Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Proiektuen izena emateko azken eguna: ekainaren 15a
Europa-Latinoamerika Koprodukzio Foroa 2012an sortu zen, eta bi aldeetako zinemagintzaren topagune eta erreferentziazko plataforma bilakatu da. Foroa 26. Zinema Eraikitzen ekimenarekin batera egingo da, egun berberetan, eta koprodukzio-harremanak sendotzeko aukera ematen du, zabalera handiagoko ikus-entzunezko proiektuak sustatzeko, profesionalen arteko lankidetza bultzatzeko eta nazioarteko merkatuetako ateak irekitzeko.
Koprodukzio Foroan, Europako zein Latinoamerikako proiektu zinematografikoek har dezakete parte, baldin eta prestatze-bidean badira, gutxienez 60 minutu irauten badute, eta finantzaketaren % 20 behintzat bermatuta badute. Europako proiektuek berariazko lotura izan behar dute Latinoamerikarekin. Transmedia, crossmedia eta multiplataforma formatu berriekin esperimentatzen duten proiektuak ere aurkez daitezke –betiere, film zinematografikoa plataforma nagusitzat baldin badaukate–, baita bestelako banaketa-kanalak eta finantzaketa-formulak planteatzen dituztenak ere.
Aurkeztutako proiektu guztien artean, Zinemaldiak hogei aukeratuko ditu gehienez ere, nazioarteko hiru adituren txostenetan oinarrituta: Andrea Stavenhagen, Manuel Pérez Estremera eta Javier Martín.
Proiektuen arduradunak eta industriako gainerako kideak munduko edozein herrialdetako bazkide estrategikoekin, industrialekin eta finantzarioekin elkartu ahal izango dira, proiektuen finantzaketa osatzeko.
Bi urte hauetan, 104 proiektu izatetik 160 izatera igaro da Foroa, eta industriako profesionalekin one to one egindako topaketak, berriz, 365 izatetik 461 izatera igaro dira. 2012an aukeratutako 17 proiektuetatik 6 filmatuta daude jada. Halaber, aurreikusitakoaren arabera, 2013an aukeratutako 15 proiektuetatik 9 pelikula filmatuko dituzte 2014an.
Europa-Latinoamerika III. Koprodukzio Foroan, 10.000 euroko saria jasoko du proiektu onenak, EGEDAk babestuta (Ikus-entzunezko Ekoizleen Eskubideak Kudeatzeko Erakundea).
Gainera, Canneseko Zinema Jaialdiko Marché du Film saileko Producers Network sarearekin eta Instituto Nacional de Cine y Artes Audiovisuales (INCAA) erakundearekin –biak Buenos Airesko Ventana Sur ikus-entzunezkoen merkatuaren antolatzaileak– izenpetutako Forjando Alianzas hitzarmenari esker, Foroan hautatutako proiektuek beren nazioarteko ibilbidea luzatzeko aukera izango dute esandako ekitaldi horietan.
Erregelamendua irakurtzeko eta proiektu bat inskribatzeko, klikatu hemen.
Ekimena Eusko Jaurlaritzako Industria Sailaren babesari esker da posible. Era berean, honako hauek laguntza eman dute: Industria, Energia eta Turismo Ministerioa, Telekomunikazioetarako eta Informazioaren Gizarterako Estatu Idazkaritza, RED.ES, FICOD (Red.es erakundeak sustatutako Eduki Digitalen Nazioarteko Foroa), Cannesko Zinema Jaialdiko Marché du Film saileko Producers Network, INCAA (Zinemako eta Ikus-entzunezko Arteen Argentinako Erakundea), EGEDA (Ikus-entzunezko Ekoizleen Eskubideak Kudeatzeko Erakundea), Eiken (Euskadiko Ikus-entzunezko Klusterra), EPE (Euskal Produktoreen Elkartea), Etxepare Euskal Institutua, Europa Distribution, FAPAE (Espainiako Ikus-entzunezkoen Ekoizle Elkarteen Federazioa), IBAIA (Ikus-entzunezko Euskal Ekoizle Burujabeen Elkartea), Ibermedia programa, LatAmcinema.com, Media Antena San Sebastián eta Zineuskadi.
Laguntzaileak:
Ondorengoaren babesarekin:
Astelehenetik ostegunera: 09:00 - 15:00.
Ostiraletan: 10:00 - 14:00