Zinemaldia irailaren 19tik 27ra bitartean izango da, ostiraletik hurrengo asteko larunbatera.
KARTELAK
Donostia Zinemaldiaren 62. edizioaren irudi berria aurkezteko ekitaldia Donostiako Eureka! Zientzia Museoan egin da. Bertan, Donostia Zinemaldiak hirugarren urtez antolaturiko kartel-lehiaketaren irabazleak zein izan diren jakinarazi du; hain zuzen ere, Sail Ofizialerako, Zuzendari Berriak, Horizontes Latinos, Perlak, Zabaltegi eta Culinary Zinema sailetarako aukeratutakoak. Mundu zabaleko diseinatzaileei irekitako lehiaketa izan da, eta 262 egileren 1.100 proposamen jaso dira.
Hauexek izan dira irabazleak:
|
Kartel ofizialari dagokion kategorian, "Little 62", TGA+Asociados Donostiako diseinu-estudioarena, Txema García Amiano, Nagore García Pascual eta Xabier Martinez de Arbulo Vidal dituena buru.
"Kartelaren diseinuak funtsezko helburu bat dauka: Donostia Zinemaldiaren beraren protagonismoa azpimarratzea, hain zuzen".
"Zinemaldirako prestatu duten proposamenean, kartel soil eta doi baten alde egin dute, tipo eta koloreei dagokienez, zeharo egitura tipografikoa erabilita, arreta hitzetara eta kartelaren enuntziatura eramaten duena, hartara mezua argiro eta zehatz finka daitekeelarik, alegia: «Bere 62. edizioan sendo eta heldu aurkezten den Zinemaldi baten erabateko protagonismoa, beste irudi osagarririk eta gehigarririk batere behar ez izateko adinako ospe eta proiekzioa duena, bere izena nahikoa duena besteek identifikatzeko eta ezagutzeko". |
|
Zuzendari Berrien kategorian, "Incógnito" izeneko kartela, Mexikon errotuta dagoen kubatar irudigile Erick Ginardena. Ehundik gora liburu eta aldizkari diseinatuak ditu honezkero Erickek eta Kubako hainbat argitaletxetako sortzaile-taldeetan aritua da. Amerikar kontinente osoko argitalpenetan agertu dira haren obrak eta berak egindako kartelak generoko hainbat erakusketa kolektibotan agertu izan dira.
Hauxe diosku bere kartelaz: "Atsegin dut pentsatzea artista guztien lehen obrak, arloa gorabehera, autorearen funtsezko izaeraren zati bat daukala, eta, irudikapen horregatik, lehen lan horrek iradokitzen dit autorretratu moduko bat dela... Pentsamendu horrek inspiratu zidan halako irudi ezin sinpleagoa, ia-ia primitiboa, bere autorearen ezaugarri bereizgarri batzuk agerian utziko lituzkeena baina, haatik, oraindik zeharo erakutsi ez den horren misterio ezezaguna bere baitan atxikiko lukeena...". |
|
|
|
Horizontes Latinos, kategorian "Cactus+Horizonte" izeneko obra izan da irabazlea, hau ere Donostiako TGA+Asociados estudioak diseinatua.
Ikusizko diseinu xume eta minimalistakoa da, eta "grafikoki kartel kolpagarria izatea nahi nuke, eta ikusleek aise ezagutzea, nola eta kaktusa erabilia elementu ikoniko gisa, zeinak, zeruarekin eta lurrarekin egindako konposaketarekin batera, erraz kokatzen baikaitu geografia latino generiko batean, aldi berean ematen digularik aukera espazio sinbolikoagoetara igarotzeko, hala nola basamortura eta muga fisiko eta bitaletara". |
|
Perlak kategorian, Bartzelonako diseinatzaile eta interiorista Pablo Carballeiraren "Cactus", kartelak irabazi du.
