Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Ekainaren 1etik aurrera, haien web orrietatik egiten diren izen-emate guztietan %50eko beherapena eskainiko dute bi erakundeek. Horrez gain, 62. Zinemaldira joateko hamar sarrerako hamar abonamendu zozkatuko ditu Donostia Zinemaldiak kongresuan izena ematen duten guztien artean.
Euskadiko Filmategiak Euskal Herriko Unibertsitateko Uda Ikastaroen barruan antolatutako Euskal Zinema: zinemagileen hiru belaunaldi kongresurako izen-emateek %50eko beherapena izango dute Donostia Zinemaldiaren (www.sansebastianfestival.com) eta Donostia 2016ren (www.donostiasansebastian2016.eu) web orrietan ekainaren 1etik aurrera izena emanda. Halaber, Euskadiko Filmategiaren, UPV/EHUren, Donostia Zinemaldiaren edo Donostia 2016ren web orrietatik izena eman duten guztien artean, 62. Zinemaldira joateko hamar sarrerako hamar abonamendu zozkatuko ditu Donostia Zinemaldiak.
Modu honetan, Zinemaldiak eta Europako Kultur Hiriburuaren Bulegoak bat egingo dute UPV/EHUren Uda Ikastaroen baitan Euskadiko Filmategiak antolatuko duen ekitaldiarekin. Euskal Zinema: zinemagileen hiru belaunaldi kongresuaren izen-ematearen prezioa 96 eurokoa da (46 eurokoa aipatutako web orrietatik izena emanda).
Bilkura hau uztailaren 2tik 4ra izango da Donostiako Miramar Jauregian; 19 hitzaldi eta bost mahai-inguru eskainiko ditu eta euskal zinemari buruz gaur egunera arte egin diren ikerketak mahai gainean jarri eta aztertuko ditu.
Kongresuan parte hartuko duten zinemagileen izenak aipatzea merezi du: Montxo Armendáriz, Ana Díez, Víctor Erice, Pedro Olea eta Imanol Uribe; Juanma Bajo Ulloa, Daniel Calparsoro, Julio Medem, Helena Taberna eta Enrique Urbizu; Koldo Almandoz, Asier Altuna, Borja Cobeaga, Jose Mari Goenaga, Isabel Herguera eta Pablo Malo. Argitalpen batek hemeretzi hitzaldiak jasoko ditu eta baita bost mahai-inguruen transkripzioak ere (zinemagileen hiru belaunaldietakoa, beste bat industria zinematografikoari buruzkoa eta kritikari buruzkoa azkena).
Izena emateko beharrezkoa da inprimakia jaistea eta ondorengo helbide elektronikora bidaltzea: udaikastaroak@ehu.es.
Izen-emate inprimakia (doc)
Egitaraua (pdf)
Astelehenetik ostegunera: 09:00 - 15:00.
Ostiraletan: 10:00 - 14:00