Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Harris Dickinson eta Archie Pearch (Devisio Pictures)
Aktore eta zuzendari britainiarra den Harris Dickinson eta ekoizle Archie Pearch-ek Urchin aurkeztuko dute Donostian, Dickinsonen lehen film luzea. Lanak Un Certain Regard sailean parte hartu zuen Cannesko jaialdian —non FIPRESCI Saria eta Aktore Onenaren Saria jaso zituen—, eta nazioarteko hainbat jaialditatik igaro ondoren iritsi da orain Espainiara, Zabaltegi-Tabakalera sailean lehiatzera. Elkarrizketan lehen film bat gauzatzeko erronkez, euren sormen prozesuaz eta 2023an sortu zuten Devisio Pictures (Londresen eta New Yorken egoitza duena) ekoiztetxeari buruz arituko dira. Halaber, nolako konpainia eraiki nahi duten azalduko dute eta beren lanaren orainaz eta etorkizunaz hausnartuko dute.
Devisio Pictures Londresen eta New Yorken egoitza duen zinema eta telebista ekoiztetxea da, Harris Dickinson eta Archie Pearch buru dituela. Konpainia 2023an sortu zen, ahots bereziak dituzten zinemagile eta sortzaileak babesteko helburuarekin, eta hurbiletik lan egiten du bai talentu berriekin bai ibilbide sendoko egileekin.
Devisio berrikuntzaren eta jarrera disruptiboaren aldeko apustua egiten du, kontakizun ausart eta ikusgarriak sortzeko. Sortzaileen interes eta esperientzia anitzek bultzatzen dute konpainia premiazko eta unibertsalak diren, muga geografikoak gainditzen dituzten istorioak kontatzera.
Gaur egun hainbat proiektu ditu garapen aktiboan; horietako baten filmaketa urte bukaeran hasiko da eta beste batena 2026ko hasieran. Azkenaldian, Harris Dickinsonen zuzendaritzako lehen lana, Urchin, Canneseko Zinemaldian estreinatu zen, non Aktore Onenaren Saria eta FIPRESCI Saria jaso zituen.
Astelehenetik ostiralera: 09:00etatik 14:00etara eta 16:00etatik 19:00etara