Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Cayetana Guillén-Cuervo aktore eta aurkezlea, eta Mireia Gabilondo aktore eta zuzendaria arituko dira Donostia Zinemaldiaren 63. edizioa inauguratuko duen gala zuzentzen. Irailaren 18an izango da hori, 21:00etan, Kursaal auditoriumean.
Edizio honetako edukia aurkeztean, lagun izango dituzte Itziar Ituño, Dafne Fernández, Bárbara Goenaga, Paco León eta Antonio Resines.
George Miller-ek, Mad Max: Fury Road pelikulako zuzendariak, Fipresci Sari Handia jasoko du gala bitartean.
Inaugurazio-galan, Oreka TX txalaparta-taldeak ere parte hartuko du, eta, bukaeran, Alejandro Amenábar zuzendariaren Regression (Regresión) filma eskainiko dute, edizioari hasiera emateko.
Bestalde, Edurne Ormazabal izango da aurkezle Emily Watson aktoreari Donostia saria emateko ekitaldian, Kursaal auditoriumean, irailaren 25ean, 22:00etan.
Amaierako gala irailaren 26an izango da, Kursaalean hori ere, 21:00etan; bertan, Edurne Ormazabal eta Aitana Sánchez-Gijón izango dira ekitaldia aurkezten.
Aurreko edizioetan bezala, aurtengoan ere Patxi Barco izango da galen zuzendari.
Astelehenetik ostegunera: 09:00 - 15:00.
Ostiraletan: 10:00 - 14:00