Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Zinemira sailerako aurten aukeratutako zazpi filmak 59. Donostia Zinemaldian ikusi ahal izango dira. Zinemira Euskal Herrian ekoitzitako zinemari eskainitako atala da. "ESTREINALDIAK" atalaren barruan, hiru ekoizpen berri aurkeztuko dituzte, eta “PANORAMA” atalaren barruan, berriz, aurten ekoitzitako lau film nabarmen emango dituzte.
SERBITZU ZINEMIRA SARIA
Argitaratu gabeko hiru filmok Serbitzu Zinemira saria irabazteko lehiatuko dira; sari horren helburua euskal kultura eta industria zinematografikoa garatzen laguntzea da. Orotara, 20.000 euro gordin irabaziko ditu filma ekoitzi duenak. Sari honek Serbitzu Elkartearen babesa du.
ZINEMIRA SARIA
Euskal Zinemaren Gala Victoria Eugenia antzokian izango da, irailaren 21ean. Bertan, Gregorio Muroren Zeinek gehiago iraun film laburra emango dute, eta Imanol Rayok zuzendutako Bi anai film luzea estreinatuko dute. Galan, Elías Querejeta ekoizleak Zinemira saria jasoko du; hau da, euskal zinemagintzako pertsona ospetsu baten ibilbidea saritzeko ematen den saria.
KIMUAK
Zinemira sailaren barruan, era berean, 2011ko Kimuak katalogoko film laburren aukeraketa ere izango da. Kimuak Eusko Jaurlaritzako Kultura Sailaren eta Euskadiko Filmategiaren arteko ekimena da, eta helburua urteko film labur nabarmenenak zabaltzea da. Kimuak aukeraketaren barruan, bederatzi film labur bildu dituzte.
EUSKADIKO FILMATEGIAREN ZAHARBERRITZE-LANAK
Bestalde, Donostia Zinemaldiak Euskadiko Filmategiarekin lankidetzan jardungo du Euskal Herriko ondare zinematografikoko obra zaharberrituak emateko. Aurten Gotzon Elortza zinemagile bizkaitarraren hiru film labur dokumental aurkeztuko dituzte; hain zuzen, erabat euskaraz sortutako eta filmatutako historiako lehendabiziko pelikulak.
Zinemira Donostia Zinemaldiak antolatzen du, Eusko Jaurlaritzako Kultura Sailaren, EiTBren, EPEren eta Ibaiaren lankidetzarekin. Halaber, Serbitzu Elkartea da babeslea.
Berriak
- 2011 / 08 / 26
Zazpi film aurkeztuko dituzte Donostia Zinemaldiko Zinemira sailean
Euskal Herrian ekoitzitako hiru film labur ere estreinatuko dituzte
Astelehenetik ostegunera: 09:00etatik 15:30era
Ostiraletan, 10:00etatik 14:00etara