Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Kursaal aretoa lepo beteta eta jendea txaloka, Grease filmeko musikaren konpasean haren lanen irudiak pantaila handian ikusten diren bitartean. Eta hartara, John Travolta irten da, Benicio Del Tororen eskutik Donostia saria jasotzera. “Zer moduz zaudete? Niretzat ohorea da sari hau jasotzea eta oso pozik nago” izan dira bere lehen hitzak gaztelaniaz eta ondoren Jose Luis Rebordinosi eta Zinemaldiko boluntario guztiei eskerrak eman dizkie. Ingelesez amaitu du Travoltak, Shakespearen esaldi famatuari aipu eginez: “Izan edo ez izan, hor dago koxka. Eta ni pozik nago, zuek ni ‘izatea’ erabaki duzuelako”.
Eta 60. Urteurreneko Donostia Sari Bereziaren txanda iritsi da. Kursaaleko pantaila handian, bere filmagintzari errepasoa egin ondoren, Benicio ‘déjà vu’ Del Toro txantxetan irten da berriro ere eszenatokira, oraingoan Oliver Stone zinemagileari Donostia Sari Berezia ematera. Zinemaldian maiz izan den zuzendari amerikarra, minutu inguruko txalo zaparradarekin hartu du Kursaalak. “Zer esan dezaket donostiarrei buruz? Bihotz handiko jendea zaretela, nire bisita aunitzetan nabaritu dut hori. Hiri, jende eta kultura zoragarria zarete”. Amaitzeko, Oliver Stonek Perlak sailera ekarri duen Savages filmaren irudiak eskaini dituzte, eta zinegile amerikarra, filmeko Travolta eta Del Toro aktoreekin taularatu da azkeneko aldiz. Kursaaleko auditorioak zutik eta txalo artean agurtu du hirukotea.
Astelehenetik ostiralera: 09:00 - 14:00 | 16:00 - 19:00.