Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Demetrios Matheou Londresen jaio zen eta kazetari, idazle eta programatzailea da. Egunkari bateko kazetari gisa hasi zen lanean, baina laster jo zuen arterantz eta kulturarantz.
1996an zinemaren munduan erabat murgildu eta Premiere Magazine aldizkariaren Erresuma Batuko edizioaren erredakzio buru izan aurretik, telebistako eta antzerkiko kritikari gisa lan egin zuen, baita arkitekturan espezializatutako kazetari gisa ere. Ordutik, zinemari buruz idatzi du Britainia Handiko aldizkari garrantzitsu gehienetan; besteak beste, The Guardian, The Observer, The Times eta Sunday Times, eta The Independent on Sunday aldizkarietan.
Eskoziako Sunday Herald egunkariaren plantillako zinema-kritikaria da 2004tik, Sight and Sound aldizkariko ohiko kolaboratzailea, eta The Arts Desk webgunea ekoizten duen kazetari-taldeko kide; webgunean, filmen eta antzezlanen kritikak egiten ditu. Tarteka filmen iruzkinak egiten ditu BBC katearentzat.
2010ean The Faber Book of New South American Cinema idatzi zuen. Urte berean, Britainiar Zinema Erakundearentzat antolaturiko “South American Renaissance” atzera-begirakoaren komisariokide izan zen.
Londresen egiten diren hainbat latinamerikar jaialdirentzat lan egin du eta, aurten, hirian antolaturiko lehenengo Argentinako Zinema Jaialdiko komisariokide izan da.
Horretaz gain, zinemaren historiari buruzko Cinema: The Whole Story gidaren kolaboratzaileetako bat izan da, eta film alternatiboen zerrenda biltzen duen Ten Bad Dates With De Niro lanaren izen bereko sarrera egin du.
Astelehenetik ostiralera: 09:00 - 14:00 | 16:00 - 19:00.