Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Donostia Zinemaldiko Zuzendari Berrien Saria jaso zuen 2004an Innocence filmagatik. Aurten, Kontrauhina sailean izango dugu lan hori. Lucile Hadzihalilovicek Artearen Historia ikasi zuen, eta geroago Zinema, Pariseko IDHEC eskolan.
La première mort de Nono (1987) film laburra idatzi, zuzendu, ekoitzi eta muntatu zuen, baita La bouche de Jean-Pierre (1996) erdimetrajea ere; azken horrek hainbat sari jaso zituen Avignon, Angers eta Amiens hirietako jaialdietan. 1998an Good Boys Use Condoms film laburra idatzi eta zuzendu zuen, eta 2004an lehenengo film luzea idatzi eta zuzendu zuen, Innocence. Donostian irabazitako sariaz gain, Innocence filmak honako beste hauek eskuratu ditu: Film Onenaren eta Argazkilaritza Onenaren Sariak Stockholmen, 2004an; Nazioarteko Kritikarien Saria eta Publikoarena Istanbulen, 2005ean; Film Onenaren Saria Neuchâteleko Zinema Fantastikoaren Jaialdian, 2005ean, eta Epaimahaiaren Sari Berezia Japoniako Yubari jaialdian, 2005ean hori ere.
Orain, prestakuntza fasean da haren hurrengo filma, Evolution. Lan berria Alanté Kavaïtérekin batera idatzi du eta koprodukzio franko-espainiarra da. Errodajea hurrengo urtearen hasieran hasiko dutela aurreikusi dute.
1990ean Lucile Hadzihalilovicek Les Cinémas de la Zone ekoizpen etxea ireki zuen Gaspar Noérekin batera, eta azken honen Carne (1991) erdimetrajea eta Seul contre tous (1998) film luzea muntatu ditu etxearekin.
Astelehenetik ostiralera: 09:00 - 14:00 | 16:00 - 19:00.