"Kartel honen ideia perla kontzeptuaren inguruan biraka dabil, halakotzat hartuta txikia eta nolabait ederra den zerbait, inguruko gauzak ez bezalakoa. Proposamenak ez du literala izan nahi eta irudi metaforikora jo du: kaktus-lore txiki eta arinek sekulako kontrastea eragiten dute inguruko arantza oldarkorrekin, elkarrekin harmonikoki bizitzen, haatik". |
|
"Madelaineye & Asiereye (A Love Story)" kartela aukeratu dute aurtengo Zabaltegi atalaren irudia izateko. Kataluniako TO2 estudioaren lana da kartela, eta Toni Pontík (kartel ofizialaren sariaren iazko irabazlea) eta Toni Corbellak 2013aren amaiera aldera sortua lagun eta lankideen arteko diziplinarteko gune/espazio gisa, non hainbat arte diziplinak duten bere tokia, hasi diseinutik eta argazkigintzatik eta musikara, arkitektura ilaunera, zinemara eta abarrera.
"1960ko hamarkadako aldizkarien azaleko argazkien antzera, gaur egungo gizartearen irrealitatea islatzeko saioa izan da kartelaren historia. Bikote protagonistak harreman idilikoa bizi du, perfektua eta kezkarik gabea, ongizatearen kultura engainagarrian oinarritua".
Oharra: Kategoria hau hutsik deklaratu ondoren, aurten Zabaltegi ordezteko atal ofizialeko finalisten artean zen proposamen baten alde egin zuen epaimahaiak. Autoreak zertxobait aldatu du atalaren izenari egokitzeko.
|
|
Azkenik, zinemari eta gastronomiari gordetako atalerako ere –Culinary Zinema– hautatu da aurten kartel bat. Kataluniako TO2 taldearen "Flash!" lana aukeratu dute.
"Gastronomiaren unibertso oso bat irudikatzen du kartelak xume eta bakun. Arrautza-gorringoa da erabateko protagonista, sukaldaritzako funtsaren metafora, ezin konta hala prestakinetan dagoena. Haren tankera eta koloreak, begi baten, argi-foku handi baten nahiz kamera baten flasharen antzekoak direnez, aukera ematen dute zinematografikoki zubiarena egiteko". |
62. edizioko irudia ondorengoekin osatzen da:
|
Savage Cinema
Motorren kultura agurtu nahi izan du Savage Zinemaren aurtengo edizioak. El Solitario MC izeneko artista-taldearen obra basati bat du protagonista, bere lanaz zapuzten duena eszena globalizatu honen konbentzionalismoa.
Kanpainaren sormeneko kontzeptua Surfilmfestibalena da, eta Borja Garmendiak diseinatu du kartela (Pensando en Blanco) Iker Basterretxearen argazki baten gainean.
Sailaren teaser-a Carlos Guzmán-en (edizioa) eta Esteban Ramos-en (irudia) lana da.
|
Atzera Begirakoak
Aurtengo bi atzera begirakoen kartelak Roberto Cuetok eta Erosintesisek eginiko lanak dira eta promoziorako klipak Morgan Creativoseko Carlos Rodríguezenak.
Dorothy Arzner
|
Eastern Promises.
Ekialdeko Europaren erretratua 50 filmen eskutik
|
Kartel-lehiaketako epaimahaiak, orobat, sei kategorietan aipamen bereziak egitea erabaki du.
Sail Ofizialeko aipamen bereziak
|
|
|
Red Carpet, TO2 Colectivo |
La delgada línea roja, TO2 Colectivo |
Zinemaldia 2014 TYPE, Jordán Fernández Barranco |
Aipamen bereziak – Zuzendari berriak
|
|
|
Genesis, Bárbara Sánchez Palomero |
El cubo, Haritz Jiménez Arce |
Underground, Matias Gageao |
Aipamen bereziak – Horizontes Latinos
|
|
|
|
Cactus, TGA+Asociados |
Jelou, TO2 Colectivo |
Atmósfera Latina, Diego Martín Sánchez |
Conexión, Ebentze Madina |
Aipamen bereziak – Perlak
|
|
|
|
Diferencia, Inés Ortega Abril |
Grandes, Maite Rosende Gutierrez |
Nueva Constelación-Perlas II, Victor Pico García |
Perlinski, TGA+Asociados |
Aipamen bereziak – Zabaltegi
|
|
|
|
Torre, Lander Telletxea Armendariz |
Luz, Pedro Rodriguez Legarra |
¿Quién lo ve al revés?, Matias Cageao |
Verde, TO2 Colectivo |
Aipamen bereziak – Culinary Zinema
|
|
|
|
Platera, TGA+Asociados |
Mise N Place Au Cinéma, Alba Fernández Ceniceros |
Trampantojo Terror, Ricardo Rayon Encinas |
On Egin/The End, Javier Medina Suárez-Pumariega |
LAGUNTZAILEAK ETA BABESLEAK
Zinemaldia pertsona eta enpresa askoren lankidetzari eta grinari esker da posible. Besteak beste, hauek:
-
TVE, GAS NATURAL FENOSA eta MOVISTAR TV Zinemaldiaren babesle ofizialak.
