72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Zabaltegi-Zuzendari Berriak
Filmak
Filmak
Zabaltegi-Zuzendari Berriak
Zabaltegi-Zuzendari Berriak
Shawn Ku
AEB
100 min.
Beautiful Boy filmak kolokan dagoen bikote batez eta jasotzen duten albiste gogorraz hitz egingo digu: beren 18 urteko semeak, unibertsitatean tiroketa masiboa gauzatu ondoren, bere buruaz beste egin du. Tragediaren bitartez, bikoteak atsekabeari aurre egin beharko dio, eta ondorioz, zentzua bilatuko diote berriz beren bizitzari eta bien arteko harremanari.
Elena Trapé
Espainia
88 min.
Blog nerabe talde bati buruzko istorio harrigarria da. Taldea osatzen duten 15 urteko neskak klase ertain-altukoak dira, heziketa ona jaso dute, eta azkarrak, sentikorrak eta kontzienteak dira. Plan ezkutu bat dute, ordea, haientzat helmuga nagusi eta egia unibertsala den helburua lortzeko: emozio gogorrak bizitzeko premia asetzea, gainerakoengandik bereizteko.
Marcin Wrona
Polonia
86 min.
Gidoia hein handi batean Poloniako herri batetik etorritako gizon baten egiazko istorioan oinarrituta dago. Gizona, herrian kriminal gisa jardun ondoren, Varsoviara iritsiko da. Bere zortea aldatzeko eta egindako delituak atzean uzteko esperantza du. Tamalez, mafiak sententzia du haren aurka. Michal etsi-etsian saiatuko da bere familia salbatzeko bide bat bilatzen. Semearen bataioa baino egun batzuk lehenago, bere lagun zaharra gonbidatuko du aitabitxia izan dadin.
Marcin Wrona
Polonia
86 min.
Gidoia hein handi batean Poloniako herri batetik etorritako gizon baten egiazko istorioan oinarrituta dago. Gizona, herrian kriminal gisa jardun ondoren, Varsoviara iritsiko da. Bere zortea aldatzeko eta egindako delituak atzean uzteko esperantza du. Tamalez, mafiak sententzia du haren aurka. Michal etsi-etsian saiatuko da bere familia salbatzeko bide bat bilatzen. Semearen bataioa baino egun batzuk lehenago, bere lagun zaharra gonbidatuko du aitabitxia izan dadin.
Carlos César Arbeláez
Kolonbia-Panama
88 min.
Manuelek bederatzi urte ditu eta pilota zahar batekin jolasten da futbolean egunero. Atezain ospetsua izatea da bere ametsa. Aitak, Ernestok, pilota berria oparitzen dion egunean ametsa egia bihurtu zaiola irudituko zaio. Baina, ustekabeko istripu baten ondorioz, pilota minaz beteriko zelai batera eroriko da. Arriskutsua dela badaki ere, Manuelek pilota berreskuratzea erabakiko du eta bere lagunik onenak, Julian eta Poca Luz, konbentzituko ditu elkarrekin haren bila joateko. Haurren jolasen eta abenturen artean, gatazka armatu baten zantzuak agertuko dira La Pradera auzuneko biztanleen bizitzan.
Vahid Vakilifar
Iran
84 min.
Ghobad, Jahan eta Nezam, bizi hobeago baten bila dabiltzan hiru gizon dira. Beren helburua betetzeko etxetik alde egin eta Iran hegoaldean gas gehien ekoizten duen Oslouyeh eskualdera abiatuko dira. Nolanahi ere, bizi baldintza gogorrek eta soldata txikiek dagoeneko erabiltzen ez diren gasbideen zatietan aterpea bilatzera bultzatuko ditu hiru gizonak eta beste batzuk. Baldintzak oso gogorrak izan arren, langile taldeak elkar lagundu eta zainduko du.
Mikel Rueda
Espainia
98 min.
1938. Victoria, errepublikano baten alarguna, Saturrarango kartzelan sartuko dute ahizparekin eta semearekin batera. Mesedetako monjen ardurapean dagoen emakumeentzako kartzela hartan gertatu zen Espainiako Gerra Zibileko pasarterik latzenetako bat. Eta Victoriak bere larruan jasan zuen hura guztia. Pantera Zuria da espetxeko zuzendaria, eta Vallejo doktorearen teoriak jarraituta, espetxeratutako emakumeei haurrak kenduko dizkie Espainiaren onerako dela esanez. Victoriak, semearen galerarekin desesperatuta, aurre egingo dio Pantera Zuriari gainerako emakumeekin, haren zigorrak eta irainak jasango ditu, alde egiten saiatuko da eta, azkenean, semea berriro aurkitzeko itxaropenari helduta bizitzen ikasiko du.
Niles Atallah
Txile
80 min.
Lucíak jostun gisa lan egiten du fabrika batean eta aitarekin bizi da, Txileko hiriburuko etxe zahar batean. Filma 2006ko abenduan kokatzen da, Pinochet diktadore ohiaren hiletatik Eguberriak arteko denboran. Lucíaren eguneroko bizitza ikusiz diktadura militar baten ondorioz beren bizitzak berreskuratzeko borrokan egingo duen txiletar belaunaldi ahantzi horren unibertsoan sartuko dira ikusleak.
Sophie Schoukens
Belgika-Alemania
85 min.
