Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
1944. urtean Zarautzen jaiotako zuzendari honek haurrentzako antzerkian lan egin zuen zinearen munduan sartu aurretik. Hain zuzen, haren lehen film luzea, Fantasía...3, haurrentzako abentura bat da. 1968.urtean, berriz, helduentzako Algo amargo en la boca ausarta estreinatzeko arazoak izan zituen, argumentuaren eta irudien eduki morbosoa zela eta. Handik hiru urtetara, Espainiako Alderdi Komunistaren kide egin zen eta, geroztik, bere filmetan islatu ohi du agintari eskuindarrek zigortutako gizarte baztertuarenganako ardura. El techo de cristal (1970) eta La semana del asesino (1971) garai hartako film ezagunenak dira. Franco hildakoan, Trantsizioa iritsi zen eta orduantxe garatu zuen De La Iglesia probokatzaileak bere film esanguratsuak biltzen dituen film zerrenda garrantzitsuena. Beste inork lantzen ez zituen gaiak eraman zituen zinera, homosexualitatea, hipokresia, drogak eta gazte-delinkuentzia, tartean. Orduko film ezagunenak, Los placeres ocultos (1976), El diputado (1978), Navajeros (1980) eta El pico-ren bi atalak (1983 eta 1984) dira. 1987. urtean, La estanquera de Vallecas arrakastatsua filmatu zuen, zine mundutik urrundu aurretik. 1996ean Donostiako Zinemaldiak eskainitako atzera begirakoak bultzata, zinera itzultzea erabaki zuen. Iaz, Albert Camusen Calígula telebistarako film batean bihurtu zuen eta, une honetan, Los novios búlgaros izenburuko filma prestatzen ari da.
Astelehenetik ostiralera: 09:00 - 14:00 | 16:00 - 19:00.