Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Iazko edizioan 6 film ikusi ahal izan genituen Savage Cinema atalaren barruan. Guztiak ere Europako edo mundu osoko estreinaldiak izan ziren eta publikoaren txaloak lortu zituzten beren irudi eta historia zirraragarri eta bereziekin. Kalitatezko lan haiei esker snowboarda, surfa, eskia eta eskalada zinemazaleen eta kirolzaleen ahotan izan ziren, eta zinema-aretoetatik kanpo ere begirada ugari erakarri zituzten ekintza ikusgarriekin; esaterako, David Lamak Kursaal jauregiaren ertzetako bat eskalatu zuenean.
Arrakasta hori lortzeko ezinbestekoa izan da beren filmak aurkeztu zituzten eta Zinemaldiaren giroaz gozatu zuten zuzendarien, ekoiztetxeen eta kirolarien laguntza, haiei esker bilakatu baita zinemaren, kirolaren eta abenturaren arteko topagune. Honako hauek dira abentura honetan lagundu zigutenetako batzuk: David Lama (eskalada) eta Stephanie Gilmore (surfa) munduko txapeldunak, Dave Rastovich eta Chris del Moro kirolariak, Andrew Kidman, David Zieff, Murray Wais, Thomas Dirnhofer eta Dave Mossop zuzendariak eta Martha Mitchell ekoizlea, besteak beste.
Savage Cinemak ikuskizunaren maila are gehiago igo nahi du, aretoen barrualdean zein kanpoaldean, bigarren edizio honetan. Uztailaren 16ra arte irekita egongo da Donostia Zinemaldiaren 62. edizioan parte hartu nahi duten eta akzio-kirolei, abenturari edo naturari buruzko gaiak jorratzen dituzten filmen izena online emateko epea; haien generoa edozein izan ahalko da, baina azken urtean ekoitzitakoak izan beharko dira.
Bideoak
Astelehenetik ostegunera: 09:00 - 15:00.
Ostiraletan: 10:00 - 14:00