Mariekek bere bizitza bizi nahi du. Baina, nola lortuko du bere helburua maitasuna kendu badiote? Berotasuna bilatuko du askoz ere helduagoak diren gizonen besoetan, horrela indarra bildu eta iraganari aurre egiteko, eta azkenean, bere buruaren jabe izateko.
Julio Hernández Cordón
Guatemala-Frantzia-Mexiko
72 min.
Alfonsok marinba jotzen du, Guatemalako musika-tresna tradizionala, baina badaki inor gutxik duela interesik bere instrumentu zaharrean. Blacko aitzindaria da Guatemalako heavy metal musikaren munduan. Gainera, medikua da ospitale publikoan, baina inork ez du nahi Blacko bere medikua izaterik, bere estilo gogorra dela-eta. Alfonsok eta Blackok elkar ezagutu ondoren beren talentuak batu eta Infernuko Marinbak proiektu berria sortzea erabakiko dute, baina ezin dute imajinatu ere egin nolako erreakzioak sortuko dituen beren lanak...
Dragomir Sholev
Bulgaria
88 min.
Hamabi urteko Rado, Stoychev waterpolo entrenatzailearen semea, ia punk bat da bere adinarekin. Stoychev jaunak aita ona izan dela uste du eta ezin du ulertu zergatik nahi duen semeak etxetik alde egin kalean topatu dituen lehenengo punkyekin.
Constantin Popescu
Errumania
97 min.
Velicanuk pertsona bete eta zoriontsutzat du bere burua. Dirua du, etxe berri bat, bigarren aldiz ezkondu da emakume gazte batekin eta haurtxo bat du harekin; gainera, beste seme bat du bere lehenengo emaztearekin. Oporrak iritsi dira eta gizonak ongi antolatuta utzi behar ditu bere negozioak alde egin baino lehen. Baina gauzak korapilatu egingo dira eta krisian murgilduko da Velicanu; ondorioz, benetan zoriontsu eta beteta dagoen galdetuko dio bere buruari.
Hanro Smitsman
Holanda
90 min.
Herri arrunt bateko eskola arrunt batean, nerabe talde arrunt batek gorroto bizia hartuko dio kide bati eta haren hilketa prestatzera ere iritsiko dira. Dusk nerabe taldeari egiten ari zaizkion izaera azterketaren izena da; haren bitartez, taldearen jokabide ulertezinari azalpen bat bilatu nahi diote.
Hao Jie
Txina
93 min.
Beijingetik 150 km-ra dagoen Gu Jia Gou mendiko herrian, gizonak emakumeak baino askoz ere gehiago dira. Batzuek, Sichuan probintzia urruneko eskrupulurik gabeko trafikatzaileengana jotzen dute emaztea erosteko. Beste batzuk, ezkongabe geratzen dira betiko. Horixe da Lao Yang, Gu Lin, Big Head eta Liu Ruinen kasua. Lau lagunak txutxu-mutxuan eta kexuka ibiltzen dira, eta urrun geratu diren gaztaroko egunak gogoratzen dituzte. Hala ere, nola edo ahala moldatzen dira bizitza sexuala izateko. Lao Yang oraindik maiteminduta dago gaztetan ezkontzen utzi ez zioten neskarekin. Emakumea, herriko agintariaren emaztea da orain, baina ezkutuan elkar ikusten jarraitzen dute. Baina, Lao Yangek gehiago nahi du... Hao Jiek Beijingo Zinema Akademian ikasi zuen eta bere jaioterrian eta aktore ez profesionalekin (batzuk bere senideak dira) errodatu du lehenengo film luzea. Single Man filmak nekazari zaharrenen bizitza sexualari eta maitasun bizitzari buruzko ikuspegi harrigarria, umoretsua eta ulerkorra eskainiko digu.
Mikkel Munch-Fals
Danimarka
89 min.
Smukke mennesker-ek guztiz pozik ez dauden lau pertsonaren bizitzak jarraituko ditu: Ingeborg ez da erakargarri sentitzen eta Jonas gaztea hain da erakargarria bere bertuteetakoren bat saltzera ere irits daitekeela. Anna, emakume gazte eta ederra da, baina minusbaliotasun fisiko bat du, eta Anders, gizon maitekorra da, baina bere minusbaliotasuna psikologikoa da. Lau pertsona maitasun eske; lau pertsona etorkizun hobea noiz etorriko zain.
Frédéric Pelle
Frantzia
83 min.
Patrick Perrin karta-banatzailea da kostaldeko kasino txiki batean. Amets bakarra du: bere bizitza atzean utzi eta helmuga ezezagun batera alde egitea. Baina horrelako bidaia bat ezin da egun batetik bestera antolatu. Hasteko, maleta bat erosiko du Patrickek, gorria eta ederra, gurpil eta guzti. Maleta ohearen ondoan utzita, egiteko geratzen zaion gauza bakarra hura bete eta helmuga aukeratzea izango da.
Federico Veiroj
Uruguai-Espainia
67 min.
Jorge (45) gurasoekin bizi da eta zinemateka batean egiten du lan duela 25 urte. Lan teknikoak egiten ditu bertan, programatzen ere ibiltzen da eta zinemari buruzko irratsaio bat dauka. Zinematekaren egoera gero eta zailagoa da eta zinemaren mundutik kanpo inoiz lan egin ez duen Jorge, lanik gabe geratuko da. Mundu berriari egokitzeko Jorgek bere izaera nola aldatuko duen kontatuko digu La vida útil filmak. Baliteke, azkenean, zinemak bizirauteko balio izatea.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.