Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Antonio Elorza belodromoa 63. Donostia Zinemaldiaren hainbat jardueraren eszenatokia izango da berriro. Irailaren 26ko saio berezian amaierako gala emango dute, eta horrekin batera bi film: Zinemaldiari amaiera ematen diona, Rufus Norris-en London Road, eta Perlak saila itxiko duena, Nanni Moretti-ren Mia Madre. Egun horretako saioa osatzeko, Zabaltegi saileko Kimuak katalogoko film labur bat ikusi ahal izango da: Duellum, Tucker Dávila Wood-ena.
Bi filmen estreinaldiak hartuko ditu, bestalde, Belodromoak: El desconocido, Dani de la Torrerena, eta Hotel Transylvania 2, Genndy Tartakovsky-rena.
Belodromoak, gainera, haurrentzako zinema-saioak hartuko ditu goizero, ikastolekin eta ikastetxeekin hitzartutako programari esker. Aurten, Astérix: Le domaine des dieux / Asterix and Obelix: Mansion of the Gods (Astérix: La residencia de los dioses) (Astérix: Jainkoen egoitza) ikusi ahal izango dute haurrek, euskarara eta gaztelerara bikoiztuta.
Estreinaldi garrantzitsuenak hartzen dituen sail arrakastatsua da; hala, 3.000 laguntzetako egokitutako aretoan emanaldi jendetsuak egiten dira proiekzio-sistema modernoenak eta 400 m²-ko pantaila erraldoia baliatuta.
Gainera, Zinemaldiak haurrei zuzendutako emanaldiak ere egiten ditu goizero belodromoan. Ikastetxeekin hitzartutako programa esklusibo baten bitartez, zinemaz gozatzeko aukera eskaintzen zaie ikasleei, euskaraz eta pantaila erraldoian.
Berriak:
- 2015/ 09/ 01
''Hotel Transylvania 2'' filma Donostia Zinemaldiaren 63. edizioan aurkeztuko da
- 2015/ 07/ 23
Pablo Agüero, Asier Altuna, Cesc Gay, Marc Recha, Federico Veiroj, Agustí Villaronga eta Álex de la Iglesia zuzendariek Donostia Zinemaldiko Sail Ofizialean estreinatuko dituzte beren lan berriak
Astelehenetik ostiralera, 09:00etatik 15:30era