
122 min.
AEB eta Mexiko arteko muga inguruan, AEBetako elite-indarretako ofizial batek FBIko agente bat errekrutatuko du drogen aurkako gerra gero eta handiagoan lagun diezaien. Denis Villeneuveren film berria Canneseko sail ofizialean lehiatu zen, 2015ean.
Jafar Panahi
Iran
82 min.
Urrezko Hartzaren film irabazlea Berlingo azken zinema-jaialdian. Taxi hori bat Teherango kale zirraragarri eta bizietan barrena ibiliko da; bertara mota guztietako bidaiariak igoko dira, zein baino zein bitxiagoa. Guztiek hitz egingo dute gidariarekin, zintzotasun osoz hitz egin ere. Baina ez dakite bolantea daramana ez dela gidari arrunt bat, Jafar Panahi zuzendaria baizik, Irango egungo zinemako izenik handienetako bat.
Arnaud Desplechin
Frantzia
120 min.
Canneseko Errealizadoreen Hamabostaldian aurkezturiko film honekin, Arnaud Desplechin bere filmetako biren paisaia emozionaletara itzuliko da: Comment je me suis disputé... (ma vie sexuelle) eta Un conte de Noël. Paulek bere gaztaroa eta bere lehen maitasuna (izandako bakarra) gogoratuko ditu.
Autor: Sabrina Lantos. ©2015 Gravier Productions, Inc
© Autor: Sabrina Lantos. ©2015 Gravier Productions, Inc
Woody Allen
AEB
95 min.
Canneseko zinema-jaialdiaren azken edizioan aurkezturiko Woody Allen zuzendariaren film berriak oinazetuta bizi den eta ekintza existentzial bat egiten duenean bizitzeko nahia berreskuratuko duen filosofiako irakasle bati buruz hitz egingo digu.
Lehiaketatik kanpo
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.