-
KUTXABANK, kolaboratzaile ofiziala eta KUTXA-Zuzendari Berriak sariaren babeslea.
-
AUDI, babesle ofiziala eta ibilgailu ofiziala.
-
EUSKO JAURLARITZAKO GARAPEN EKONOMIKOKO ETA LEHIAKORTASUNEKO SAILA, Industry Clubaren eta Europa-Latinoamerika Koprodukzio Foroaren babeslea.
-
EUROPAR BATASUNEKO MEDIA PROIEKTUA, Industry Clubari eskainitako babesagatik.
-
IBERMEDIA PROGRAMA, Zinema Eraikitzen sailean parte hartzeagatik.
-
EGEDA, IKUS-ENTZUNEZKOEN EKOIZLEEN ESKUBIDEAK KUDEATZEKO ELKARTEA, Europa-Latinoamerika Koprodukzio Foroko proiekturik onenarentzako sariaren babesle gisa.
-
CINANDO, Zinemaldiko Bideotekan laguntzeagatik.
-
VENTANA SUR, Buenos Aireseko merkatua eta Canneseko Zinemaldiko PRODUCERS NETWORK, Europa-Latinoamerika Koprodukzio Foroko kolaboratzaileak.
-
BASQUE CULINARY CENTER, Culinary Zinema: Zinema eta Gastronomia saileko antolatzaile laguntzailea.
-
Berlineko Zinemaldiko CULINARY CINEMA, Culinary Zinema: Zinema eta Gastronomia saileko kolaboratzailea.
-
RED BULL MEDIA HOUSE, Savage Cinema sailaren antolatzaile laguntzailea.
-
COOKIE BOX, Dramanagement: Zinema eta enpresa atalaren antolatzaile laguntzailea.
-
TABAKALERA-KULTURA GARAIKIDEAREN NAZIOARTEKO GUNEA, Zinema Ikasleen Nazioarteko Topaketaren antolatzaile laguntzailea.
-
IRIZAR, Euskal Zinemaren Irizar sariaren babeslea.
-
TCM, TCM Zinemaldia Topaketen babeslea.
-
EL DIARIO VASCO, belodromoko emanaldietan parte hartuko baitu.
-
JAEGER-LeCOULTRE, Zinemaldiaren inaugurazio-festaren babeslea.
-
PERRIER JOUET, Zinemaldiko xanpain ofiziala.
-
KELER, garagardo ofiziala.
-
EiTB, Zinemira ataleko eta Euskal Zinemaren galako laguntzailea.
-
SAN TELMO MUSEOA eta EUSKADIKO FILMATEGIA, Eastern Promises. Ekialdeko Europaren erretratua 50 filmen eskutik zikloaren laguntzaileak. .
-
SGAE-AUTOR FUNDAZIOA, Zinemaldiaren babeslea.
-
DONOSTIA, 2016KO EUROPAKO KULTUR HIRIBURUA, Zinemaldiako kolaboratzailea.
Eskerrak, halaber, Donostiako Nazioarteko Zinemaldia Sozietate Anonimoaren Administrazio kontseiluko kideei: Espainiako Gobernuko Kultura Ministerioa, Eusko Jaurlaritzako Kultura Saila, Gipuzkoako Foru Aldundia eta Donostiako Udala.
Argazkia: Karlos Corbella
Argazkia: Karlos Corbella
Argazkia: Karlos Corbella
Argazkia: Karlos Corbella
Argazkia: Karlos Corbella
Argazkia: Karlos Corbella
Argazkia: Karlos Corbella
Argazkia: Karlos Corbella